هل يصلح الusb الصينى للسميعه

**rotanamasoud** · 08-04-2011 09:56 PM

اليونيت اللى نازل باشكال وانواع كتير جدا هل يصلح للسميعه اللى مركبه جى ام وبازوكا او صب
فى ناس شكرت فيه زى الموضوع ده تجربتي لجهاز Matsobishi MC81 مواصفات بالصور و الفيديو
الاول حتكلم عن العده بتاعتى
الكاسيتJVC CD25*4
السماعات امامى بلوبنكت(فبريكه وصوتهم جميل)
السمعات الخلفى بيضاوى دايو(مقتنع بصوتهم وعاجبنى)
الجى ام سيمفونى(مقتنع بعلوه)260W
البازوكا JBL1000W(جباره)
مع مودليتور وهو ده المشكله(السى دى بايظ)
بحس ان الصوت التستسه مش عاجبنى والروقان العالى(النقاء) مش زى ما فى دماغى خصوصا لما بعد على الكمبيوتر باليل اما البيز ففاجر فاجر فاجر وزى ما انا عايز واكتر بكتير
السؤال هل العدد دى تنفع للسميعه
واحد صاحبى تانى عجبه الستى سوند بس قاللى بصراحه لازم تسمعه الاول
والمتسوبيشى دورت عليه فى اسكندريه ملاقيتش الموديل81 لاقيت حجات تانيه 61 41 مش فاكر
الفكره اللى فى دماغى ان الكاسيت لو تكبيره كويس45*4 مع الجى ام والبازوكا حيقول صح ولا زى منا لحد لما اغير لكاسيت نضيف(داخل على جواز وصعب جدا دلوقت )
انا بتكلم على الموديلات اللى تقريبا ب200جنيه
برجاء الر د من السميعه وخصوصا بيتل

**jemono** · 08-04-2011 10:12 PM

مع رأييى المتواضع
حرام عليك انت معاك جى فى سى
ع فكره .. العيب ممكن يكون من الموديليتور نفسه
حصلت معايا ولما جربت واحد تانى الصوت بقى حاجه تانيه خالص
تانى حاجه حاول تخليك على محطه مش متداخله مع محطه تانيه

السماعات الدايو كانت زمان اول ما نزلت كانت تمام انما ناو مش عارف صراحه
بس انك تغير الهيد يونت ب "ماتسوبيشى " صينى اعتقد مش تفكير صح

رأييى تشوف مدويليتور من واحد صاحبك و تجرب
تانى حاجه غير السماعات و انا متأكد انك هتحس بفرق

تقبل مرورى

**rotanamasoud** · 08-04-2011 10:40 PM

السماعات الدايو قديمه من سنتين اعتقد انها معقوله(التوزيع الصوتى ممتاز السروند والبلانس)
المودليتور من النوع الغالى كان ب110 2جيجا بيلت ان شاشه الوان بيشغل mp4 وشغال ممتاز مبيهنجش
اشكرك وبنتظار باقى الاراء

**beetleMOSH** · 09-04-2011 05:30 PM

انا مع jemono

و الاحسن طبعا انك تجيب حاجه بايونيير كده تظبط معاك الاداء
و على فكره الموديلات رخصت شويه عشان موديلات 2011 نزلت
او ممكن تدور على حاجه بايونيير برضو تكون مستعمله و نضيفه

بس منصحكش بالصينى طالما انت عايز نقاء و روقان صوت
يبقى هات الحاجه اللى تظبطلك الاداء حتى لو هاتستنى عليها شويه
لان اللى بيظبط الصوت كمان الاوبشن اللى فى الكاسيت
و الصينى اكيد مش هايبقى زى البايونيير
ف الافضل استنى شويه و هات حاجه كويسه احسن
و الف مبروك مقدما :)

**rotanamasoud** · 11-04-2011 02:22 AM

مش عارف حيرتونى الصراحه انا كان عندى نظريه ان لو تكبير الكاسيت جامد50*4 يعتبر مكبر مش بطال للسماعات والبيز على البازوكا(على فكره المكبر بيعتمد على سرقه الدائره من التسجيلات العاليه)
ويبقى فضيت دماغى من قصه المودلايتور والوش ده
انا فاهم يا بيتل ان الصح صح بس التجربه تمنها200 جنيه ويا صابت يا خابت(رايك انه عمره ما حيظبت صوت معايا )
يا ترى اجرب فى نفسى ولا اصبر

**beetleMOSH** · 11-04-2011 04:19 AM

طب و تجرب و تصرف و توجع دماغك ليه
اصبر شويه و هات حاجه نضيفه
تحس بالفرق و تبقى مبسوط بالفلوس اللى اتدفعت

**organic_magic** · 11-04-2011 12:57 PM

المشاركة الأصلية كتبت بواسطة beetlemosh

طب و تجرب و تصرف و توجع دماغك ليه
اصبر شويه و هات حاجه نضيفه
تحس بالفرق و تبقى مبسوط بالفلوس اللى اتدفعت

دا الكلام السليم انا زيك كدا ومستنى اجمع وانا بجمع فلوس وخلاص هاشتري حصلت مفجأه حلوه وغيرت كاوتشين وطاروا ال 600 جنيه - هبتدى احوش من الاول بس مش عارف اجيب حاجه بايونير جديده ولا اجيب واحد مستعمل من الشونه عندنا في بورسعيد بلاوى مسيحه وفيها اوبشنز احسن من البيونير كمان وبسعر اقل بس خايف اجيب مستعمل ويلسع منى

لسه بفكر ربنا يسهل

**jemono** · 13-04-2011 03:58 PM

انا عندى الصوت على الجهاز الصينى مش عاجبنى نهائى
مع ان السماعات البايونير 400 تايلاندى و أمب 600 سونى
و مش عاوز اركب الصب علشان قرفان من الصوت
فى صوت و بيعلى ماشاء الله و بدون خروشه .. بس مفيش النقاء اللى متعود عليه