فعلا زهقت وتعبت ( صيانة وعفشة اللانسر في التوكيل )

**Eng.Osama.Afifi** · 08-04-2011 02:02 AM

أنا عايز أعمل صيانة ال80 ألف
حد يعرف مركز معتمد محترم الواحد ممكن يعمل فيه صيانة ال80 الف وهوا مطمن
التوكيل سيئ للغاية صراحة وغالي بشكل غير عادي
الناس ديه مش حاسة بقيمة الفلوس فعلا وأنا نويت إني متعاملش معاهم .... أنا آخر مرة ضربت معاهم خناقة ( كان الرواس إللي في وسط البلد ) عشان بعد لما كعيت مبلغ وقدره لقيت الباشا بيزودلي الريادتير بخرطوم ماية والله العظيم !
بقا أنا دافع دم قلبي وفي الآخر يتعمل كدا كمان !

وعايز كمان المركز ده يكون بيظبط العفشة عشان أنا عندي مشكلة فيها وعايز حد محترم وأمين يبصلي عليها لأني فعلا تعبت !

روحت التوكيل ( وكنت ساعتها بعمل صيانة ال70 ألف ) فقلت للراجل يبصلي على العفشة ... كلمة عابرة يعني من ضمن الصيانة يعني ... لقيته في الفاتورة عاملي 50 جنيه فحص العفشة ... قلتله مش إنت برضه بتدفعني 100 جنيه عشان تبص على العفشة من ضمن الصيانة ؟ قالي أنا بربط العفشة ... إنما أعاين ديه حساب لوحديها ... بالله عليكم ده إسموا كلام !

أنا قررت إني مش حتعامل مع التوكيل خلاص ... فلو حد يقدر يقولي مركز يكون خدمني فعلا

وأنا فكرت أروح صبحي سند ... مش عارف كويس ولا تعبان !

أنا فعلا تعبت !

**bemocarlo** · 08-04-2011 05:26 AM

اهي النعمه زالت من وشه والتوكيل راح منه.
bemo,ire

**Eng.Osama.Afifi** · 08-04-2011 10:49 AM

فعلا اللهم لا شماته
بس أنا بدور على المركز المعتمد عشان التوكيل الجديد شكله بيستعبط هوا راخر

**bassem_sams** · 08-04-2011 10:58 AM

انت كده هتخلينى اغير رأيى انا فضلى 2000 كيلو على صيانه و كنت ناوى اعملها فى قليوب متجرب قليوب اكيد ا طارق هيساعدك و لو منفعش روح سمارت كار لأنهم يعتبروا توكيل جديد مع خرافى و ملا بس قبل ما تعمل صيانه حليهم يعرفوك هتكلفك كام و لو معجبكش سعر و لأقيته غالى امشى و سبهم

**Ralliart** · 08-04-2011 02:19 PM

حضرتك روح مصرية القليوبية (الفرع الرئيسي للتوكيل السابق) ده انضف مركز خدمة لميتسوبيشي حتى الآن والناس هناك بتفهم بس اسعاره مش رخيصة
وآخر مررة رحت خلصولي صيانة الـ120 الف بسرعة على غير العادة رغم ان الدنيا كانت زحمة