الموضوع: انت مصرى !!!! باماره اية ؟؟

السلام عليكم يا اجمل ناس فى المنتدى و فى كل المنتديات
كلنا بما فيهم انا كل واحد بيحب البلد و بيموت فى ترابها
كلنا خايفيين على البلد من اللى ممكن يجرى ليها
و لكن بالرغم من كل دة بقينا .............
كلنا بنخون بعض
كلنا بنعادى كل الاراء سواء الصالح منها من عدمه
كلنا بقينا بننتقد اى شخص او اى جهه او اى تصرف بدون اسباب
كلنا بقينا متحفزين و اجزاب كل حزب فينا عايز التانى يفشل علشان فى الاخر يضحك ضحكة صفرة و يقوله " شوفت مش انا قلتلك بلاش "
سؤال هنا ليا و لكل واحد فيكم بيقول انه بيحب البلد
و مش عايز يظهر الافتكاس و النقد الغير مبرر بقولنا دة اسمة ان الواحد بيمن على البلد بالخير اللى بيعمله & دة انا بعتبر قيادة لغيرنا علشان يقلدونا
السؤال بقة ؟
انت عملت اية علشان تحب البلد و ترجعها جميلة متحضرة احسن من الاول ؟
انا هبدا و هكون اول واحد فيكم
مرة اولى : كنت ماشى و عربية جاية فى الاتجاه المعاكس - روحت وقفت قدامها و اجبرتة انة يرجع و يلف فى الاتجاه الصحيح
مرة تانية : كنت برضوا ماشى بالعربية و لقيت تاكسى واقف فى الملف و عمال يحكى مع واحد وقف فى الشارع - روحت على طول وقف جنبة و اصريت انة يتحرك علشان الطريق يمشى و الحركة متوقفش
يا رب نكون قدوه حسنه للناس زى ما احنا عايزين نكون قدوه حسنة لاولادنا
و اتمنى التقدم و الرقى و التحضر و القوة لبلدنا مصر الحبيبة
و السلام عليكم و رحمه الله و بركاته

و الله مية مية يا دكتور احمد
الله يباركلك
انا عايز الـ 85 مليون كدة
لو البلد عايزانا نضاف و احنا مش كدة لا يمكن ننضف
لكن لو احنا نضاف و البلد عايزانا زبالة لا يمكن انها تقدر علينا
احنا الاساس

بسم الله الرحمن الرحيم
" إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ "
صدق الله العظيم



يرجى تحري الدقة في كتـابة الآيات القرآنيه و الأحــاديث النبـوية الشــريفه.

مشـرف القسـم

8/4/2011
1:27pm