أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
عرض للطباعة
أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
ياريت اللي يصوت من ماكي السيارة يكتب مشاركه انه صوت بكذا
علشان بس نحدد التصويت من ملاك السيارة وعن تجربه
انا صوت بــ ممتاز
انا صوت بجيد لانة ليس بسىء جدا وليس بالطبع ممتاز فى الواقع هم عندهم بعض المشاكل الغير متوقعة وبلاخص قطع الغيار اما بالنسبة للعاملين فهم يعملون بجد ولكنهم ليسو الافضل...وان شاء الله نتمنى لهم التوفيق والابتعاد عما يتبعة المصريين لما يغلبة من كدب وخلفة
انا لسه عامل صيانه الالف وشايف انهم جيدين جدا...
بس الامتياز هاييجي ان شاء الله لما يفتحو مركز صيانه اكبر يشيل العدد اللي بيتزايد يوميا...
المعامله محترمه جدا وشايف ان معدل سرعه انجاز العمل ممتاز جدا لاني مقروص من شركه النيل الهندسيه (مركز صيانه معتمد لفيات )اللي كان ناقص ابات فيها عشان اخلص...
انا بتعامل معهم وشايف انهم مستواهم جيد
وممكن اقول انهم ممتازين لو انهم عرفوا العيب الخطير الى عندى وهو الهزة فى السرعة فى الدركسيون
حسيت انهم علشان مش عريفن العيب فين بيقولوا كدة تمام يا بيه - كعادة الشعب المصرى- ويرجع العيب تانى موجود
حد جرب مركز الخدمة اللي في الاسكندرية؟؟
هو اسمه مركز الرزق, و ده سىء جدا
هو شغال فى تويوتا كمان, فى منتدى تويوتا هتلاقى موضوع ل goodwave كاتب عن اللى حصل لعربيته هناك
غير انهم كانوا بوظوا فتيس لعميل معاه عربية دايهاتسو و اضطروا يغيروه على حسابهم
و اللى عرفته ان وكيل دايهاتسو بصد انشاء مركز صيانة خاص به هناك, مش مركز معتمد
يعمى لما رحت الصيانة يوم الخميس اللى فات, كان فى واحد من اسكندرية, علشان هناك قعدوا يفتوا فى العربية, فمطمنش لهم, و جه بالعربية على مركز القاهرة
شكلها كده هاترسى على القاهرة مش اسكندريةاقتباس:
هو اسمه مركز الرزق, و ده سىء جدا
هو شغال فى تويوتا كمان, فى منتدى تويوتا هتلاقى موضوع ل goodwave كاتب عن اللى حصل لعربيته هناك
غير انهم كانوا بوظوا فتيس لعميل معاه عربية دايهاتسو و اضطروا يغيروه على حسابهم
و اللى عرفته ان وكيل دايهاتسو بصد انشاء مركز صيانة خاص به هناك, مش مركز معتمد
يعمى لما رحت الصيانة يوم الخميس اللى فات, كان فى واحد من اسكندرية, علشان هناك قعدوا يفتوا فى العربية, فمطمنش لهم, و جه بالعربية على مركز القاهرة
يا باشا دايما عالى ... وربنا يكرمك ويوفقك فى الأمتحانات
أنا صوت بسئ لإنه معجنيش لما رحت بعربيتى أختى الميرا
لإنه مكان صغير قوى و مكان إستراحة العملاء برضه صغير و عدم توافر قطع الغيار .
يا احمد المكان مش صغير للدرجه يعني
ومتنساش انهم كانوا داخلين السوق لسه جديد مع عربيه وكيها القديم كان مموتها خالص
ومكانوش يتوقعوا حجم المبيعات ده
ده غير انهم بيعملو مركز مساحتة كبيره في ابو رواش
وبعدين مسألة عربيتك الميرا دي وقطع غيارها
هما مش بيهتموا بقطع غيار العربيات القديمة عندهم يعني لازم تتطلبها لأنهم عارفين ان اللي معاه عربيه زي دي مش ممكن يصرف عليها في وكيل
يعني مش كل الناس وهتبقى فئة قليله جدا اللي ممكن تعمل كده
لأن اللي معاه عربيه من التسعينات او 2000 هيبقى مظبط نفسه في اي مكان بره وعارف بيجيب قطع غياره منين والكلام ده يعني
أبو عبدالله أنا بكلم على الوضع الحالى
المكان صغير جدا بالنسبة لحجم العربيات المباعة لكن ممكن فى المستقبل فى المستقبل يكون مركز أبوراش أحسن لكن حاليا مركز العبور معجبنيش .
بالنسة لقطع الغيار هى مش بس للسيارات القديمة يا أبو عبدالله رغم إن الميرا موديل 2000 يعنى مش قديمة قوى و نادرا لما تلاقى قطع غيار ليها فى الوكيل أنا بتكلم على العربيات الجديدة مش كل قطع الغيار موجودة يعنى مثلا الزجاج الامامى و الكرتيرة و الكابوت .
من الاخر التوكيل محتاج الاتى علشان يبقى كويس من وجهة نظرى :
1- توافر قطع الغيار لسيارات دايهاتسو على الأقل لما فوق موديلات 2000 علشان يغير صورة الوكيل القديم فى نظر المصريين و إلا يقول إنه وكيل للسيارات إللى بدأ يبيعها فقط .
2- توافر مراكز صيانة أفضل و اكبر من مركز العبور مع محاولة تكبير مركز العبور أو إيجاد مكان أخر قريب لسكان مصر الجديدة و مدينه نصر
احمد باشا
هو المكان مش ممتاز, بس مش لدرجة سىء
بالنسبة لنقطة قطع الغيار للعربيات القديمة, فدى مشكلة فى مصر بسبب تغيير الوكيل للماركة, و الموضوع ده حاصل مع فورد, مع كيا, مع اكتر من ماركة وكيلها الجديد معندوش معلومات كافية عن الموديلات القديمة, علشان يقدر يوفر لها قطع غيار
هو زى ما كتبت فى موضوع تانى, النمو عندهم فى المبيعات, صاحبه نمو ابطأ فى خدمات ما بعد البيع, و الفرق ده ادى اللى حدوث نقص فى بعض قطع الغيار
نتمنى مع افتتاح الفرع الجديد بتاع ابو رواش, و من بعده مركز التجمع و اسكندرية, يتم تغطية العجز ده
بس نقطة اخيرة: الوضع بتاع دايهاتسو, هو وضع كثير من التوكيلات حاليا, اللى كانت بتشتهر بسمعة طيبة فى خدمات ما بعد البيع, و اشهرهم تويوتا, اللى حاصل عندها نفس العجز دلوقت, و بقى طبيعى جدا نسمع منهم ان قطعة الغيار الفلانية مش موجودة, و هنبعت نجيبها, و بتاخد فترة بتصل لشهر و ساعات اكتر علشان توصل
انا اللى كنت قلته قبل كده:
لو حد عنده ملاحظة او شكوى, يا ريت نبقى ايجابين, و نتصل بيهم على الرقم الجديد : 16168, و نوصل لهم شكوتنا و اقتراحاتنا, بدا ما ننقدهم و بس..
معاذ باشا
هو بالنسبة لى سئ لو قارنته بتوكيل رينو و تويوتا إللى أنا بتعامل معهم .
معاذ دا انا بتكلم على ميرا موديل 2000 يعنى الشكل إللى فات عالطول للشاريد يعنى موديل قريب ثم إيه هى المعلومات إللى التوكيل محتاجة للعربيات دى علشان يوفر قطع غيارها
ثم قطع الغيار الغير متوفرة مش للموديلات القديمة دى للجديدة كمان
ياريت فعلا الإفتتاحات دى تكون على مستوى المبيعات إللى حققوه
مش معنى إن العديد من التوكيلات بيعمل كده يبقى عادى
لأ طبعا دى خطأ فى كل التوكيلات إللى بتعمل كده
متهيألي يا احمد لو انت بتتعامل بنفس المنطق ده مع توكيل رينو كان بقه هو كمان سئ جدا
لأن الحاجت دي كلها موجوده في مصر
الفرق اللي اتكلم عليه في التوكيلات دي اللي يتميز بعضهم عن بعض
ممكن تقولي توكيل رينو غير كام عربيه لأصحابها علشان عيوب فيها ؟؟؟
وكام توكيل في مصر عمل الموضوع ده ؟؟؟؟
القصد اني لا انسى الأعمال الجيده جدا جدا لوكيل وامسكله على حاجه انا مش فاهم طبيعتها ماشيه ازاي وظروفها ازاي
يا أبو عبدالله إنت جاى تمسك على إيجابية واحدة للتوكيل و سايب سلبيات عديدة
على فكرة يا بو عبدالله أنا بتعامل مع توميل رينو بنفس المنطق و رغم كده شايفه انا وكل ملاك رينو فى المنتدى أحسن توكيل فى مصر
بصراحة يا أبو عبدالله انا مسعمتش إن توكيل رينو غير عربية لحد لكن ممكن جدا يكون عملها لو كان فيها عيب كبير وواضح لهم و لا يمكن إصلاحه زى إللى حصل فى عربية دايهاتسو لإن إللى يخلى التوكيل يغير قطغ غيار ببلاش بعد الضمان ممكن جدا يعمل حاجة زى كده
هو انت جاوبت على نفسك ااهه
انك علشان موقف حصل انهم غيروا حاجه بعد الضمان فبتظن حسن النيه في معاملتهم معاك مع انهم لم يغيروها الا لما كانو عارفين انها عيب في تصنيعهم
وليس عيب مستخدم او عمر افتراضي لأنه لو كان عمر افتراضي والله لو حصل ايه ما في حد هيغيره وده بيثبت انهم عندهم عيوب
ومش عاوزني اظن بحسن نيه لتوكيل غير كذا عربيه كليا لمالكها
والعيب مكنش كبير ده كان تظبيط زوايا صاحبة العربيهمكنتش مقتنعه بكده
هو ده نفس المنطق
العيب إللى قالوا معاذ كان غير قابل للإصلاح فى العفشة يا أبو عبدالله يعنى واضح إنه عيب كبير
كل عربيات العالم ممكن يطلع فيها عيوب و دايهاتسو كمان فيها عيوب أهة فى علب الدريكسيون و لسه معرفوش يصلحه يعنى عندهم عيب فى التصنيع
مش عارف يا احمد انت كبرت الموضوع ليه كده
بقه عيب غير قابل للأصلاح
وبقه في علبة الدركسيون اكيد
وبقه عيب تصنيع كمان
أكن احنا عارفين اصلا المشكلة ايه
يا حاج احمد العيب ده مش بيظهر في العادي ده معاذ نفسه مبيعرفشي يسمعه الا في حته معينه بيعدي عليها
ومفيش حد جزم انه علبة الدركسيون كمان
يعني في فرق انك تقول ان المشكلة متعلقة بعلبة الدركسيون او شء من هذا
وان المشكلة في علبة الدركسيون نفسها
انت اكنك واقفلها عالوحده بقه
براحه لحد ما نعرف المشكلة وساعتها اتكلم زي ما نت عاوز باش نعمل اشاعات مش انت ضد اشاعات الميجان برضه
اهيا الأشاعات بتطلع علشان كده نسبق الاحداث
إنت فهمت يا أبو عبدالله إن أنا واخد الموضوع قفش و مكبره
يا أبو عبدالله إنت عارف معزتك عندى
على العموم يا سيدى أنا غلطان و حقك عليه و مش حتكلم فى الموضوع لحد ما غن شاء الله المشكلة تتحل
المهم ماتكونش زعلان
السلام عليكم و رحمة الله و بركاته
اسمحولي اني اشارك برايي في الموضوع بعد ما رحت التوكيل اربع مرات في يومين بسبب مشكله اتكلمت عنها في موضوع سابق وانا هعمل مشاركتي علي شكل نقاط وهبتدي بالعيوب عشان هيا الاهم لان الحسنات موجوده ولكن العيوب ممكن تضيع اي مجهود يبذل.
العيوب:
1- لا يوجد تنسيق بين مركز الخدمه في العبور وبين مركز الاتصال الهاتفي الرئيسي وبين موزعي قطع الغيار و معارض البيع علي الرغم من وجود نظام ربط بالكمبيوتر.
2- قطع غيار و كماليات كثيره غير موجوده و تتاخر ولكن بعد بحث كبير في الموضوع تم اكتشاف السبب وهو ان الشركه ترفض دفع رشاوي في الجمارك لخروج الشحنات الاتيه من الخارج وهناك الكثير من الشحنات التي يتم تعطيل خروجها لهذا السبب.
3-بعض العاملين ليسو ذوي خبره كافيه و علي الاخص في الجوانب الماليه و الاداريه في التعامل مع الجمهور.
4- المكان ضيق و لا يسع الكميه الكبيره من السيارات المباعه بعد الطفره الكبيره و النجاح في المبيعات.
5- بعض قطع الغيار اسعارها مرتفعه بالمقارنه لما يباع في الاسواق و تحتاج لتوضيح سبب هذا الفرق حتي يفهم العملاء.
المميزات:
1-معظم العاملين يتعاملو بطريقه فوق الممتازه مع العملاء ويساعدو بقدر الامكان.
2-فكرة متابعة السياره اثناء الصيانه ممتازه وتدل علي الشفافيه و الصدق في التعامل.
3-الخدمه جيده والسياره تخرج من الورشه و كانها جديده.
4-هناك احساس عام بانك تتعامل مع وكيل ليس كل همه ان يبتذك و ياخذ ما في جيبك كما يفعل الكثير من الوكلاء ومنهم المشهور جدا.
5-يتعامل معك المهندسين و الفنيين بطريقه صحيحه و هي انهم مسخرون لخدمتك و لست انت عبدا لهم لانك اشتريت سيارتهم كما يحدث في غبور.
-
-
-
-
في النهايه اتمني ان يصل نقدي الي الوكيل و ان يصبح توكيل دايهاتسو من افضل التوكيلات في مصر و يعمل بالمقاييس العالميه التي يعمل بها في دول الخليج و بما يليق بالسم الكبير لدايهاتسو و مؤسسة عبداللطيف جميل ذات السمعه الطيبه جدا وطريقة التعامل الاسلاميه الصحيحه.
انا صوت ب ممتاز
المهندسين ممتازين و زوق وشباب صغير زى الورد
السرعة برضه معقولة .. مكان الأنتظار كويس ..
أنا صوت بجيد لأنهم الحقيقة فيهم مميزات و فيهم عيوب
أولا أنا من أسكندرية و أتعملت مع فرع الرزق ثلاث مرات : مرة أول مأستلمت العربية و مرة في صيانة الألف و مرة في صيانة الـ5 ألاف
في كل مرة أقدم شكوي من أن العربية بتحدف شمال فألاقي أذان صاغية و محاولات أصلاح و معمالة راقية و لكن العيب يفضل موجود
أخر مرة رصصوا العجل و غير مكانة و جربوا العربية و سلموهالي ذي الجديدة و أنا مروح لاقيت العربية بتحدف يمين:banghead:
أنا دلوقتي مستني حاجة من الأثنين يأما تيجي صيانة الـ 15 ألف و أشتكي من العيب نفسة بس بالمقلوب
ياأما يكونوا أفتتحوا مركز الصيانة الخاص بعبد اللطيف و يمكن يكون عندهم حل
السلام عليكم يا جماعة
علي فكرة انا اولا معجب بالكلام الجميل ده ومعجب اكتر ان فيه نقد للدايهاتسو كماركة ووكيل ومركز خدمة بس هقول عن الماركة
كلنا نعرف ان دايهاتسو ماركة ياباني وموجودة في مصر من زمان قوي بس للاسف الوكيل السابق ليها بصراحة خلي السوق المصري نسيها مع ان العربية ممتازة جدا والسيارة الشعبية في اليابان لاسباب كتير نتكلم عليها فيما بعد
اما عن الوكيل عبد اللطيف جميل دايهاتسو مصر وقصدت اقول عبد اللطيف جميل لان الاسم ده له باع كبير في السعودية ولبنان والسودان وحتي اليابان وبلاد كتير
كلها سياسة واحدة العميل اولا
اما عن مركز الخدمة هو مركز خدمة صغير ولكن توقع منه كفاءة عالية قوي في خدمتك وبعدين خلاص انا شايف ان فيه مركز تاني هيفتح قريب وهيكون غاية في تلبية طلبات العميل ان اصلا العميل برده اولا
معلش يا باشا
عبداللطيف جميل مش بالحلاوة إللى إت متخيلها لو دخلت على مواقع السيارات السعودية حتلاقيهم بيشتكوا منه فى إنه أسعار عالية جدا و مواصفات السيارات إللى بتجلهم أقل مواصفات و بيشيل منها الكتير و خدمته مش كويسة
على فكره يا احمد لما ربنا يوعدك وتروح السعودية هتعرف مين عبداللطيف الجميل
مش كشخص لأ كمؤسسة
انت لن ترضي كل الناس
وصدقني لو رضيت كل الناس تبقى كذاب
لأن الموضوع ده استحالة
انت بتتكلم انه بيشيل حاجت من العربيات وده برضه مالوش علاقة بخدمته كوكيل
المهم هو بيعطي خدمه كويسه
يعني العربيات بتدخل عنده وتطلع مش مظبوطه
اللي انا عاوز اوصلهولك ان هناك الصورة مش كده خالص
وعاوز اقولك كمان ان الكلام ده شوفته قبل والله ما يفتح هنا وقبل ما اشتري عربيتي
وكمان انت متعرفشي انه فاتح معهد كبير لتدريب الشباب على ايدي يابانيين هما اللي بيعلموهم الصيانة
يعني الموضوع مش عبط وكلام
لأ ده اكبر مما تتوقع
واللي انت بتسمعه ده لا يأتي شئ في الحقيقه الكامله هناك
المؤسسة دي لو مش كويسه صدقني كانت مبيعات تويوتا قلت
لأن الخلايجه بيعرفوا يخدوا حقهم هناك
ده كان في قصه مره ان واحد اشترى باين جاجوار او حاجه زي كده
والوكيل مكنشي راضي مش فاكر يعمله ايه
راح جايب العربيه امام التوكيل وركب فيها خرفان ومعيز علشان يعمله فضيحه
تويوتا في السعودية مازالت العربية الأولى في السعودية وده لن يأتي من فراغ
او على الأقل لن يستمر والتوكيل سئ كما انت تظن
قبل الدخول في مساجلات نقاشية قد ينتهي بها المطاف في الصفحة رقم 25 أرجو إلقاء نظرة على نتائج الاستفتاء اللي في رأيي بتحسم أي نقاش ممكن يتفتح في هذا الصدد.
لو عايز اللينك إللى الناس فى السعودية نفسها بيشتكوا منه و بيطالبوا إنهم يقاطعوا مبيعاته لفترة علشان يتعدل ممكن أبعتهولك لكن على الخاص لإنه قواعد المنتدى تمنع وضع لينكات لنتديات منافسة
على فكرة يا أبوعبدالله ما غبور فى مصر معروف إن أسوء توكيل و رغم كده مازال رقم واحد فلى مصر من حيث المبيعات
احمد انا لا انكر ان كلامك مش صح
انا قولت دول مش هما السعودية
كام واحد بيدخل المنتدى وبيقول رايه من كام عربية داخل السعودية
المشكلة برضه ان الكلام مش على الصيانة
الكلام على اسلوب التسويق وتسعيره والكماليات
وانا قريت الكلام ده من زمان
ولكن في اكتر من انهم مخصصين ناس بيقعدوا على النت يشوفوا الكلام اللي بيتكتب على التوكيل عموما
انا اللي اعرفه اني اقول توكيل سئ
انه كداب مثلا ومش بيصلح العربيات كويس ومفيش عمالة مدربة فيه كويس
اما غير كده تبقى مشاكل تانيه لا استطيع ان اجزم برؤيتي هل هيا صحيحه ام خطأ
أبو عبدالله من غير كلام كتير و علشان مانبوظ الموضوع و محدش يزعل مننا
الكلام برضه عن على أسعار الصيانة و الخدمة
لو عايز اللينكات أبعتهالك
و نبقى نتكلم فيها مع بعض علشان مانبوظ الموضوع
طيب شوفت المشاركة دي
الموضوع هنا عايز رأيكم .... اتصرف ازاي مع التوكيل
انا عاوزك بقه لتعدل تقييمك لتوكيل دايهاتسو
لتعدل تقييمك لتوكيل رينو
لأنك قيمت توكيل دايهاتسو بأنه سئ ومره تانيه حصل على درجة صفر من عشر نقاط
لنفس الأسباب اللي في الشكوى دي لتوكيل رينو
مش كده ولا ايه
دا مش موضوعنا هنا و إنت كده عايز الناس تزعل مننا لإننا حنطلع بره الموضوع لكن على العموم
أولا من الاخر طبعا خطأ من التوكيل و حركة مش مظبوطة منه لكن هل دا حال التوكيل عالطول و لا حالة فردية
طبعا حالة فردية
ثانيا دى حالة فردية لعربية موديل 99 يا أبو عبدالله مش عربية موديل السنة و قطع غيارها مش موجودة و و أظن الموقف دا حصل مع واحدة معاه سيريون و برضه راحت إشتريت قطعة الغيار المطلوبة من منفذ قطع الغيار و لما راحت التوكيل تركبها طلعت مش بتاعة السيريون أصلا
فلما التوكيل يبقى معندوش قطع غيار موديل السنة و 95% من موديل إللى قبليه يبقى توكيل سئ طبعا و خاصة لما تبقى شكوى جماعية مش فردية
طيب ما انت اعطيت التوكيل صفر من عشرة في تقييمك لمدى اعتمادية الميرا في موضوع مدى اعتمادية دايهاتسو
والسبب انك ملقتش لها قطع غيار هناك وهيا موديل 2000
طبعا لازم أدى التوكيل صفر لإنه معندوش قطع غيار لموديل سابق و دى مهمته الأساسية
و إللى يضحك كمان يقولى روح هات قطع غيارها من الحرفيين أحسن
و خلى بالك من كلمة معندوش قطع غيار ليها من معندوش جزء من قطع غيارها