مشكلة ..بس مش كبيره

**ayman 2010** · 28-04-2011 01:47 PM

المشاركة الأصلية كتبت بواسطة SYD

يا باشا الصوت دة في المقصات والجلب وكاوتش الميزان والبارات وليس له اي علاقة بالبيض
روح ربط العفشة وغير الجلب بتاعة الميزان واغسل العفشة بالجاز وخلي ليك زيارة للعفشجي كل شهر هتظبط معاك المسائل جداً
روح لشعبان العفشجي في شارع زغلول في نهاية الهرم محطة مشعل
اللادا كدة وهتفضل طول عمرها كدة ، عفشتها مش كويسة
انا بركب لادا من سنة 83 وركبت 2005 وهي كدة وطول عمرها كدة
هات عفشة بلغارى وبعض قطع ال132 واتفرج علي الفرق ولو عرفت تجيب عفشة بولندي تبقي بجد ظبطت العربية علي الاخر
العربيات دي تقيلة وناشفة وقوية اغسل وشحم وزيت عشان تنعم شوية واعمل صيانة دورية شهرية يكون احسن

والله المستعان

الكلام دة مظبوط وانا متفق معاك

**abokoko** · 30-04-2011 03:52 PM

المشاركة الأصلية كتبت بواسطة abokoko

ممكن اعرف
اولا ايه هوه كاوتش الميزان
ثانيا الصوت ممكن يكون من ايهم (( الصوت من الامام شمال وبالذات لو رجعت للخلف مره واحده علما بانه مش دائم ))
ثالثا ايه قطع الغيار الخاصة ب132 اللى بتركب فى عفشة اللادا وتحسنها علما بان العربية 2007موديل م مصري

==

مع تقديري وشكرى لكل من ساهم بالرد

ما زلت منتظر الرد

**Ahmed_BYD_F0** · 03-05-2011 10:36 AM

انا شايف ان المشكلة بتاعتك فى المقص الشمال غيروه ولو فيه لحام خلى العفشاجى بتاعك اللى بتثق فيه ويكون امين يلحمهولك وانشاء الله حيبقى كويس جدا واتمنى له التوفيق

**abokoko** · 04-05-2011 01:53 AM

والله انا خايف من افتاءات العفشجيه
لانهم ورطونى فى تغيير البيض البولندى اللى كنت مركبة ومكملشي سنه
رغم انى رحت لواحد وبعديها رحت لواحد تانى وقالوا نفس الكلام - غير البيض -
مع الاختلاف الاول قال البيض حالته مش كويس
والتانى قال البيض اللى تحت هوه اللى تعبان
وغيرت البيض عند واحد غيرهم ولما فكينا البيض قال لى انه لسه كويس وممكن يقعد فترة 6 شهور كمان او اكتر
بس كنت فكيت واشتريت طبعا البيض فقلت له --غير -- وغيرتهم وشايل التانيين معايا فى العربيه

وكمان كان ممكن اتورط اكتر لو تبعت كلامهم واغير بيض التيش لانهم قالوا لى انه خفيف
بس اللى غير لى البيض قال لى استنى لما نحل ونغير وبعديها قال لى سيبهم شوية كمان
---ربنا يكرمه بالخير --

انا اللى محيرنى ان الصوت مش ثابت مره اسمعه .. وعشر مرات لالالا

**osamram** · 07-05-2011 04:06 AM

نفس المشكله كانت عند صديق لى وكان السبب غريب جدا :
لحام فى القايم الشمال من فوق جنب السائق أعلى القائم اللى بيركب فيه الإيريال بس علشان تشوفه لازم تفك الشماسات وكسوة القائم الشمال من الداخل وبص عليه ، عموما هو تعب جدا إلى أن وصل لهذا العيب والمشكله اتحلت عندما أكد على لحام هذا الجزء .
جرب وقوللى !!!!

**abokoko** · 08-05-2011 07:06 PM

المشاركة الأصلية كتبت بواسطة osamram

نفس المشكله كانت عند صديق لى وكان السبب غريب جدا :
لحام فى القايم الشمال من فوق جنب السائق أعلى القائم اللى بيركب فيه الإيريال بس علشان تشوفه لازم تفك الشماسات وكسوة القائم الشمال من الداخل وبص عليه ، عموما هو تعب جدا إلى أن وصل لهذا العيب والمشكله اتحلت عندما أكد على لحام هذا الجزء .
جرب وقوللى !!!!

العربيه 2007 والخبطات اللى فيها حاجات هايفه (( احتكاكات ))

**abokoko** · 09-05-2011 10:03 PM

اعتقد --والله اعلى واعلم -- عرفت السبب
النهارده كنت عند الميكانيكى بظبط كهرباء - بعد ما لعبت في الاسبراتير والبكات ههههههههههههه--
وبالمره قلت له ينظف الفرامل وياخد هوا ويكشف على حالة التيل
وقلت له على الصوت - وعلى احتمال انه يكون حاجه فى الصلايب فى عمود الكردان
لكن
لما فك العجلة اليمين الاماميه اللى بيجي من ناحيتها الصوت

قال ان سبب الصوت عدم وجود صفيحة التيل على احد التيلين
وهى عباره عن سوسته بتضغط على التيل علشان تثبته فى مكانه
وقال لى انى اللى غير لى التيل من يكون نسي يركبها

وسالت اشتريها منين وقال انها بتيجى اسيراد او مستعمل ومش هلاقيها جديده فى المحلات

اللى عنده معلومات او تعليق يتفضل يفيدنا

وكمان خلوا بالكم من الصنايعيه بالذات صبيان الميكانيكى --بليه -- علشان ما ينساش حاجه عند التركيب
ويحصل زى اللى حصل لى