الحقونى يا اصحاب الخبرة

**mous** · 08-04-2011 04:21 PM

انا معى سيارو سوزيكى ماروتى 2005 عاملة 35000 الف كيلو العربية غسلتها فى المغسلة فغسلوا المكنة بمية طلعت من المغسلة مدارتش غير زق دارت العربية وصوت الكنة وحش خالص لم تيجى تدوس على البدال للاخر تسمع صوت تفصيل كدة زى الربيات الانشكشين روحت لمكنيكى لقيت الابلاتين ضارب غيرتها وغيرت الكوندسير العربية دارت ماشيت وروحت البيت وانا نازل بردة العربية مدارتش دورتها زق ورحت لمكنيكى من هنا لهنا قالى فية حاجة تضرب الابلاتين غيرت الموبينة وغيرت الابلاتين ومشيت العربية وقفت منى فى السكة الابلاتين لدع اعمل اة دلةقتى

**HOSSAM99** · 08-04-2011 05:19 PM

السلام عليكم و رحمة الله
هو حضرتك دخل ميه الأسبراتير و مجموعة الكهرباء فا بتعمل قفله
يا ريت تنفض الماتور بالهواء ضغط عالي في البنزينه وتحاول تخلي الميكانيكي يركب أبلاتين وكندينسور جديد ونضيف وشيك علي الموبينه
و غن شاء الله تبقي تمام

**kar!m** · 08-04-2011 07:15 PM

أنا شايف برضه انك تنضف الاسبراتير و أماكن البوجيهات بهوا .. عشان ده أساس المشكلة.

**shshmoh** · 08-04-2011 11:37 PM

نصيحه حاول متغسلش الموتور كتير
يكفى مره كل 10000
ولكن مع غسيل العربية لازم تعملو بالهوا كويس فقط من غير ميه او جاز
و لما تكون بتعملو بميه تغطى الموبينا كويس و الاسبراتير بكام كيس و تربطهم كويس
و بعد الغسيل تهريها هواء جامد علشان تنشف و بعدين تتكل على الله و تدور العربيه

**mous** · 09-04-2011 04:00 AM

يعنى هوة دة اللى بيخلى الابلاتين يلدع

**love7amada** · 09-04-2011 10:07 PM

متابع باهتمام عشان حصل نفس المشكله و غيرت وبينه و بعدها رجعت القديمه و غيرت ابلاتين و كوندنسر بس ف الغالب هتلاقي ان الكوندنسر مضروب عشان انا غيرته مرتين ف 3 ساعات عشان مضروب

**tito_1980** · 12-04-2011 07:30 AM

و انا بحاول افك الخط بتاع حضرتك اكتشفت ان في ميه دخلت علي الموتور و جت علي طقم الكهربا و بعدين مش المفترض ان الاسبيراتير و الموبينه يتغطوا قبل الغسيل !!!!!!!!