بما أننا أجمعنا أن العيشة في مصر بقت صعبة جدا و بما اننا برضه مبنخرجش منها فا نحاول نبص للحاجة الحلوة فيها .... حتي لوكان شارع بتحب تنزل تتمشي فيه ... لو مكان علي النيل .... لو حتة تحب تاكل فيها .... أي حاجة عشان منكرهش نفسنا أكتر من كدة ....:)
عرض للطباعة
بما أننا أجمعنا أن العيشة في مصر بقت صعبة جدا و بما اننا برضه مبنخرجش منها فا نحاول نبص للحاجة الحلوة فيها .... حتي لوكان شارع بتحب تنزل تتمشي فيه ... لو مكان علي النيل .... لو حتة تحب تاكل فيها .... أي حاجة عشان منكرهش نفسنا أكتر من كدة ....:)
فعلا يا جماعه احنا لازم نبقا متفائلين اكتر من كده
وانا عن نفسى هبدء اول واحد......
مافيش فايده....
عمر البلد دى ماهتتغير..
الحال كل يوم للاسوء...
الزحمه بتزيد
الاسعار بتزيد
الناس بتزيد
البطاله بتزيد
الظلم بيزيد
الهم بيزيد
حكومه وقانون ....مهلبيه
طب هنفرح ليه!!!
وايه موجود يفرحنا اصلا.!!!...
مفيش فايده مفيش فايده مفيش فايده
وحسبى الله ونعم الوكييل
.....
مواطن متفاءل
:D
الساعة اربعة الفجر ....
على الكورنيش ...قدام هيلتون النيل ....
و الدنيا فاضية حوالية بالليل...
اقعد اشرب شاي عند واحد اسمه شمس ...بجنية و نص على فكرة ...حاجة نضيفة يعني :)
و بيبقى مشغل نجوم اف ام ..اقعد في دنيا تانية...........لوحدي :rolleyes:
ارجع زي العربية اللي لسه طالعة من الغسيل في بنزينة :)
ارجع للعربية الاقيها متكلبشة :o
و الله كلنا عارفيين و شايفيين و حاسيين بكده ....بس أنا كان قصدي .... مادام أنت عايش هنا دلوقتي خلييك متفائل شوية .... حتي لو مفييش أمل... هتعمل ايه .... فاهم قصدي .... ثم يا عم أنت شاب ضارب غلي الونش بتاع الناس و محدش يقدر يكلمك :D:D:D:D
و ألف سلامة عليك أنت و العربية
جهجهجهجهجهجهجهججهجهجهجه
فعلا ياكمارو...!!!!!!!!!!!!!
....
اصل يا جماعه...صاحب الوضوع...محمد هانى
وكامارو اسمو بردو................محمد هانى
وانا بقى اسمى.....................هانى محمد
جهجهجهججج
.........................................
ومش قلتلكو مافيش فايده
حتى الاستاذ علاء ياعينى بعد اللحظات الهائمه دى...بيرجع يلاقى العربيه متكلبشه
...يعنى لازم حاجه تنغص علينا عيشتنا...مفيش فايده مفيش فايده مفيش فايده
هوده اللي بتكلم فييه :D:D ناس متفائلة مش مشكلة العربية تتكلبش ...... المهم نشرب الشاي :D
عامه .... أنا بحب قوي أقعد علي نادي التحرير قبل الفجر كدة ..... قاعد لوحدي حاطط السماعات في ودني و أسمع فيروز ..... و معاها كباية الشاي ....... يااااه و أقعد مع نفسي
ياااااااه أنا كنت غاكر أنا بس اللي أسمي محمد هاني .... ده أسم ده تمشي بيه يا كمارو باشا ..... مش مكسوف :p:p:p
عمرك ما هاتحس بأي حاجة حلوة في مصر الا لما تطلع برة. يمكن اكتر حاجة حلوة لسة موجودة في مصر هية الامان ولو انه كمان بدأ يقل في ظل الظروف اللي عايشنها بس لسة موجود اكتر من اي دولة تانية.
غير كدة ماعتقدتشي ان في حاجة في البلد بقت تفرح زي ماقال استاذ هاني فلاينج بيجو
كل حاجة سيئة بتزيد
اسعار ....... سرقة ............ غش ....... ظلم ......... رشوة ....... كذب ...... اونطة ....... فهلوة ....... نصب....... الخ
وكل حاجة حلوة بتقل
ضمائر...... رقابة ....... بني أدمين ...... عدل ......... امان ........ صبر ......... مصداقية ....... مساعدة ......... الخ
للاسف مافيش فايدة
الحاجات اللي ممكن بتهون عليا العيشة هنا لحد ما ربنا يسهللي :
1 - طريق العين السخنة
2 - المنتدى
3 - صوت الأذان
4 - فيه كافي اسمه Xpresso بحب اقعد فيه لوحدي
5 - نجوم F M
-------------------------------------------------------------------------------------
و الله انا باتلكك علشان الاقي حاجات كويسة في (.....) البلد دي بس مش لاقي اكتر من كده
و مش عايز اقلبها نكد
اهي ماشية
الله يسلمك يا حبيب قلبى....والونش فى الحفظ والصون ....
بس انا كنت عايز اقوللك حاجه ان فعلا فعلا والله مافيش فايده
جهجهججججججهجهجهجه
:p:p:p:p
...........
لا خلاص بجد بقه عشان منبوظش الموضوع الجميل اللى انت عملو دا...وبرغم ان مفيش فايده
بس.....نديها خمسه تفاؤل....
......................................
انا احلى حاجه بحب أعملها وبتخرجنى من الهم اللى انا فى...انى انزل الساعه 3 4 الفجر كده
بالعربيه...ربنا ينتعها بالسلامه:D....وانزل وسط البلد...والبلد فاضيااااااااااااااااااااا ا...والجو جمييييييييييييييييييييييي ييييل....ومفيش ناس ولا زحمه ولا حاجه...والشوارع أد ايه بيبقى شكلها جميل
.....واركن العربيه ...وأقعد اعيط واندب حظى وحظ المصريين كلهم....وألعن الايام السودا والغم اللى احنا عايشين فيه وياعالم ايه تانى مستخبلنا...وأقعد اعيط...ومفيش مانع من شوية سريخ..دا لو ماأطععتش هدومى....وحسبى الله ونعم الوكيل فى دى بلد...وأديها خمسه تفاؤل
:D:D:D:D:D:D:D:D
..........................................
اعذرنى يامحمد والله موضوع جميل بس انا مخنوووووووووووء اوى ومش قادر اضحك على نفسى....على العموم انا مش هرد تانى عشان ما اعكننش عليكو...وهتفرج بس على ردودكو الجميله....يمكن الواحد يتفك شويه...
رغم انى عارف ان مفيش فايده:D
مش عايز أقول النيل و الهرم و الزرع و الصحرا و البحر و السما و الشمس و المطر و الجبال لا تفتكروني باغني خدوها كلمة من واحد عايش بره كل شبر في مصر حلو ...بلد مفيش زيها في الدنيا ...و أنا على فكرة لفيت كتير
العيب مش في البلد العيب في الناس .....عارفين أكتر حاجة بتحرقني إيه .....لسة حاسس إن فيه أمل .....اليأس يبقى راحة :(
NO WAY أكيد في حاجات كتير نحبها في مصر
زي
التاكسي
الميكروباص
الزحمة
التلوث
المحسوبية
الفهلوة
أخيراً الناس ماركة NO WAY :)
Thanks
Eng.Sherif Shaker
ههههههههههههه هههههههههههههههههه
انا ما رضيتش اقول اني بارجع اكره نفسي تاني لما الاقي الكلبش...الموضوع ماشي تفاؤل ..
فركزت على الجانب المضيء بس..:)
فيروز اخر الليل ..هوه ده وقتها ........
بس لما تيجي تروح بتروح مروق عادي كده ! لا كلبش في عربية ولا رسمة سيريالية بمسمار فنان مصري معاصر او اي حاجة ...مش ممكن ...
انت كده هتبدأتحسسني ان فيه امل :eek:
ياااااااارب...
انا شايف ان الموضوع كده هيتقلب لاحصاء عدد المتفألين والمتشأمين
وانا شايف ان الموتشائمين بيذيدو...ودا شىء طبيعى عشان مفيش فايده
:D:D:D
واضح أن كلنا بنحب نقعد لوحدنا ..... :D
و بحب قوي أنا أبقي ماشيفي شارعفييه 3 أو أربع مساجد كدة و تلاقي الناس رايحهللصلاه لما يأذن ..... تصدقوا أن أنا راجع من فترة كدة الفجر ..... لاقيت الناس ملت المسجد و فرشوا بره عشان الناس كلها تصلي....... الفجر و فارشيين برة في الشارع .... والله أمبسط قوي فعلا :)
و المنتدي ده شيئ أساسي بالنسبالي :D .... ربنا يعلم أن بحب أقعد عليه ازاي .... أنا سعات ببقي خارج و أبقينفسي أرجع البيت عشان أدخل هنا
انت عارف لهفتك على الرجوع للمنتدى ليه
عشان تعيش فى عالم آخر...غير عالمنا البغيض
عالم مفهوش ولا ظلم ولا قهر وغم ولا نكد
عالم بعيد عن سطوة الاسعار والحكوه والقانون على الناس
عالم بعيد عن الرشاوى والبلطجه والفهلوه
عالم بعييييد خالص عن عالمنا..
اللى ...مافيش فايده فيه
:D
يا جماعة الراجل فاتح الموضوع و نفسه و منى عينه يشوف ناس متفائلين :rolleyes:
حققوله أمنيته ....... حرااااااااام عليكم :p
معلش يا أستاذ محمد هانى توووو ..... شوية كده وهتلاقيهم زهقوا من كتر ما بيتكلموا على السلبيات و هتلاقيهم لوحدهم كده بيتلككوا على أى حاجة عشان تطلع حلوة :D
أنا بقى أكتر حاجة بتخلينى أستجم .... هو إنى أمشى فى أى شارع فى القاهرة الساعة 3 4 كده ....
أولاً الجو بيبقى تحفة سواء صيف أو شتاء .... حتى لو فى هواء ساقع لكنه بيفرفش الواحد كده :D
ثانيا أمنيتى إتحققت على أرض الواقع ..... بإنى ألاقى شوارع مصر فضيت من العربيات
ثالثاً الهدوء الرهيب ده...... بيحسسنى إنى فى إسكندرية (زمان) أو مرسى مطروح (دلوقتى) .... يعنى كأنى رحت أصيف فى وسط الدراسة.
بجد نصيحتى لأى حد فيكم زهق من الزحمة و القرف بتاع القاهرة اليومين دول
ينزل يروح أى حتة و يركن العربية على جنب و ييمشى شوية ........ هيحس بإحساس جميل
أنا بعمل الحكاية دى فى وسط الإمتحانات .... عشان الضغط الرهيب اللى بيكون علينا ....
و الله يا هاني باشا أنت كده فكرتي بواحد صاحبي ..... دايما الكلمة دي في لسانه .... جد و هزار .... بس أنا مبقلش أن الحياة وردي ولا بمبي ... أنا بقول نبص شوية علي الحاجة الحلوة عشان أنا بقالي كدة كام يوم بشوف كلام لينا هنا في المنتدي ... كلام لو الواحد شافه والله تعب نفسيا .... ثم يا باشا أنت ترد و تكتب اللي أنت عايزه :) بس أكيد في حاجة بتحبها هنا في بلدك
عارف المشكلة الوحيدة اللي بتواجهني في موضوعالأسم ده ايه ؟؟
لو ربنا رزقي بأبن كدة بعد بتاع 20 أو 30 سنة :p
هسميه ايه ؟؟؟
و هيبقي شعوره ايه و الناس هتكدره أزاي عشان كدة أنا بفكر لما أسمييه .... أسميه أسم مركب من 5 أسماء كدة ولا حاجة عشان هاني ديه متظهرش :p:p:p
بهزر طبعا بس فعلا الواد ده هايعاني في حياته :D
و زي ما قلت ..... باين أن أٍعد وقت هنا للناسكلها أنها تمشي لوحدها بالليل :D
بعيد بقه يا محمد عن الهزار....تخيل ومش هتسدء...انا اول مره فى حياتى احس فيها
بعاطفه فظيعه تجاه البلد...وانا بسمع أغنية ماشربتش من نيلها ...بتاعت شرين!!!!!!!!!
ياريت كلنا نسمعها
اغنيه رهيييييييييييييييييييبه وكلامتها معبره جدا
بس بعد ما الاغنيه تخلص...وافتكر الواقع الآليم اللى عايشينو.
.ارجع اقول مافيش فايده :(
:D
مهو الأغنية معموله عشان تسمعها و أنت بعيد عن الناس ..... أو تسمعها و أنت بتتفرج علي فيلم عن حرب أكتوبر :D:D
لأ بجد فعلا... أنا بحب قوي أسمع أغنية ( حلوة يا بلدي ) الأغنية دي بسمعها و بعيش في جو تاني خالص و أن شاء الله في أملو ربنا هيوفقنا و نعدي الأيام اللي بنعشها دلوقتي ديه :)
Dr Mido .......... محمد هانى
Camaro .......... محمد هانى
Ma7md Hany2 ........... محمد هانى
Flyingpeugeot ........ هانى محمد
ولادى حبايبى...أحمدك يارب...
:D:D:D:D:D
.......
وفعلا يامحمد أغنية حلوه يابلدى بتاعت داليدا فظيعه
ماهو كدة انتو بتشجعو الناس انها تنزل الساعة 3 او 4 الفجر وكدة هايبقى الوقت ده زحمة اوي ومتلاقيش حتة تركن فيها والمأساة هاتبقى 24 ساعة. ياجماعة البلد الساعة 4 الفجر وحشة اوي والحرامية في كل مكان. وهاني واقف بالونش علشان يشيل اي عربية هاتركن في وسط البلد في الوقت ده. خليكو نايميين في بيوتكم احسن
ههههههههههههههههههههههههه ههههههههههههههههههههههههه هههه
والله تصدق أنا مفكرتش أنها ممكن تقلب كده :D:D
طب أنوا عارفيين أنأحسن وقت هو الساعة 2 فوالشمس كدة و أنت معندكش تكييف في العربيه و أنت في وسط ميدان رمسيس :Dو ليه عربية خليك أحسن في ميكروباص عشان نزود روح التضامن ما بيين فئات الشعب :D
يا سلام بقى على طبق فته كوارع بالخل والتوم
دا بقى متفرقش في الفجر واللا عز الحر انت مجرد ما تبتدي تاكل تدخل في غيبوبه غذائيه ما تخرجش منها اللا بعد الفته ما تخلص
يا سلام بقى لو قمت تغسل ايديك الملزقه لقيت الميه مقطوعه
دماغ الكوارع تطير منك في ثواني
بس سيبك احلى دماغ كوارع تلاقيها في مصر في اى حته وفي كل حته من جاردن سيتي الى زعربانه
خدو تفائـــــــــــــــل بقي.:)
انا بموت في حاجه اسمها مصر
كنت في دبي و كل يوم اتفرج علي اي حاجه من مصر و يبقي هاين عليا انط جوه شاشه التلفزيون!!!!!!!!!!
بحب اهلي و صحابي و المنتدي و شوارع مصر و تراب مصر.
بحب الوشوش الطيبه اللي في الشارع
بحب امشي بعربيتي و اسمع محمد منير
(النيل سؤال و مازال ما جاش عليه الرد من اد ايه و لفين ما قالش عمره لحد و لا بيوصل )
و احمد منيب
(بابا يا بابا يا ضي عنينا مين بتحب الاكتر فينا
اسمعوا يا حبايب قلبي يا زهور العمر الوردي لما الايام بتعدي برسم فيكم حلامي.
دا انت يا حبيبي الورده و انت يا روحي الياسمينه )
و لما انزل القاهره و بالليل اتمشي علي الكورنيش و اسمع حبيبي يا متغرب لفايزه احمد
و طبعا احباب لورده :)
يا سلاااااااااام ببقي في قمه سعادتي .
بفرح لما بلاقي مولود جديد في العيله
يفرح بحاجات كتير اوي .
بس طبعا زي اي مصري بضايق من سواقين الميكروباصات و الزحمه و زنقات الشغل .
بس الحمد لله فرحي و سعادتي مغطيه علي اي شئ و ربنا يدمها عليا نعمه و علي جميع المسلمين :)
والله يا جماعة ماحدش بيحس بقيمة مصر غير اللي يخرج منها حتى لو رحت احسن بلاد الدنيا برده هاتشتاق لمصر. يعني مثلا انا ما بحبش اتفرج على الفناة المصرية الفضائية ديه خالص لأنها عقيمة جداً. بس بره مصر ياااااااااااااه اجمل قناة بتفرج عليها.وهتلاقي معظم اللي بيتكلمو في الموضوع ده من الناس اللي سافرت برة مصر
عمرك ما هتلاقي عادات وتقاليد في الدنيا اجمل من عاداة شعبنا وخفة دمه وارتباطه ببعض. ومتنساش ان احنا في رباط الى يوم الدين بشهادة سيدي وحبيبي رسول الله صلى الله عليه وسلم
والله عندك حق الفضائيه المصريه تجيب شلل بس اهو الواحد بيتفرج على البيت بيتك بكل نفاقه وغباوته
بس عشان يحس انه لسه قريب من مصر
والله يا جماعة انا شايف ان مصر فعلاً هى اغلى اسم واغلى بلد فى الوجود ، لان العيب ليس فى البيت لكن فيمن يسكن البيت واعتقد ان الامر مفهوم !
فمصر بكل ما فيها حلوة وعظيمة ومن يخرج خارج مصر لاى سببب يدرك قيمة بلادة ، فمصر ليس الحكومة او المسئولين 000 ارجوكم التفرقة بين المكان ومن يحكمه ! لان الخلط بين الامور جعل الكثير ممن وضع راية بأن مصر سرقة وغش وزبالة ووووووووووووووووووووو اى كلها اعمال من انفسنا اى من البشر وليس المكان وقيمتة ( ادخلوا مصر ان شاء الله امنين ) صدق الله العظيم