الموضوع: فيديو | هجوم الجيش على الفلول و البلطجيه

المشاركة الأصلية كتبت بواسطة blazer

لا
الجيش محماش المتظاهرين
المتظاهرين هما اللى حموا بعض
كان فين الجيش واحنا بنتقتل يوم موقعة الجمل!
الجيش ما هو الا آداه لتنفيذ المطالب المشروعه
لو معرفش ينفذها يبقى زيه زى غيره

يا استاذى الجيش اللى حضرتك بتتكلم عنه ده وبتقول انه محماكش يوم موقعه الجمل .....هو حماك وحمانى من كرثة اكبر بكتيييييييييييييير لو كان وقف فى صف مبارك ....كان زمنى وزمانك دلوقتى بنقطع فى بعض ..........

المشاركة الأصلية كتبت بواسطة ashrafakl

السلام عليكم ورحمة الله وبركاته
وجهه نظري بغض النظر المشير صالح ام فاسد الحكمة تقتضي من اراد ان يتظاهر من اجل تطهير البلد ان يضغط بمظاهرات يوم الجمعة من اجل محاكمة المفسدين من غير اعتصامات
مع عدم الاشارة الي تغيير المشير لانه في النهاية المجلس العسكري ليس المشير فقط

بظبط كدة ولما احنا دلوقتى عازين نحاسب الجيش على قرراته الحازمة ....يبقى مين هيحاسب الشعب على الوفضه والبلتجه

المشاركة الأصلية كتبت بواسطة beautiful0mind

يا استاذى الجيش اللى حضرتك بتتكلم عنه ده وبتقول انه محماكش يوم موقعه الجمل .....هو حماك وحمانى من كرثة اكبر بكتيييييييييييييير لو كان وقف فى صف مبارك ....كان زمنى وزمانك دلوقتى بنقطع فى بعض ..........

يعنى بتقول ان الحمد لله انه مقتلناش مثلا !
ايه المنطق دا
اعذرنى يعنى
احنا مش بنقول الحمد لله ان الجيش مبقاش اوحش من كدا مثلا
هو عشان عمل حاجه صح "و معملهاش من نفسه يعنى الجيش عارف ان الضباط الصغيرين مكانوش هينفذوا اوامر ضرب بنسبه كبيره جدا لو كان دا حصل"
يبقى نسكت ونقول الحمد لله على كدا

مش عارف ليه حسيت ان احنا محتاجين جمعة رحيل الثوار ما دام الموضوع قلب بهبل و ان الجيش بيخونا و ان المفروض انه يعمل اجراءات استثنائية و يجيب مبارك بإجراءات غير قانونية تخليه يطلع براءة لخطأ فى الاجراءات

و لو معملش كده يبقى يمشى و نجيب مجلس رئاسى ( على أساس ان الاستفتاء ده كنا نازلين نتشمس فيه) و بالمرة نقوم الجيش على بعض و نجيب شوية ظباط نعملهم فيديو نبين فيه قد ايه الجيش كلو حرامية و خونة و نطلع الشرطة العسكرية اللى طفحت الدم و هيا بتحاول تعيد الأمن عقبال بشوات الشرطة يرجعو لمكانهم

و المحاولات المستفذة لاظهار أى واحد تمسكه الشرطة العسكرية انه بطل و لا الظباط الأحرار فى زمانهم و ان يا عينى الجيش الوحش هوا اللى بيلفقلهم تهم من عنده

المشاركة الأصلية كتبت بواسطة blazer

يستاهلوا
ما كنا برده بنسمع الكلمه دى لما كان فيه اعتصامات قبل كدا
الاعتصامات اللى مكانتش عاجبه برده والى مشت مبارك وشفيق و سجنت غيره وصادره اموال غيره

طبعاً يستاهلوا
لأنهم أساؤوا إلى كل رجال الثورة

الجيش مرة فض إعتصام بالقوة من الميدان
وأنا كنت بصيت بصة ولفيت لفة في الميدان قبلها بيوم
كان مجموعة من الأشكال ليست وجوه المحترمين الذين كانوا معنا أيام الدعك

والآن الوضع تغير
المظاهرات في يوم الجمعة عادي جداً
والحظر تم تضييقه منعاً للإحتكاك
لكن بعد الساعة 2 بالليل يبقى مش قاعد عشان يتظاهر
دا قاعد لأهداف أخرى

طبعاً الجيش مش هيطبطب

ولما أعطاهم أوامر بالإنصارف شتموه واشتبكوا معاه

يبقوا محتاجين يتربوا شوية أو شويتين

في ناس ملهاش إلا الضرب عشان تلتزم بالحظر
وتحترم اللي بيعاملها بإحترام

المشاركة الأصلية كتبت بواسطة blazer

لا
الجيش محماش المتظاهرين
المتظاهرين هما اللى حموا بعض
كان فين الجيش واحنا بنتقتل يوم موقعة الجمل!
الجيش ما هو الا آداه لتنفيذ المطالب المشروعه
لو معرفش ينفذها يبقى زيه زى غيره

مينفع نقول على الجيش المصري زيه زي غيره

لو موقفناش جنبه ندعمه بكل ما أوتينا من قوة فالجميع خاسر
الخيانات موجودة في كل مكان
والأخطاء واردة ومقبولة من الجيش

أما رفع اللافتات للتحريض على الجيش فهذا منتهى أمل الثورة المضادة التي تعمل في الخفاء

الاخ اللي بيتكلم عن جمعه تطهير الجيش
اللي قاعد في بيته امن
ومش بيسمع ضرب نار لغاية النهاردة
وبيتحرك براحته لانه من الاعاصمة والدنيا عندهم متامنة اكتر من اي محافظة تانية

اللي لسة بيروح شغله وما ممشيش منه لانه المكان اللي كان فيه قفل

واللي بيقبض مرتبه عادي وفيه غيره مقبضش من اول فبراير

هاتيتكلم زيه زي احمد عز وزي رشيد وزي غالي وكل الفاسدين في النظام القديم
لانكم انتم اللي بتاكلوا وتقبضوا تشربوا
انتم اللي فاهميين بس
انتم اللي شايفين مصلحة الشعب
انتم النخبة المثقفة

انتم الحزب الوطني الديموقراطي الجديد

انتم الفاسدون الجدد

انتم لا تعترفون بالقانون ولا بالمحكامات العادلة

ليه محدش طلع في مظاهر ضد شرف رغم ان اسعار اللحوم والخضروات زادت مقلتش؟

فين تعويضات الاضرار اللي حصلتلنا من الثورة المباركة؟؟؟!!!!

كنا عارفين ان فيه مبارك وجمال وعز والشريف و 100 واحد عارفين اسماهم واشكالهم

دلوقتي بقي عندنا مليون "او اربعه مليون علبي حسب الاستفتاء" فاسد ولا يقدر المصلحة العليا

انتم فسدة اكتر من الفساد نفسه

وتتهمون بالغباء السياسي

عاوزين تحلوا الجيش

ماشي خلوها الصومال

وايه فارق؟؟؟

مش عاوزين الحكم والمجلس العسكري يبقي رئاسي مدني
دسوا علي الشعب ودوسوا علي مصر ودجوسوا علينا


وهانشوف مين اللي هاينتصر في الاخر