لأ انا مش فاهم يا ريت توضح :D:p:p:p
عرض للطباعة
مصر ؟؟؟؟؟
لا لا لم تعد مصر البلد التي علمونا ان نحبها
كبرنا علي (مصر مصر مصر مصر . . . تعيشي يا مصر
و خلافه من الأغاني اللي لما كبرنا ملقيتلهاش معني
لكن فيه أغنيه لسيد درويش بتقول
(يا مصري ليه دنياك لخابيط و الغلب محيط
و العنكبوت عشش عالحيط و سرح عالغيط
يا مصري ياللي الغلا عاصرك
و الهب في عصرك حاصدك
و لا حاجة حترجع مصرك ، إلا ان تكون شغال و نشيط)
دي بقي الأغنيه اللي لقيت حال مصر عليها و الكلام ده بقالوا 100 سنة يبقي احنا اتضحك علينا و كنا عايشين وهم
[QUOTE=ابو سيف;227029]لأ انا مش فاهم يا ريت توضح :D:p:p:p[/QUOTE
البيت بساكنة يا ابو سيف 000 فمهما كان حالة البيت من فقر او غنى المهم بمن يقطن هذا البيت !!!!!
يا محمد باشا اللي ساكن البيت مش كويس قوي
ما هو سواق الميكروباص التوكو و التوك و الصنايعي و الموضظ الممل و الضابط الفاسد و كل ما هو بني آدم سيء و دول كتير من سكان البيت
بصراحة مصر يا جماعة حلوة جدا مش حاسين بقيمتها (طبعا أقصد كل حاجه فيها إلا الناس -إلا من رحم ربي منهم-)
يعني لو سافرت مثلا بلد حر قوي زي دول الخليج حتقول يا على جو مصر ولا يوم من أيامها وكذلك لو الجو بارد..
طبعا هناك تشوف أماكن جميله لكن في مصر تحس كده ماشي في متحف فيه أشكال المباني القديمه -أينعم عايزه ترميم لكن شغاله-
في برضو حاجات شليله في مصر وسلوكيات خاطئه جدا وتسيب والى أخره...
بس برضو على قد السوء اللي فيها لكن أي ذكره وأنت في الغربه حتخلي عندك جنين مش طبيعي لمصر -على الأقل صحابك أهلك مدرستك كليتك المسجد اللي متعود تصلي فيه -يعني من الأخر زي الشاعرة العظيمه شرين هههههههههههههه ما بتقول إن غبت باحنلها وانسى الدنيا واجيلها
بجد والله كنت بتهبل على مصر لما تيجي سيرتها
وما أدراكم من قناة المومياء أقصد قناة الفضائيه المصرية بجد ممله وخنيقه بس كنت بتفرج عليها لما يجيبوا فيلم تسجيلي عن أسكندرية أو أي حاجه في مصر
بعشق حاجه أسمها إسكندرية بحسها حته مني بجد دون مبالغه بحبها وبحب كل حاجه فيها شوارعها بحرها بيوتها ناسها-بس دلوقت بدأت أكره نفسي بسبب بناس كتير-
عن نفسي أحب أنزل أور في الشوارع بتاعهتا أو أقف عالكورنيش عند الحته الفاضيه عند سان ستيفانو وأخزق السماعات في وداني وأعيش في دنيا تانيه بيكون في وقت المغرب أو عند كوبري أستانلي بالليل أو قبيل الفجر
طبعا لازم الصلاه عشان الواحد يرتاح بيها من الهم والحزن
أسف عالأطاله
أه صحيح نسيت ده يا جماعه من كتر حبي لمصر وأسكندرية بالتحديد وانا لما بكون في عمره أو حاجه ببقى عايز أجي مصر مش عارف ليه وفي نفس الوقت مش عاوز أسيب هناك ..ههههههههه الموضوع ده محيرني جدا
طيب يا اسلام باشا 000 نعمل اية هم اهلنا وناسنا ونحن منهم وهم منا 000 اكيد الظروف اللى احنا عايشنها الان والصعوبات التى تقابل الناس جعلتهم جشعين وكل واحد بيحب نفسة وهلما جرة ، ولكن بأذن الله تنزاح هذه الغمة وينعدل حال الناس ، وان كنت دائما اقول كيفما تكونوا يولا عليكم
ومع الصبر كل شىء ينصلح ولو كل واحد منا حاول يصلح من حولة بقدر الامكان وكل واحد علم اولادة اتقاء الله فى كل شىء لاصبح حالنا الى الاحسن بأذن الله
إنتو عارفين ليه بنستريح في الهدوء لأن هو دة اللي نفسنا نعيش فيه يعني لما تبقى ماشي لوحدك بليل في الشارع و الناس نايمة لأن أنت فعلاَ نفسك تبقى الناس كلها مستريحة و مبسوطة في حياتها أما بقى الهدوء اللي أنت بتحبه في الشارع فدة لأنك نفسك البلد تبقى صافية و مفيهاش أي تلوث و لا ضوضاء عالية و أما بتحب تبص للسماء فدة علشان أنت بتبص لمستقبل كويس سواء لنفسك أو أي حد تاني .
و فعلاَ الحاجات دي بحسها و أنا ماشي في أي مكان خلى بليل و ببص للسماء و أعصابي بتستريح لما بعمل كدة و خصوصاَ زي ما قلت لكم في الساحل الشماي في الصيف بليل .
:):)
احسن حاجة في مصر .. ان بيتي فيها .. و جوة بيتي .. و جوة غرفتي ... و علي فراشي .. بنسى كل العيوب و المساوئ و الهموم و القرف ....
وباحمد ربنا انه رزقني باهلي و وفرولي مكان انام فيه و اكل فيه و اتعلم فيه .
علشان فيه ملايين مش لاقيينه حتى .
اي حاجة غير كدة .. بتعود عليها .. حعمل ايه يعني - اكيد في حد اسوا مني و بيعاني اكتير مني في كل حتة ... الحمد الله .
انزل صلي الفجر في الجامع ... وبعد الفجر انزل امشي في اي مكان في مصر .. سواء علي قدميك او بالسيارة او بالدراجة .. ح تلاقي بلد تانية غير اللي انت بتشوفها طول اليوم ... جربوا وقولولي النتيجة
http://www.up7up.com/pics/n/6/1208341506.jpg
بصراحة منظر بدييييييييييييييييييييييي ييييع جدا سلم إيدك
فعلا المنظر ده بيكون جميل بعد الفجر ومنظر الشروق
(والصبح إذا تنفس)
أثبتت الدراسات إن المصلين للفجر في المساجد بيكونوا ماشاء الله صحتهم ممتازة وكله بسبب الجو في الوقت بيكون سبحان الله نقي وتحسه pure ويكون زي النسيم
أنا كنت مصور الشروق عند الحرم المكي بس مش لاقي الصورة ححاول أرفعهالكم لما ألاقيها بإذن الله ..