رشاشات لانوس 2004 او 2005

**RiVo0** · 15-04-2008 02:32 AM

يا استاذ ممدوح واضح انك بتفهم اوي عشان كله عمال يسالك فما كمان هسئلك انا دلوقتي هجيب لانوس مستعملة 2004 او 2005 هل اول ما اجيبها اغير الرشاشات دي ولا اجربها الاول ويا تري الاستهلاك الطبيعي للبنزين كام كيلو للتر عشان اعرف اذا كانت تستاهل اغيرها ولا لأ وتقترح عليا لو هغيرها اجيب انهي رشاشات احسن ومين هتعيش اكتة وتوفر اكتر وشكرا ليك اوي يا باشا على كل اللي قدمتوا

**MMamdouh** · 15-04-2008 02:43 AM

حسب معلوماتى ان اللانوس من اول موديل 2002 و انت طالع بقى ينزل فيها رشاشات غير اللى كانت بتنزل فى 99 و 2000 و 2001 و الرشاشات الجديدة دى مفيهاش مشاكل الرشاشات اللى بنحكى عنها و بالتالى لانوس 2004 او 2005 مش حتحتاج ليها تغيير رشاشات فى المدى القريب

استهلاك اللانوس فى شوارع بلدنا العزيزة بالمتوسط حوالى 9.5 كيلو للتر يعنى بتاع 190 فى الصفيحة.. استهلاكك لو فرق حاجة بسيطة عن كدة يبقى عادى لان استهلاك البنزين بيعتمد على طريقة سواقتك و الطرق اللى بتمشى فيها و كدة

MMamdouh

**hefnawy77** · 15-04-2008 05:09 PM

المشاركة الأصلية كتبت بواسطة KarimAbulEla

يا ريفو محمد ممدوح مش بس بيفهم فى الدايو لكن هو عميد قسم الدراسات الحرة و المتخصصة للدايو بانواعه :D

+++11111111111111

و ده طبعا واضح من الدراسات اللى عاملها و مواضيعه المثبتة اللى منورة قمة منتدى الدايو..

الله يبارك لك يا استاذ محمد ممدوح

**battikh** · 16-04-2008 12:46 AM

أنا عندي تعليق بسيط على استهلال البنزين في اللانوس، عندي إحساس إن تقييم استهلاك البنزين فيه غلط، لإني عملت بنصيحة الأخوة في المنتدى وبدأت أحسب استهلاك البنزين عن طريق الورقة والقلم ، والتفويل ، يعني أفول على آخر التنك وأمشي والمرة التانية أفول بنفس طريقة المرة السابقة يعني ع الآخر وأحسب المستهلك فوجدت إن اللانوس بتعمل في صفيحة البنزين تقريباً 230/240 كيلو طوالي يعني أنا أخدت مشوار 480 كيلو استهلك فيه بنزين 36 لتر، وتقل 200/220 داخل البلد
على فكرة عربيتي لانوس كوري 99 استيراد 1500 وقيادتي غالباً بعد المائة يعني المفروض على حسابات الأخوة الاستهلاك عندي يزيد.
أتمنى الرد من مهندس اللانوس محمد ممدوح

**MMamdouh** · 17-04-2008 01:21 AM

وضع طبيعى ان فى الطوالى الاستهلاك يكون بالمعدل دة لان انت لا بتكبس عشان تسرع العربية و لا كل 3 ثوانى تقف فى اشارة نص ساعة ولا الكلام دة... الطوالى بيوفر بنزين جامد

جوة البلد لازم الاستهلاك يزيد لا الموتور بيشتغل كتير و مبيقطعش كيلوات كتير

النقطة الاهم ان استهلاك البنزين بيعتمد على حاجات كتير اوى منها انت بتسوق فين اذاذ كان جوة البلد ولا علىة الطوالى و بتجرى ولا لا و معاك وزن ولا لا و بتشغل التكييف ولا لا و بتحرق على الغيارات ولا لا الخ الخ

و بالتالى مقارنة الاستهلاك بالغير مقارنة مش صح لان كل واحد له ظرف استهلاك غير التانى... يعنى انا مثلا بحرق كتير و 90% من مشاويرى جوة البلد و مركب جنوط 14 حديد تقال و شنطة عدة عايزونش يشيلها من الشنطة + كوريك تمساح... اكيد عربيتى اتقل من عربيات معظم الناس هنا و بالتالى استهلاك البنزين الطبيعى بتاعى عالى بالنسبة للناس التانية و العكس بالعكس لو واحد سواقتة هادية و مش حاطط قشاية فى عربيتة

المقارنة الصح تبقى بين المعدل الحالى ليك مقابل متوسط الاستهلاك بتاعك عشان تقدر تثبت العوال المتغيرة اللى انا ذكرتها دى كلها و تبقى المقارنة دقيقة

MMamdouh