سؤال لاهل الخبرة

**masterzmind** · 08-04-2011 03:50 AM

انا فى حيرة فى عربية ابن خالى قرر يجيب الكاسيت بتاع الهوندا سيفيك الى هوة cd+bluetoth+mp3+ gps+.... حاجات تانية انا مش عارفها المهم الكاسيت دة بيطلع 50*4 w و انا مش فاهم يعنى اية *4... هوة صينى ضمان سنة لو ركبت علية اربع سماعات ابواب 300 وات بيونير على الكاسيت دة من غير جى ام هل فى مشكلة وبعد شوية ممكن اجيب 2 سماعات بيضاوى 460 وات بيونير اركبهوم على جى ام وهل الكاسيت دة ذو الكفاءة عشان يقوم سماعات 300 وات علمااا ان الكاسيت صينى بضمان سنة وشكراااااااا

**masterzmind** · 08-04-2011 03:07 PM

مفيش حد يرد علية يا جماعة

**م/محمد صلاح** · 08-04-2011 08:53 PM

السماعات المدورة ال 300 بيبقوا 50 ار ام اس وانا مركبهم عندى صوتهم تحفه وبالتالى الكاسيت يشغلهم كويس قوى
انما ال 460 هايحتاجوا جى ام
بس فى سؤال .. هى العربيه هوندا سيفيك الشكل الجديد؟ لو هى يبقى زى بتاعتى ومش هاينفع تركب بيضاوى ورا الا لو وسعت فى الصاج وبعدين السيفيك سماعات الباب فيها قدام بس مافيهاش ورا

**masterzmind** · 09-04-2011 02:03 AM

طيب ااكاسيت بيطلع 50 *4 w مش عارف بقى كام ار ام اس اما على الموديل فهى 2008 هوة قال لى عاوز اركب سوند سيستم لما اجيب الكاسيت يعنى
1- مينفعش اركب 4 سماعات فى الابواب
2- هوة مفيش مكان لسماعات البيضاوى فى العربية ويعنى اة تفتح فى الصاج
3- هوة 50*4 w دة الخرج بى ال RMS وله لا وعنى اة *4 ممكن تكون *5 يعنى

**م/محمد صلاح** · 10-04-2011 07:59 PM

رديت عليك فى الرساله يا باشا

**KoDaK_Gti** · 10-04-2011 09:52 PM

50*4 معناه ان فيه 4 مخارج وكل مخرج بيطلع 50 وات لكن الوات الفعلى هيكون 20 rms
وطبعا السماعات هتكون 50 او 60 rms فبالتالى الكاسيت هيكون قليل على السماعات الى حد ما
بس انصحك تجيب سماعات الابواب سونى والبيضاوى تجيبهم بايونير افضل

**م/محمد صلاح** · 10-04-2011 10:09 PM

المشاركة الأصلية كتبت بواسطة kodak_gti

50*4 معناه ان فيه 4 مخارج وكل مخرج بيطلع 50 وات لكن الوات الفعلى هيكون 20 rms
وطبعا السماعات هتكون 50 او 60 rms فبالتالى الكاسيت هيكون قليل على السماعات الى حد ما
بس انصحك تجيب سماعات الابواب سونى والبيضاوى تجيبهم بايونير افضل

حسام باشا مش 4 * 50 دى يعنى 4 تشانيل كل واحده 50 ار ام اس؟
ثانيا العربيه هوندا سيفيك يا باشا والسماعات اللى قدام فى الباب بتاعة الفبريكه احسن من السونى هو ممكن يحتاج بس يركب تويترات فى الركن اللى فى اخر القايم اللى قدام تحت القزاز على طول
ثالثا يا باشا المكان بتاع السماعات اللى ورا للسماعات المددوره مقاس 16 بس يعنى لو حب يركب بيضاوى هايوسع فى الصاج
وانا متفق مع حضرتك ان البايونير هو افضل سماعات فى البيضاوى الا اذا قدر يتصرف ويجيب ال جى بى ال

تقبل مرورى يا باشا

**masterzmind** · 10-04-2011 10:25 PM

رديت عليك فى الرساله يا باشا

متشكر جداااااااااااااااا

**masterzmind** · 10-04-2011 10:26 PM

*4 معناه ان فيه 4 مخارج وكل مخرج بيطلع 50 وات لكن الوات الفعلى هيكون 20 rms
وطبعا السماعات هتكون 50 او 60 rms فبالتالى الكاسيت هيكون قليل على السماعات الى حد ما
بس انصحك تجيب سماعات الابواب سونى والبيضاوى تجيبهم بايونير افضل

يعنى 50 دة ام اس ولة وات يا جماعة

**rotanamasoud** · 11-04-2011 02:13 AM

50*4المفروض انها تكون 50 واط لكل سماعه من الاربعه لاكن الحقيقه انها اقل لانه بيبقى 50 بس بيك بور (قدره قصوى)ومعدل التشويه عالى لاكن عند25 واط بيكون معدل التشويه منخفض(فاهمنى والا مكنش حد ركب جى امات)
ولان اى سى التكبير محدود بسبب فولت العربيه12 فصعب يوصلو لقدرات عاليه على هذا الفولت(لو صدقو يبقى الكاسيت بيطلع 200 ار ام اس بقى افضل من الجى ام)
الجى ام تكبيره مختلف تماما لان الجى ام مكون من جزئين انفيرتر(بيحول ال12فولت الى60-0-60 اى 120فولت)
بعد كده مكبر قدره يعمل على الفولت العالى فبيكون التكبير غير محدود وبيوصل للقدرات الرهيبه اللى بنشوفها
يعنى لو عندك جى ام بيطلع50*4 حيكون خرجه الفعلى 50*4 ولاكن بمعدل تشويه 0.001