السلام عليكم ,,,
أفكركم بنفسى : أنا عضو جديد وكنت قبل كده فى شهر 1 حبيت أخد رأيكم أشترى تيدا ولا ليفينا , المهم بعد استخارات وروحت مودرن موتورز الدقى اتفرجت على الـ 2 ارتاحت لليفينا معلش هاتقل عليكم وهاحكى القصة بالتفصيل عشان تشوفه المعاناه
وبدأ قصتى معاهم بالظبط فى 22 / 2 لما رحت أتفرج عندهم على العربيتين مع العلم أنا أصلا ً مقيم فأسيوط وشغلى فسوهاج المهم يوم ما رحت هناك كان عربية واحدة ليفينا واقفة وقالولى دى مش للبيع - معرفش ليه - وقالولى مفيش عربيات فى المصنع وهاتيجى نص شهر 3 رحت بعدها للسبع قالولى فى بس لون أزرق واللون مش عاجبنى قلت خلاص أستنى مودرن - مع العلم فأسيوط فى معارض كده خاصة قالتلى العربية موجودة واللون اللى عايزة بس أنا فضلت مودرن عشان المفروض انهم توكيل معتمد وكلمتهم واحدة وانا عارف المعارض يقولى موجودة وبكرة بعده والكلام ده وكمان عشان شغلى متعاقد معاهم وفى تخفيض ألفين جنيه مش عشان التخفيض بس عشان شغلى المفروض لما بيتعامل مع حد بيكون التعامل صريح والمفروض إن نعامل معاملة كويسة - المهم استنيت لغاية 14 / 3 واتصلت بالمختص فمودرن بالتعاقد مع شغلى أسأله قالىى أه جاية بس كلمنى على يوم 16 أو 17 واقول لحضرتك اتصلت 17 قاللى فعلا وصلت شحنة - وانا كنت هاشترى العربية تقسيط بنك - قلتله طب حضرتك الإستلام بعد إيه قاللى مجرد مايخلص البنك إجراءاته ((( تستلم فوراً ))) قلتله طب أنا عايز لون فضى قاللى للأسف مفيش فضى جد الألوان الموجودة رمادى وأزرق وأحمر قلتله طب خلاص رمادى قاللى طب معلش لازم تحجز اللون عشان الليفينا بيجى منها عدد قليل وبيخلص بسرعة قلتله عشان أنا صعب آجى هابعتلك حد يدفعلك الألف جنيه الحجز ورحت البنك عشان أبدأ فى الإجراءات يوم الأحد 20 / 3 وخلصت الإجراءات الخميس 24 / 3 وبعت بالفاكس لمودرن طلب البنك تخصيص سيارة وموافاته برقم شاسيه وموتور السيارة كلمتهم يومها قالى معلش النهاردة الخنيس آخر الأسبوع خليها الأحد قلت ماشى كلمته الأحد 27 / 3 قاللى كلمت المصنع وقاللى هايرد عليا بكرة او بعده كلمته بعدها بيومين قاللى أنا فأجازة وزميلى فلان عارف الصفقة كلمت فلان ده قاللى معلش أصل المصنع ماشى بالنظام اليابانى وتقفيل السنة عندهم شهر 3 وهما عندهم جرد دلوقتى وواقفين التسليم معلش خليها الأحد الجاى قلت ماشى كلمته الأحد اللى فات 3 / 4 قاللى طب نص ساعة وهاتصل بسعادتك ماتصلش اتصلت أنا قاللى العربيات تكون موجودة الحد الجاى ان شاء الله قلتله ازاى ده زميلك قاللى العربيات موجودة من 15 / 3 وقاللى بمجرد البنك مايخلص اجراءات تستلم قاللى اه العربيات موجودة بس لما تخلص من الفرى زون free zone قلتلله طب زميلك قاللى موضوع اللون وانا حجزت وكده قاللى كل الألوان موجودة ان شاء الله قلت طب خلاص خلى الحجز بتاعى لون فضى قاللى حاضر النهاردة كلمته عشان أأكد عليه ان الأحد يبعتولى رقم الشاسيه والموتور قاللى ربع ساعة واتصل بيك ماتصلش أنا بعد ساعة كلمته قاللى أنا بت إيميل للمصنع ولسه مردش عليا قلتله أنا على فكرة كده اتخصم منى قسطين قاللى بنعتذر عالتأخير نص ساعة وارد على حضرتك طبعا ماتصلش كالعادة أنا بعد ساعة اتصلت قاللى والله لسه مردوش عليا واستنى معايا عالتلفون غاب دقيقتين رجع قاللى أنا دخلت لمدير الفرع وهايتصل بيهم ساعة واحدة بس حضرتك واتصل بحضرتك وطبعا ماتصلش وانا نمت عشان كانت الساعة 4:30 وانا برجع أنام من الشغل
يرضيكو اللى بيحصل ده والمفروض انى بتعامل مع توكيل معتمد ومحترم
المفضلات