فيديو | هجوم الجيش على الفلول و البلطجيه

**otefa** · 10-04-2011 12:08 AM

لاااااااااااااااااااااااا ااااااااااااااااااااااااا ااااااااا..............لمجلس رئاسي مدني من الأخر
لاااااااااااااااااااااااا ااااااااااااااااااااااااا ااااااااا..............للمساس وتخريب العلاقة وأشاعة الفتن بين الشعب والقوات المسلحة

وأتسأل سؤال أكتر من مرة في أكثر من موضوع وماحدش عرف يجاوب عليه
مين ال 5 ولا 10 ألي هايتشكل منهم المجلس وتكون ضامن أن الناس هاتتفق عليهم؟؟؟؟؟؟؟؟

**م.احمد زكريا** · 10-04-2011 12:11 AM

طيب يا جماعة يا ريت لما تسقطوا الجيش والجهاز المركزي للمحاسبات و والنائب العام

ماتنسوش تسقطوا الشعب .... ولا على إيه ما هو سقط من دلوقتي خلاص

ويا ريت نبدأ ندور على بلد تانية نلجأ ليها لأنها هاتبقا خرابة

فعلا مافيش فايدة

((ربنا لا تؤاخذنا بما فعل السفهاء منا))

**A.Saad** · 10-04-2011 12:18 AM

المشاركة الأصلية كتبت بواسطة SkyBird

الناس اللي تقول شوفوا ليبيا وشوفوا ساحة السلام بالصين اقولهم شوفو الرائد احمد شومان وشباب الضباط اللي انضموا للثورة
على فكرة الناس دول ليهم اسم

الجيش مفيش قدامه غير انه يبقى الى جانب الشعب ولو اطلق الرصاص على المتظاهرين هينقسم لا محاله فهو لما ينضم للشعب بيحافظ على نفسه ومش جميلة في رقبتنا بل جميلة مننا عليه
لا ابدا
ممكن مينقسمش برده

شوفوا اي جيش ضرب شعبه حصل فيه ايه ... انقسم زي ما جيش ليبيا انقسم
ولو الجيش انقسم
مش هو اللى خسران
احنا اللى خسرانين
لانك هتخسر ايدك اللى بتحميك وتساعدك
والجيش ده اسمه الجيش المصرى
مش جيش الاعداء

فياريت نستخدم مثل ليبيا في دلالته الصحيحة وهي ان الجيش لو ضرب الشعب هينقسم مش تخوفونا كاننا عيال .. خلاص موضوع التخويف ده راح لحالة وشباب مصرالشرفاء لا هما خايفين من شرطة ولا من جيش ولا من احكام عرفية الزمن ده انتهى خلاص
للاسف
فاكرين انهم الصح وبس
لكن محدش بيحاول يفكر فى المستقبل

دلوقت المجلس العسكري بيسجد فينا من ناحية بيانات وتمجيد في الثورة واخفاء الحقائق علشان القيادات تحافظ على تماسكها
ومن ناحية متواطئ مع مبارك وشلة الفساد والحزب الوطني ومحلياته (لان البطء في العدالة ظلم)
والتسرع فيها ظلم اكتر

انا شايف ان فيه انقسام في المجلس العسكري في المستقبل القريب ......... والحل لتلافي هذا الانقسام؟
المجلس العسكري مفيش قدامة غير حل واحد
1-تنفيذ المطالب العادلة للشعب فورا وبدون تاخير (تطهير كامل للفساد)
2-حل المشاكل الداخلية في القيادة مثل الاعتراف بنهاية المشير بانتهاء مبارك وان المشير خارج الخدمة ومتقاعد ولا ينتمي للجيش المصري حاليا وليس حتى وزير دفاع لانه لم يحلف اليمين
3-التراجع عن السيناريو اللي يخطط ليه وهو انتخاب مجلس شعب ثم تعطيل انتخابات الرئاسة علشان يفضل ماسك الحكم ..لا تصدقوهم انهم يريدون ترك الحكم فهذا سذاجه والفريق مجدي حتاتة قادم للحكم

وبكل محبة وود اقول ان كل ده من مصايب نعم
لو كل الشعب قال لا كنا انتهينا الان من الدستور الجديد وانتخبنا رئيس والجيش رجع ثكناته ونستعد لانتخابات نيابية
لكن قدر الله وما شاء فعل لان الاغلبية اختارت الطريق الشائك والمجلس العسكري طايح فينا على حس اغلبية نعم
منه لله اللي كان السبب
منه لله السبب فى اللى بيحصل لمصر
اللى عايز يبوظ البلد علشان يثبت انه موجود على الساحة وانه قوى سياسية

http://www.nilemotors.net/Nile/212350-a.html

حتمالات حصول مصر على أموال مبارك ورموز النظام السابق المهربة للخارج كبيرة جدا، والدول ستتعاون معنا، حسبما قال السفير عبدالرءوف الريدى، سفير مصر السابق فى واشنطن.

وأوضح الريدى، فى تصريحات لـ«الشروق» أن القانون الدولى أضيفت إليه مواد جديدة تساعد الشعوب على استرداد أموال مسئولى النظام إذا ثبت حصولهم عليها بطرق غير مشروعة وصدرت بخصوصها أحكام قضائية فى محاكمات طبيعية.

وأشاد الريدى بقرار المجلس الأعلى للقوات المسلحة بتشكيل لجنة للبحث والتحرى عما أثير حول ثروة الرئيس المخلوع فى الدول الأجنبية، لافتا إلى أن «الاتجاه العام فى العلاقات الدولية أن يكون هناك شفافية خاصة فيما يتعلق بثروات الشعوب».

وبمزيد من التفصيل يوضح الدكتور هشام صادق، أستاذ القانون بكلية الحقوق جامعة الإسكندرية، تفاصيل مواد القانون الدولى المتعلقة باسترجاع الأموال المنهوبة، لافتا إلى أن تطورا مهما قد حدث فى مجال العلاقات الدولية فى العشر سنوات الأخيرة وهو ما أدى إلى إبرام العديد من الاتفاقيات الدولية الجماعية التى تسعى إلى مكافحة الفساد والإرهاب وغسل الأموال وتفعيل التعاون الدولى المتطلب لترسيخ الحكم الرشيد والشفافية وحرية تداول المعلومات.

ومن بين هذه الاتفاقيات اتفاقية الأمم المتحدة لمكافحة الفساد التى انضمت إليها حتى الآن 148 دولة من بينها مصر التى صدقت عليها فى فبراير 2005.

وقد حددت هذه الاتفاقية، حسبما يقول صادق، الآليات اللازمة لاسترجاع الأموال المنهوبة التى تم تهريبها للخارج، حيث يتعين أن تبدأ الإجراءات بالتحقيق فى جرائم الفساد المنسوبة إلى المسئولين الحكوميين بواسطة السلطة المختصة فى دولتهم، وهى النائب العام فى الحالة المصرية، والذى يملك فيما لو ثبت الاتهام الموجه إلى المتهمين إحالتهم لقاضيهم الطبيعى، أى للمحكمة المختصة فى القضاء العادى، ويجوز وفقا للمادة 31 من الاتفاقية أن تطلب السلطة المختصة فى دولة المتهم من سلطات الدولة التى توجد لديها الأموال المنهوبة تجميد هذه الأموال كإجراء وقتى إلى حين الفصل النهائى فى الاتهام ما دامت هذه الدولة قد انضمت إلى الاتفاقية.

وأضاف صادق أنه إذا ثبت الاتهام فى حق المتهم وصدر حكم قضائى بمصادرة الأموال المنهوبة، يتقدم النائب العام بطلب للأمين العام للأمم المتحدة لإعادة هذه الأموال إلى مصر وفقا للاتفاقية.

يعنى لو اتحاكم مبارك قدام محكمة ثورة وعدمته علشان الناس تتبسط
مش هتلاقى دولة ترضى ترجع لك فلوسه

**otefa** · 10-04-2011 12:28 AM

المشاركة الأصلية كتبت بواسطة medo2o1o

معاك فى الجزئية التانية
الجزئية الاولى بقى
فعلا مجلس رئاسى معين هيعمل فتنة كبيرة جدا
و مجلس رئاسى منتخب تضييع للوقت لان الاسهل انتخب رئيس و اخلص
بس فعلا المجلس العسكرى برئاسة طنطاوى فقدت الثقة فيه
لو طنطاوى تنحى يااااااااااه
بس انا عارف مينفعش نخبط مع الجيش
فعلا انا فى حيرة ما يعلم بيها الا ربنا
العنف لا يولد الا العنف
المجلس العسكرى فقدت ثقتى فيه
مينفعش نخبط مع الجيش
المجلس الرئاسى هيعمل مشاكل

دماغى هتنفجر
فاضلى تكة و هنفض للبلد و ايكش تولع بقى انا خلاص الياس تملكنى
مشى بسرعة السلحفة و اشاعات اشاعات و مش دى مصر اللى انا عايزها
فعلا زهقت
خلاااااااااص ايكش تولع انا مالى انا اهاجر برة البلد و مليش دعوة بالبلد دى تانى و مش عايز اعرف حاجة فى السياسة و لا جابوا مين وشالوا مين و شكلى مش هنزل انتخابات

يادكتور سيبها على الله أولا وأخيرا
يعني بالعقل كده أثق في الجيش وأحسن النية فيه ومؤشرات كثيرة من أول الثورة في صفه وتؤكد أنه عايز مصلحة البلد
ولا ألعب بالنار وأطالب بطلبات أقل مايقال فيها غير مسؤلة زي المطالبة بأقالة طنطاوي(مين ألي هايقيله غير أنقلاب عسكري داخل القوات) بالذمة ده كلام وأيه المبرر من الأساس؟؟؟؟؟؟

**A.Saad** · 10-04-2011 12:29 AM

السؤال اللى بيطرح نفسه
الاخوة المعتصمين
ليه مفيش مظاهرات عند دول حوض النيل علشان نبين اعتراض الشعب على موقفها من اتفاقيات المياة

**AmAhmed** · 10-04-2011 01:05 AM

اضافة لنقطة المجلس الرئاسي المدني حتي يكون النقاش صحي و الكل يضيف و لا تهميش لاحد

مشكلة المجلس هو الاتفاق علي اعضاءه فبدل من الدفع بفكرة عايزين مجلس رئاسي و خلاص
الافضل تحديد الاسماء و لما تتحدد الاسماء و يتم الاتفاق عليها
ساعتها نقول عايزين مجلس رئاسي اللي هو ده
لان الاختيار و الاستقرار علي الاسماء ده ازمة كبيرة جدا جدا
و اذا كانت هذه الخطوة غير مخطط لها بشكل كامل و جيد يبقي بلاش منها احسن

**ahmedjumpo** · 10-04-2011 01:20 AM

المشاركة الأصلية كتبت بواسطة a.saad

http://www.nilemotors.net/nile/212350-a.html

يعنى لو اتحاكم مبارك قدام محكمة ثورة وعدمته علشان الناس تتبسط
مش هتلاقى دولة ترضى ترجع لك فلوسه

كلام حضرتك جميل و كان ممكن يتنفذ لو تم تجميد الاموال بمجرد تنحى الرئيس السابق اما و بعد صدور قرار التجميد بعد مرور شهر و نصف من التنحى هل تعتقد ان لسه فى اموال فى اروبا بأسم الرئيس السابق !!!!!
يعنى الفلوس مفيش و المحاكمة مفيش لان مش هيعرفوا يثبتوا عليه حاجة طالما الفلوس اختفت و مش هينفع يدان لانه هيجيب فى رجليه ناس كتير جدا جدا فى كل الاماكن و حبات السبحة ساعتها هتفرط و ده لن يتم السماح بحدوثه

-

-

-

الموضوع: فيديو | هجوم الجيش على الفلول و البلطجيه

LinkBack

أدوات الموضوع

عرض

-

-

-

-

-

-

المواضيع المتشابهه

فيديو هجوم حاد على عمرو موسى فى ساقية الصاوى

فيديو ضابط الجيش (بكار)

الكلمات الدلالية لهذا الموضوع

المفضلات

المفضلات

ضوابط المشاركة