الموضوع: حد يعرف مواقع للعمل عبر المنزل ؟

المشاركة الأصلية كتبت بواسطة shaddadfalcon1

انا اول مره اشتغل عليه وانا في 3 كليه وطبعا اخدت شوية وقت ومش هينفع طبعا اول مره تخش تعرف كل حاجه وتبقي 100 100

مره ورا التانيه هتبقي 100 100 ان شاء الله

ميرسي لك ....وربنا يطمنك

المشاركة الأصلية كتبت بواسطة askanas

فيه اسهل يا راجل من 1000 لايك والحاجات دي ؟ شكرا علي الموقع و فيه موقع تاني احب اضيفه اسمه

international service check - mystery shopping, mystery guest, service control check
وهو عبارة عن انك بتكون my stery shopper

mystery shopping providers and market research companies to measure quality of retail service

يعني الموقع بيبعتك لمطعم بيكون في مجال سكنك و يقولك اطلب وجبة و قيمها و ابعت تقرير عليها و خد فلوس كام الفلوس 50 جنيه في المرة و لو طالبين منك تروح بالعربية بتكون 84 جنيه بيتحولك علي حساب بنكي ليك ممكن الفلوس مش كتير بس هي لذيذة انك بتاخد فلوس مقابل انك بتاكل :) المطعم بيكون ماكدونالدز

انا سجلت في الموقع ...بس مش عارف ليه بيسألوا اسأله كتيره حتفرق في ايه لابس نضاره ولا لا او طولي كام او مقاسي كام او في كام واحد في البيت ... شكلهم معاهم اجندات اجنبيه
ربنا يستر .... انت مطمن ليهم يا باشا وجربتهم قبل كده ؟؟؟

المشاركة الأصلية كتبت بواسطة askanas

فيه اسهل يا راجل من 1000 لايك والحاجات دي ؟ شكرا علي الموقع و فيه موقع تاني احب اضيفه اسمه

international service check - mystery shopping, mystery guest, service control check
وهو عبارة عن انك بتكون my stery shopper

mystery shopping providers and market research companies to measure quality of retail service

يعني الموقع بيبعتك لمطعم بيكون في مجال سكنك و يقولك اطلب وجبة و قيمها و ابعت تقرير عليها و خد فلوس كام الفلوس 50 جنيه في المرة و لو طالبين منك تروح بالعربية بتكون 84 جنيه بيتحولك علي حساب بنكي ليك ممكن الفلوس مش كتير بس هي لذيذة انك بتاخد فلوس مقابل انك بتاكل :) المطعم بيكون ماكدونالدز

اما كنت فاكر انه موقع مصرى بس اكتشفت انه جلوبال ،،، المهم انا سجلت فيه ، بس عايز اعرف هما ازاى بيعرفوا انى روحت واكلت الوجبه، ولازم اقول رأى بصراحه ولا اقول حلو وخلاص؟؟
على فكره مسألونيش عن ازى هيحولولى الفلوس وانا بسجل، دا عادى يعنى؟

المشاركة الأصلية كتبت بواسطة shaddadfalcon1

بالنسبه للشغل بيبقي فيه بائع ومشتري
انت البائع والمشتري هو الراجل اللي عنده شغلانه عايز حد يعملها له
بتعمل حساب وبتبتدي تتصفح المشاريع الموجوده والمشروع اللي تحس انك تقدر تعمله بتبتدي تقدم عليه عن طريق انك تعمل BID ودي بتحدد فيها انت عايز فلوس ووقت قد ايه
الموضوع بيبقي مناقصه يعني انت هتشوف كام واحد بس اللي مقدمين لكن مش هتعرف هما مين ولا طالبين كام
المشتري هيختار علي حسب تاريخك علي الموقع والسعر اللي انت طالبه وهل انت حسسته انك فاهم المشروع عن طريق طرح الأسئله ووصف الشغل اللي هتعمله ازي ولو عجبته هيختارك
اول مامشتري يختارك الفلوس ولنفترض انك قلت هتعمل المشروع ب 100 دولار الفلوس دي هتتحط في حاجه اسمها Escrow وهي ان الفلوس تبقي في حوزة الموقع ومش هتبقي في حسابك ولا في حساب المشتري الا لما المشتري يقبل الشغل وساعتها هتبقي في حسابك وتقدر تحولها زي مانا شارح تجت
المشتري ميقدرش يرجع الفلوس لحسابه الا عن طريق لجنة التحكيم اللي بتدخل وتشوف الوضع عامل ازاي ولو لقت انك غلطان بتنهي المشروع وترجع للمشتري فلوسه وده بيحصل مثلا لو انت عديت الوقت المسموح ليك يعني مثلا قلت هعمله في شهر ومخلصتش في شهر او انك قلت مش هتكمل
طبعا بعد كل مشروع في تقييم من الطرفين لبعض وكل ماتاخد مشاريع اكتر وال Rating بتاعك يبقي كويس ده بيساعدك تاخد مشاريع بسرعه


بالنسبه لتحويل الفلوس
1- حضرتك بتعمل حساب علي الموقع ةبتحدد امتي يحولك (في اول الشهر ولا نصفه ولا الاتنين)
2- بتحدد مبلغ معين لازم توصل له عشان يحولك يعني مثلا ميحولش الا لما تكون جمعت 500 دولار وتقدر تحدد مبلغ يسيبه في حسابك يعني مثلا لما يحول يسيب 100 دولار في حسابك علي الموقع
3- لما بيحول الفلوس بيبعنلك ايميل علي الايميل اللي حضرتك مسجل بيه علي الموقع وفيه بيقولك ايه المبلغ اللي هو حوله و Western Union اخد كام ورقم التحويل كام واسم المرسل وعنوانه وطبعا اسمك بيبقي في البيانات عشان كده في البيانات الشخصيه في الموقع حاول تخللي البيانات صحيحه
4- بتكتب البيانات دي وتروح لاي فرع ل Western Union وتديهم البطاقه وتستني شويه وبعديها يطلب منك رقم التحويل واسم المرسل اللي هما كانو في الميل وبعديها يديك فلوسك وتروح تحولهم من اي صرافه

مفيش اي حاجه انت بتعملها مع Western Union كل اللي بتستخدمه هو رقم التحويل اللي بيتبعتلك علي الايميل وبس

اتمني اكون افدتك

جامد الحوار ده يا مان الف شكر ليك