هل الايفو فقدت مايمزها بعد السعرالجديد ؟ سؤال للنقاش ؟

**Ra2ouf** · 20-05-2011 11:30 AM

المشاركة الأصلية كتبت بواسطة mohamedgamall

كفاية ان انت هتجيب عربية زيرو معروف ان فى عيوب طفيفة فى تقفيل الموتور و بتتحل عادى فى الصيانة غير ان المالتى فنكشن الزراير بتعلق و بتعد تخبط على الدركسيون علشان يشتغل الكلام دة هتلافية شائع فى القسم بتاع بروتون بس برضة هتلاقى الناس مش فارق معاها و بتحب عربيتها جدا

قولى على عربية مفيهاش عيوب..... دة حتى المرسيدس من ساعة مابقت تتقفل فى مصر بقينا نلاقى فيها عيوب .

**د.اشرف هنداوى** · 20-05-2011 03:27 PM

اؤيدك ان في ظل ارتفاع سعر الايفو الي 121 الف يبقي الجين 2 الي ب 93000 و فيها كل الكماليات لكن يمكن تقفيل اقل و عيوب بسيطه

تبقي الجين 2 اختيار ممتاز (ثبات رائع + صاج حديد ِ+ كماليات كتير + توكيل احسن شوبةمن اوماترا + شكل جميل جدا)

**wael17** · 20-05-2011 04:13 PM

المشاركة الأصلية كتبت بواسطة pirlo2000

مع احترامي للجين و انا نفسي بفكر فيها بس الكواليتي و الجودة و العمر مع الفيات اليطالي اكيد .... اتفرج علي الجين 2 المستعمل مثلا ثلاث او اربع .... ممنكن تلاقي التمبرا اللي بقالها فوق ال 12 سنة اشد و في حالة احسن..
بس ده ال trade-off المشهور...........cost vs quality

+1111

**Ra2ouf** · 20-05-2011 04:28 PM

المشاركة الأصلية كتبت بواسطة pirlo2000

مع احترامي للجين و انا نفسي بفكر فيها بس الكواليتي و الجودة و العمر مع الفيات اليطالي اكيد .... اتفرج علي الجين 2 المستعمل مثلا ثلاث او اربع .... ممنكن تلاقي التمبرا اللي بقالها فوق ال 12 سنة اشد و في حالة احسن..
بس ده ال trade-off المشهور...........cost vs quality

مفيش عربية فى رنج السعر دة ممكن تلاقى فيها كل اللى أنت عايزة ......
وأكيد الكلام دة بينطبق على الأيفو .....
كل حاجة لازم يكون فيها مميزات و عيوب ...... الكمال للة .

**mohaismail** · 20-05-2011 04:36 PM

نيسان تيدا وفورد فيستا واوبل كورسا افضل كتير

**CryptonX** · 20-05-2011 04:37 PM

طعبا كquality الايفو تتفوق على الجين 2 داخليا و خارجيا

لكن في منتهى الامانة ... Reliability ? و fiat ? كلمتين مش متبراطتين ..ومش افتراء مني ولا حاجة
jd power survey بتاع ملاك السيارة موجود ... وفيات في مؤخرة اللستة .

متفهمونيش غلط .. انا لسة لا اشتريت دي ولا دي ... :)
انا عايز الايفو بمحرك و السواقة بتاعة الجين 2 ... بسعر الايفو بالكثير :p

وبعدين خلي بالكوا الجين 2 مصممة في 2004 , الايفو في 2009 يعني مقارنة مش عادلة شوية .

و هما عامة فئتين مختلفتين
بس في ماليزيا نفسها الناس واقعيين يعني محدش بيقارن الجين 2 بالجولف مثلا و لا بالكورولا و لا بالسيفيك ...

هناك بتتقارن بالياريس و السيتي . الي هي مازالت برده ارخص منهم .

**mmffor** · 20-05-2011 06:31 PM

فيات = سعر مرتفع + قطع غيار غالية + صعوبة الصيانة + قطع غيار غير متوفرة + اداء سيء للمحرك
= شكل داخلي رائع + شكل خارجي مقبول + خامات جيدة + تقفيل جيد

نيسان تيدا = معادلة السعر مع الجودة و الاداء
سيارة جميلة ( خصوصا الهاتشباك ) واسعة بحر + استهلاك وقود قليل جدا + جودة خامات + جودة تصنيع + توكيل ممتاز + توافر قطع غيار + رخص قطع الغيار + سهولة الصيانة

**CryptonX** · 20-05-2011 06:42 PM

ده صحيح يا mmffor
بس شراء التيدا الحالية في التوقيت الحالي يعتبر "غباء سياسي" ( حلوة الكلمة دي )
بمعنى اولا هي مش ياباني .. او مبقتش ياباني .. اتغيرت فيها شوية حاجات عن الموديلات السابقة و بالتالي حتحتاج قطع غيار (كماليات) مختلفة .. كله كان حيبقى ظريف لو كانت ناوية تطول ..
بس على اخر السنة دي .. ( الي خلاص احنا في نصفها تقريبا ) التيدا الجديدة كليا نازلة ... بشكل احلى و امكانيات و مواصفات اعلى بكتير جدا و حتكون ياباني ...

يبقى الموديل المكسيمي حكم على نفسه بالاعدام مسبقا ... حيختفي ... قطع الغيار خارج التوكيل حتبقى نادرة علشان ملحقتش تنتشر ... = صفقة فاشلة .

ده غير سبب شخصي وهو الاهم .. انا لا يمكن اشتري عربية والاقي عربية تانية جديدة نازلة بعدها بكام شهر .. حقعد اعيط جنبها , شكل العربية لا يقل اهمية بالنسبة لي عن اي مكون اخر فيها .