الموضوع: فيديو | هجوم الجيش على الفلول و البلطجيه

فيه بيان من القوات المسلحة على المصرية الأن

المشاركة الأصلية كتبت بواسطة otefa

فيه بيان من القوات المسلحة على المصرية الأن

مقالوش حاجة مفيدة
و بيتعاملوا بنفس النظام الغبى
قالك قبضوا على 2 اجانب
معلش اصلى نسيت اقولهم انى شنقت الفيل بفتلة

المشاركة الأصلية كتبت بواسطة medo2o1o

مقالوش حاجة مفيدة
و بيتعاملوا بنفس النظام الغبى
قالك قبضوا على 2 اجانب
معلش اصلى نسيت اقولهم انى شنقت الفيل بفتلة

ياراجل خليك حيادي
ده الفيديو موجود وبيأيد كلامهم والموضوع ألي عمله زميل بيأكد الكلام بالظبط لغاية دلوقتي

المشاركة الأصلية كتبت بواسطة otefa

ياراجل خليك حيادي
ده الفيديو موجود وبيأيد كلامهم والموضوع ألي عمله زميل بيأكد الكلام بالظبط لغاية دلوقتي

هما فعلا ماقالوش حاجة مفيدة
قالوا مفيش حد فوق القانون و مقالوش هيعملوا ايه
قالوا ان اللى كانوا موجودين بلطجية و اجانب-منكرش وجود بلطجية- ده مش سبب انه يدور الضرب فى الناس كلها و يطلع يقول مضربتش نار و اللى مات متظاهر مش بلطجى و مش هتكلم على الضابط اللى اعدم لانى حتى الان مش متاكد مع ان اتاكدتلى من اكتر من مصدر بس مشوفتش فيديو بالكلام ده
و يطلع يقول انه هيفض الاعتصام بالقوة -رجعنا لعهد العادلى-
و الادهى كمان الجيش انسحب تماما من التحرير و من قدام المتحف و مفيش شرطة و اللى حامى المتحف لجان شعبية(من معتصمين جوة الميدان المعلومة دى)
الله اعلم اللى هيحصل انهاردة
انا توقعت حاجة كبيرة حتحصل يوم الخميس بس متخيلتش الجيش يضرب نار و يخش فى استعراض قوة مع المتظاهرين

الفيديو اللى حضرتك اشرت اليه استاذ اوتيفا شفته
بص حضرتك العنف يولد العنف
و الناس اللى كانوا موجودين فى الفيديو مش اشكال بلطجية
و على فكرة انا لو كنت فى الميدان و كان الجيش بيضرب نار حى فعلا و بيضرب بالعصى و كدة
و انا اهو دكتور سنان والله كنت شتمت المشير و الجيش و كنت اى واحد جيش هضربه
لان ساعة الغضب الواحد مابيفكرش
طبعا غلط رمى الطوب و تكسير ممتلكات الجيش اللى هيا بتاعتنا
بس لما تنضرب و عمال تسمع اصوات رصاص طول الليل اكيد اعصابك هتنهار و هتفقد هدوءك
اللى فى التحرير دلوقتى و عددهم 5000 بنى ادم مش محتاجين عنف تانى دول لازم حد يتكلم بالهداوة لان فعلا لو انهاردة اتضربوا هتحصل حاجات لا يحمد عقباها

حاجة تانيه خارج سياق الموضوع
المفروض انهاردة كانت بداية جلسات التحقيق مع جيمى و محدش سمع خبر المفروض ان يطلع بكرة امر ضبط و احضار لما نشوف ايه اللى هيحصل

الناس اللي تقول شوفوا ليبيا وشوفوا ساحة السلام بالصين اقولهم شوفو الرائد احمد شومان وشباب الضباط اللي انضموا للثورة
الجيش مفيش قدامه غير انه يبقى الى جانب الشعب ولو اطلق الرصاص على المتظاهرين هينقسم لا محاله فهو لما ينضم للشعب بيحافظ على نفسه ومش جميلة في رقبتنا بل جميلة مننا عليه
شوفوا اي جيش ضرب شعبه حصل فيه ايه ... انقسم زي ما جيش ليبيا انقسم
فياريت نستخدم مثل ليبيا في دلالته الصحيحة وهي ان الجيش لو ضرب الشعب هينقسم مش تخوفونا كاننا عيال .. خلاص موضوع التخويف ده راح لحالة وشباب مصرالشرفاء لا هما خايفين من شرطة ولا من جيش ولا من احكام عرفية الزمن ده انتهى خلاص
دلوقت المجلس العسكري بيسجد فينا من ناحية بيانات وتمجيد في الثورة واخفاء الحقائق علشان القيادات تحافظ على تماسكها
ومن ناحية متواطئ مع مبارك وشلة الفساد والحزب الوطني ومحلياته (لان البطء في العدالة ظلم)
انا شايف ان فيه انقسام في المجلس العسكري في المستقبل القريب ......... والحل لتلافي هذا الانقسام؟
المجلس العسكري مفيش قدامة غير حل واحد
1-تنفيذ المطالب العادلة للشعب فورا وبدون تاخير (تطهير كامل للفساد)
2-حل المشاكل الداخلية في القيادة مثل الاعتراف بنهاية المشير بانتهاء مبارك وان المشير خارج الخدمة ومتقاعد ولا ينتمي للجيش المصري حاليا وليس حتى وزير دفاع لانه لم يحلف اليمين
3-التراجع عن السيناريو اللي يخطط ليه وهو انتخاب مجلس شعب ثم تعطيل انتخابات الرئاسة علشان يفضل ماسك الحكم ..لا تصدقوهم انهم يريدون ترك الحكم فهذا سذاجه والفريق مجدي حتاتة قادم للحكم

وبكل محبة وود اقول ان كل ده من مصايب نعم
لو كل الشعب قال لا كنا انتهينا الان من الدستور الجديد وانتخبنا رئيس والجيش رجع ثكناته ونستعد لانتخابات نيابية
لكن قدر الله وما شاء فعل لان الاغلبية اختارت الطريق الشائك والمجلس العسكري طايح فينا على حس اغلبية نعم
منه لله اللي كان السبب