حد يعرف مواقع للعمل عبر المنزل ؟

**tito_1980** · 10-04-2011 06:01 PM

ايه الرخامه دي ؟ هو ماله انا بشتغل ازاي ؟ هو مش له الشغلانه تطلع زي ما عايز و بس .

**hondaman** · 10-04-2011 06:55 PM

المشاركة الأصلية كتبت بواسطة eng_ahmed_90

ايه الرخامه دي ؟ هو ماله انا بشتغل ازاي ؟ هو مش له الشغلانه تطلع زي ما عايز و بس .

مهو دة نظام الاجانب مش زى عندنا بيقورو كوسا فى المكاتب الحكومية
ناس بتاحسبك بالساعة عايز يضمن انك فى الساعة دى شغال مش ربع ساعة والباقى شات وكدة 1+1 دة نظامهم

**tito_1980** · 10-04-2011 07:46 PM

كلامك صحيح و في موقع تالت احب اضيفه و برضه مضمون 100 % Outsourcing Services, Freelance Online Jobs - Freelancer.com

**shaddadfalcon1** · 10-04-2011 11:07 PM

المشاركة الأصلية كتبت بواسطة eng_ahmed_90

ايه الرخامه دي ؟ هو ماله انا بشتغل ازاي ؟ هو مش له الشغلانه تطلع زي ما عايز و بس .

علشان في نوعين من المشاريع
Fixed Price وده بيبقي زي مابتقول كده شروه علي بعضها يعني انت هتاخد المشروع ب 1000 دولار وتخلصه في شهرين مثلا - تشتغل فيه ساعه ولا 1000 ده مش شغل المشتري المهم انت تخلص وخلاص

Hourly وده بيبقي بالساعه يعني الراجل هيدفع عدد الساعات اللي انت هدخلها علي البرنامج فمن حق الراجل انه يبقي عارف انت بتعمل ايه في الساعه دي عشان مدخلشي 100 ساعه وانت مشتغلتش غير 10 ساعات بس

**yascro** · 11-04-2011 04:56 AM

متابع باهتمام

**tito_1980** · 11-04-2011 07:14 AM

حضرتك جربت فري لانسر قبل كده ؟
انا سجلت بس البروفايل بتاعي 48 % بس
و لسه في شويه بيانات اعملها
و قدمت علي 3 مشاريع ترجمه و ربنا يساهل

او ديسك و في ووركير مستريتحتلهم نفسيا مش عارف ليه ؟
طالبين بيانات كتير و الواحد تاه في الموقع نفسه

**misoalex** · 11-04-2011 08:06 AM

طيب واللى ملوش فى البرمجه مفيش حاجه غير البرمجه والجرافيك والحاجات دى

**askanas** · 11-04-2011 10:36 AM

المشاركة الأصلية كتبت بواسطة solyelissa

انا سجلت في الموقع ...بس مش عارف ليه بيسألوا اسأله كتيره حتفرق في ايه لابس نضاره ولا لا او طولي كام او مقاسي كام او في كام واحد في البيت ... شكلهم معاهم اجندات اجنبيه
ربنا يستر .... انت مطمن ليهم يا باشا وجربتهم قبل كده ؟؟؟

اه جربتهم و ادي الواحد عمال ياكول كل اسبوع اهو هههههههههههههههه

المشاركة الأصلية كتبت بواسطة moatazbunny

اما كنت فاكر انه موقع مصرى بس اكتشفت انه جلوبال ،،، المهم انا سجلت فيه ، بس عايز اعرف هما ازاى بيعرفوا انى روحت واكلت الوجبه، ولازم اقول رأى بصراحه ولا اقول حلو وخلاص؟؟
على فكره مسألونيش عن ازى هيحولولى الفلوس وانا بسجل، دا عادى يعنى؟

ازاي بيعرفوا دي انت لما بتخلص تسجيل بيدوك PDF بتقراها وتمتحن فيها
ازاي برضو بيعرفوا انك روحت اول زيارة بتكون test و بيشوفو الارقام الانت بتجيبها مطابقة للعندهم و الطعم وكده
و التحويل ده لما بتخلص الزيارة و بتعمل التقرير بيسألوك عن رقم الحساب في اخر خطوة

**ZALABANY** · 11-04-2011 11:19 AM

شكرا على الموقع موضوع هايل وربنا يسهل

**ahmed4000** · 11-04-2011 11:34 AM

طبعا الاخ الفاضل وفر مواقع للناس اللى عندها خبرة فى موضوع البرمجة او الاى تى عامة
لكن اللى معندوش خبرة فى المواضيع دى يبقى عليه باعلانات جوجل اد سينس

يعنى يعمل مدونة او موقع صغير (مش محتاجة اى خبرة فى التصميم انت بتاخد الموقع جاهز) ويحط عليه اعلانات جوجل ويبدا يجذب زوار بالدعاية لموقعه...كل مزائر يضغط على الاعلان انت تاخد فلوس وبالتاى لكل مالزوار يزيدوا العائد بيزيد

الموضوع مضمون وميزته انه مش محتاج خبرة سابقة فى اى حاجة وعلى اد محتبذل مجهود حتاخد فلوس ووقت الشغل بمزاجكك يعنى لما تحب تعمل شغل تعمله ولما متحبش متشتغلش