أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
عرض للطباعة
أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
بص التوكيل حلو و كويس مقارنة انه بمصر
يعني الناس حافظين العربيات
بس في الاول و الاخر عنده بعض العيوب المصرية
بس بامانة لازم يكبروا المساحة اللي بيستقبلوا فيها العربيات
و يزودا عدد المهندسين بها
ده بالنسبة لمراكز الخدمة اللي بروحه في غمرة
اما التوكيل نفسه كالبيع
الفلوس كنا دفعناها في العربية مش فاكر فين
بس استلمناها من التوكيل في المقطم
بس الحركة الزبالة اللي عملوها
اننا كنا حجزين عربية سوداء فرش بيج
لقيناهم عاوزين يقلبونا علشان خاطر ناس تاني
عملنا مشكلة و اخدنا العربية بس بفرش رصاصي
بس
غير انهم معندهمش غير لمون او شاي بس بيقدموه للاعضاء
اه و كمان مية ساقعة الحمد لله يعني
مركز الصيانة لازيم يكبر أو يفتح واحد تاني يكون كبير.
غير كدة، المهندس اللي بنتعامل معه كويس جداً مشاء الله
من وجهة نظر مجرب وملسوع التوكيل بتاع شفيق جبر لا يرقى لان يكون حتى ورشة ميكانيكي ..عدم نظام واستهتار في املاك الناس وصنايعية لا تدريب ولا شهادات ولا اي حاجة...فرحانين بالكمبيوترات وقال مركز متطور..وعمرك متصلح عندهم حاجة الا وترجعلهم تاني والاجابة المشهورة ان العيب مش منهم......اكيد العيب من الشركة الالمانية الي وثقت فيهم وادتهم التوكيل...واقول لكل واحد دعاء من قلبي ربنا ما يبتليك وتحتاجلهم عشان حوجتهم وحشة ....
السلام عليكم
لو سمحتم يا جماعة عايز اعرف مين التوكيل في اسكندرية وايه اخبار الخدمة وتوفر قطع الغيار للفليشيا وايه اسعارها بس بالتفصيل لو تكرمتم وأكون شاكر لكل الأخوان.
رمضان كريم
التوكيل فى اسكندريه اسمه (نور الدين شريف) على الصحراوى وانت رايح على برج العرب هيكون على شمالك قبل منصور بشويه هو عموما كويس و شغله كويس بس انا ليا سابقه مش كويسه معاهم : روحتلهم باوكتافيا a5 عشان اركب مثبت سرعه ركبوه و استلمت العربيه لقيت فيها حدفه شمال رهيبه (مش بتحدف و هو الدركسيون عدل لا ده انا لو سيبت الدركسيون الاقيه راح شمال لوحده) رجعتلهم قالولى ازاى و طلعو جربو و اعدو قالولى حاضر هنعملها و المهندسين اتجمعو على العربيه و مش عارفين فيها ايه المهم طلع 3 مهندسين مع العربيه و رجعو قالولى خلى فلان الى شغال فى توكيل بريدجيستون يعدلهولك عشان احنا مروحين .
طبعا سمعو منى رد غير ظريف خاااااااااالص
هل يوجد احد فى المنصورة يمكنة صيانة الاوكتافيا A5وهل مشاكلها كثير ام ماذا وشكرا
طب توكيل القاهرة فين يا جماعة؟
توكيل القاهره فى ميت غمر استنى و انا بكره او النهارده بالليل اجيبلك عنوانه بالظبط
على فكره فى مركز خدمه لسكودا فتح على طريق المحله-طنطا اسمه(عقل)بس بصراحه مجربتوش و مش ناوى انا شغال مع فرع اسكندريه كويس و بصراحه مش واثق فى الفرع بتاع عقل ده
مركز الخدمة الخاص بالتوکیل " أرتوك أوتو" موجود فى منطقة
اسمها دير الملاك فى حى حدائق القبة و لكن الناس متعودة تقول غمرة لكونها قريبة جدا و أكثر صيتا من دير الملاك و حدائق القبة
ممكن توصله عن طريق شارع بورسعيد....لو قادم من اتجاه وسط البلد و متجه إلى نهاية شارع بورسعيد ( ترعة الاسماعيلية )...بعد كوبرى غمرة ( المتقاطع مع كوبرى أكتوبر ) ......بحوالى 1 كيلو هتلاقى محطة بنزين شل على اليمين و فرع لمحلات " التوحيد و النور " على اليسار ....تكمل فى نفس الشارع حتى تصل لناصية على الجانب الأيمن مرفوع عليها اعلان للرواس ( ميتسوبيشى ) و علامة مرسيدس ( مركز خدمة )...على الجهة المقابلة من الشارع و قبل الناصية بخطوات يوجد مستشفى اليوم الواحد و شكل مبنى المستشفى مميز فى المنطقة...
المهم عند الناصية المذكورة تدخل يمين ( الشارع اتجاهين ) و هتلاقى سكودا على الجانب الأيسر على بعد أمتار قليلة جدا ....
لو فى حد عنده استفسار بشأن المكان لا يتردد فى السؤال
استاذ شاتو حضرتك وصفت المكان وصف رائع و احسن من الى كنت هقوله مليون مره .
انت بتعمل صيانه الميجان هناك ولا ايه؟؟؟هههههه
هاهاهاها
ربنا يخليك يا باشا....
أصل بيت جدتى على بعد خطوات منه...و أنا مش ساكن بعيد أوى...فتقدر تقول إنها نوعا ما المنطقة بتاعتنا
انا بتعامل مع توكيل نور الدين الشريف اللى على الصحراوى و بصراحه ناس محترمه و اسعارهم معقوله و بيتعملى نسبة خصم على قطع الغيار و المصنعيات لانى زبون عندهم
ايه ده من الكلام ده يبقى مافيش داعى لعربيه توكيلها واماكن الصيانه عايزه روشته
وكمان معامله تعبانه
فين توكيل نور الدين الشريف بالظبط يا باشا؟
الكيلو 27 طريق اسكندريه القاهره الصحراوى ...
و انت رايح على القاهره هيقابلك على يمينك توكيل اوبل فى الكيلو 28 ...هتلف من اول لفه بعده على طول و ترجع ..
هتلاقى نور الدين شريف على شمالك ...
ناس محترمه جدا ..
يا جماعة مشكلة غمرة بس
انه بقى غير كاف للسيارات الداخلة يوميا
لان شقيق جبر باحسن الاحوال لم يتوقع المبيعات العالية للاوكتافيا
و هي اساس المشكلة
70في الميه من العربيات اللي عنده اوكتافيا ايه فايف و 25 فيالميه ايه فور
و الباقي الانواع القديمة
المفترض ان مركز القطامية يخلص السنادي
لكن معاملتهم كويسة و ربنا يكون في عونهم
بتحس انهم في خليه نحل علشان يعرفوا يخلصوا العربيات
فى الغمرة الناس شطرين بس المكان ضيق اوى و يوم السبت بيكون معجنة
بجد بجد صعبوا عليا
لما دخلت جوا في الورشة اللي بيمنعوا حد يبقى فيها
ابسط حاجة لما جبت العربية علشان يسمكروا الجزء الامامي بتاع الاكصطدام
قالي مفيش مكان و تخيلوا عملها فين
؟؟؟؟؟؟؟؟؟؟؟؟؟؟؟؟؟؟
عملها في الاستقبال اما البوابة اللي بنخش منها
3 عمال مسكوا الاكصطدام و باقصى سرعة ليهم بجد
و خلصوه في حوالي ساعة فقط
و المشكلة لما روحت كارتك مرة قبل كده لقيته حرامي
بمعنى الكلمة عايز يشفطفلوسك بجد
قالي الاكصطدام لازم يتغير و الفوانيس كمان
رغم ان الاكصدام دخل لجوا و تنى جسر حديد واحد فقط
و الفانوسين سلام مفيش غير واحد فيه خدش مش شرخ
خدش بسيط من تحت لان الفانوس مضاد للكسر
امال مركز الخدمة اللي في المعادي اللي اسمة الاقصي دة .. في حد جربة .. واية رايكم فية .. وفي اخبار عن المركز بتاع القطامية اللي بيقولوا انة هيخلص السنة دي
انا عندي مشكلة في العربية قلولي علبة الدركسيو بازة و ده عيب صناعة و هنغيرها في الضمان
لاكن العلبة مش موجدة و هتيجي في خلال 15 يوم
الكلام ده بقالو شهرين و كل شويه حجة شكل و بجد مش عارف اعمل ايه
لو بتعرف انجليزي ابعت شكوى للشركة الام في المانيا او التشيك برقم الشاسيه والموتور والمعلومات اللازمة يمكن يطلعلك تعويض او يخلصوك قوام قوام
عندك فكرة علبة الدريكسيون اسمها اية in english
على ما اعتقد steering box
ايوة هوة موضوع الماني ده يقلقهم هنا قوي او حتى التشيك المهم حد من الكبار
فعلا بقت حلجه تقرف التوكيل فى عمال يسرق الناس شمال ويمين
المهم هو يكسب وا حتى يكسب ومش مهم الناس تولع لاكن لما تجى الناس الى مديلهم التوكيل يخافوا طبعا لحسن يتسحب منهم
ويتخرب بيتهم فا يتلموا ويعملولك الحاجه
وده مثال سئ لسمعه مصر ويخلى الناس يتكلموا علينا
انا مش عارف هيا فين رقابه الدوله ولا جهاز حمايه المستهلك الى مش سمعلوا صوت
تحياتى
انا و انا بعمل صيانه ال 10000 فى توكيل غمره بالظبط مكملتش ساعه كنت ماشى و بجد شباب كويسه اوى اللى شغاله و روحهم حلوه
انا غيرت الفانوس الخلفى من التوكيل الناس كويسة وزوق لحد دلوقتى مع العلم انى مروحتش لحد دلوقتى اعمل صيانة فانوس فقط الناس كويسة والمعاملة كويسة والخدمة برده
توكيل غمره مفيش معامله احسن من كده اعتقد http://www.nilemotors.net/Nile/126271-20000.html
يا باشا هوة طبعا توكيل غمرة احسن توكيل سكودا لكنه احسن السيئ لا يزال غير كافي لاستيعاب الكم الهائل من سيارات السكودا الي في البلد..واتمنى انو يعملو مراكز تانية كتير تليق باسم الشركة..انا شفت يفطة عليها اسم ارتوك كبيرة قوي على ارض على اسكندرية الصحراوي عند كارفور يا رب ده يبقة مركز تاني يخفف الضغط
ياباشا ربنا يكرمك والله العظيم فعلا روحت للمهندس خالد اسماعيل بتاع ارتوك اوتو اللى فى مدينة نصر فى الواحة وكان عندى مشكلة فى الفالف بودى بتاع الa5 وقالولى فى التوكيل هيتكلف بالزيت 11 الف جنيه ونصف ولما روحت لخالد اسماعيل غيرلى سولونيود من داخل الفاف وضبط العربية وبقت بتنقل بأنتظام مية على مية كل العملية اتكلفت 450 جنيه وانا جبتله الزيت.مرة تانيه الف شكر ليك اخ هانى وربنا يبارك لخالد اسماعيل
الراجل ده مية مية وعن تجربة ...ركبت عندو تيش دركسيون وبيض مفاصل للعربية الفابيا وكلفني اقل بكتير من الي التوكيل طلبو
الحاجة الي زعلتني هية اني لما رحت التوكيل المرة الي فاتت اكتشفت انهم بطلو يبيعو قطع غيار وسابو ده للموزعين الي شغالين في الاصلي وفي المضروب وبقة الموضوع تبع الامانة..لاني وبكل صراحة جبت مثلا تيل فرامل من الهاشمية وبصراحة لحد دلوقتي مش عارف اذا كان اصلي ولا المضروب لان الاتنين شبه بعض في العلبة والشكل حاجة تحير