أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
عرض للطباعة
أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
اوماترا وما ادراك ما هو اوماترا
حسبي الله ونعم الوكيل فيهم توكيل كسوووووووول
بدرجة تشل وتبقى مصيبة لو قطعة غيار مش موجودة
خصوصاً للموديلات الجديدة يركنوك اسبوع ولا اسبوعين
على ما يجيبوها .... وبسعر فلكي طبعاً .... شكلهم بيقلدوا
البفارية في الاسعار!!
بس على فكرة مش هقدر اختار سئ (ولن اذهب الية تاني)
لان مواتير الفيات الجديدة محدش بيعرف يتصرف فيها غير
التوكيل والمراكز المعتمدة ومش كلها كمان.
انا بتعامل معاه دايما اللي في جسر السويس
ده اسوأ توكيل في مصر بسب العاملين فيه
الحاجه تعملها في العربيه تيجي بعديها باسبوع تعميلها تاني
حاجه تقرف والله
طيب انا عاوز اسال عن اي مكان تاني ممكن اروحوا غير التوكيل انا معايا فيات جراند بونتو 2007
كان فيه صوت في العربيه مطلع عيني روحتلهم حوالي 5 مرات
وفي الاخر بيقولي المهندش الاستقبال الجراند بونتو كلها فيها العيب ده(الصوت ده)
انا مش عارف هما كده بيطمنوني ولا ايه ...........
بصراحه انا لو مش بتخنق من الميكانيكي لاكنت سيبت التوكيل القرف ده
صحيح معلش هوا توكيل ابو رواش احسن ولا جسر السويس
اسأل علي باشمنهندس محمد هناك ده رقمه : 0105036364
قله ان انت قريب اي لواء بس و هو حيظبطك :)
بالنسبة لمراكز الصيانة الاخرى . لو انت في مدينة نصر في مركز امير و جوزيف و دول ناس محترمين جدا . في شارع ابد داوود الظاهري قدام مطعم Bistro و AutoMicho
و في النيل الهندسية الي في ابو رواش في الطريق الصحراوي و دول برده ناس كويسة . و لو رحت هناك اسأل علي المهندس مصطفى - اسمراني شوية كدة و قوله ان انت من طرف كريم زميله في هندسة حلوان :)
علي فكرة انا بروج بتاع جسر السويس كتير جدا .. و لو ظبط مع مهندس جوا خلاص كله تمام .. انا فعلا كنت بشتكي منهم في الاول بس هما دلوفتي احسن كتييييييييييير .
ياريت والله الاخوه هنا يطمنونا على الوكيل
فى ناس قالوا اتحسن بعد ماتنقل ... بس هو كان ايه قبل الاوماترا
وفى ناس تقول زى الوحش !!!
متشكر جدا
علي فكرا المهندسييين كلهم عارفيني هناك اولهم البشمهندس محمد
هوا بنظاره واسمراني شويه
بس انا عاوز اعرف ايه حكايه اللواء
اشمعني يعني
أنا غيرت سيارتى البونتو 2004 وهى عمله 23000كم وبحالة الفبريكه رغم حبى لهذه السيارة وخسرت فى تمنها والسبب الرئيسى سوء مراكذ الخدمة
توكيل أبو رواش أزفت في حاجات كتير فلدي مشكلة أيضا وجود صوت مع الفرملة ومش عارفين يعملوه بعد ما رحتلهم أكثر من 5 مرات فيقولوا كل السيينا كده بالإضافة انهم بيغالوا في الأسعار
بالنتيجه حتي الآن مش ممكن أفكر أشتري فيات زيرو
علي فكرة أحنا ممكن لو المشاركات زادت نبعت بالنتائج دي للتوكيل يمكن يفهم
ana m3ako ya gamm3a wallahi w 3an tagroba f tawkeel omatra el f gesser el swez wallahi ya gamm3a ana m3aya 3arbya opel w bwadyha el tawkeel w m3 zalk ba7s en el spare parts wl masn3ya 2a'3la mn opel w 7asal m3aya moshkela fl 7rara w sal7taha w rg3t tany ba3d shahren l nfs el 3eb bgd lw t3rfo ay 7ad a7sn w 2ar5ss mnl tawkeel ykoun a7san badl el bahdala deh
انا رحته مره واحده
وكنت عايز اغير تيل فرامل وطنابير
الطنابير ماكنتش موجوده عندهم
المهم اشتريت التيل من عندهم ب 320 ج تقريبا
وقالي ان الطنابير سعرها 700 ج
المهم قالي استنى كام يوم لغاية لما توصل الطنابير
او ممكن حضرتك تشتريها من بره
نزلت اشتريت الطنابير تقريبا بحوالي 400ج من الكيلاني
وسألت عن التيل كان ساعتها ب 180 ج تقريبا من الكيلاني... ( دلوقتي ب 220)
وطبعا العربيه قعدت عندهم يوم كامل
وافاجأ بالفاتوره ان فيها حوالي 90 ج مصنهعيه ومش عارف
كام في الميه ضرايب
وكانت دي تجربتي الوحيده من التوكيل...
تضييييع يوم كامل
مصنعيه غاليه
قطع غيار نار
بطء شديد
اللي عايز اقوله ان الفيات كله.. زي بعضه... وأي ميكانيكي مبتديء هايعرف يصلحها..
وقطع الغيار تشتريها من الكيلاني
وفكك من اوماترا
انا عربيتي بونتو 2003
tb feen '3er el tawkeel ma7dsh y3raf 7ad seka w ykoun specialist fl fiat el gdeeda mesh el 128 wl 127 3ashan akeed ba2a fy 2e5tlaf 3an ay 7ad yfty fl fiat ya Dr. Ahmed walla eh ?
انا رحت مرة التوكيل اللي في جسر السويس و لقيت الأسعار غالية اوي اوي اوي
عمرى ما رحت
انا وروني الويل فياوماترا جسر السويس - بس بعد شكوى صغير لفيات أيطاليا كل حاجة اتضبطت
وعلى فكرة أ. محمد البربري مدير الصيانة من أحسن الشخصيات هناك ولو حاسس بأي مشاكل ارجعلة هيحلها
اهم حاجة في مهندس هناك اسمة شريف صلاح ابعدوا عنه أحسن لأنه بعون الله هيخليك تفلس وفي النهاية الشكوى لسة موجودة
دي خبرة سنتين مع توكيل اوماترا جسر السويس
تحياتي
من كلامك دة اقول ان مفيش ولا واحد بيشكر في توكيل فيات:k20:.......يبقي نبعد عن الينيا احسن ونجيب سيات كوردوبا..........
اية رايكم؟؟؟؟؟؟؟؟؟؟؟؟؟
الكوردوبا مشكلتها resell بتخسر فلوس كثير جدااا
تحياتي
ياجماعه باركولي حجزت اللينيا
اللي ب 103 لخالي
هو يا جماعة الكيلانى مكانو فين و توكيل جسر السويس فين بالضبط؟
انا من الأسكندرية وبعت العربية بتاعتى الجراند بونتو2007 وخسرت 12000جنيه بسبب ان قطع الغيار وهمية ومش موجودة وحدش عايز يشترى الفيات . انا مش ايه التوكيل اللى مش عارف يعمل اعلان واحد فى الشارع حتى مش هقول فى التلفزيون. ده توكيل اتمنى انه يخسر ويقفل . اما فى الأسكندرية فمفيش أوماترا أصلا والموجود مركز صياة بتاع الطارق وده أنيل من التوكيل ممكن يقعدوك 3سنين عبال مايصلحولك العربية وكمان بيبوظوها. حسبى الله ونعم الوكيل
التوكيل مقرف جدا جدا جدا
مابعرفوش يشتغلوا خالصو لا يقيموا العيوب في العربية انا جبت اضواء ضباب من سوريا للسينا فاير 1300 موديل 2006 لأنها مش موجودة في مصر اصلا وماعرفوش بيركبوها قالولي مش عارفين نركبها
والله يا جماعة ركبتها بإيدي قدام البيت وبعدين في صدأ ابتدا يطلع في سقف العربية بسبب خطأ في الدهان مارضيوش يعملوها ورفعت شكوى للشركة الأساسية في ايطاليا ومستني ردهم حيث انهم اتصلوا اول مرة بية ومستني الرد التاني علشان يعملوها غصبن عنهم ومرة برضة عملت حادثة الله يحفظكم وكان متأمن على العربية سافرت ورجعت من سوريا ولما جيت استلم العربية كان في صوت وقلت للمهندس الي مفروض انه بيفهم انه الصوت ده من الحادثة في المقص وقالي لا ده من (المساعد) من الاستخدام طبعا اتخانقت معاه وطلعت لمديرهم واتحديت المدير واتفقنا انه لو طلع مساعد حدفع تمنه من جيبي ولو طلع مقص حديفعوا تمن الصيانة كاملة العادية للعربية الي هيا صيانة 50000 طبعا زيت وقلتر هم دول وبس. وبعد الفك والتركيب طلع المقص خليتهم يدفعوا تمن المساعد الي ماطلعش بايظ والمقص والصيان
عشان كده بقولكم انو همة ما بيفهموش خالص وتوكيل مقرف الي عايز يعملها صيانة في مركز خدمة للفيات في المطار عند بنزينة التعاون دول بيفهموا فعلا في صيانة العربيات ديه الى حد ما
معلش يا شياب بس بالنسبة لقع الغيار انا افضل في محل قطع غيار في شارع دمشق احسن وارخص واجود من الكيلاني حقيقي هو المحل جنب محل السجان بتاع الصوتيات هو محل صاحبه شيخ بس والله بلاقي عندو كل قطع الغيار رخيصة من الكيلاني واحسن والله حقيقي
على فكرة انا عربيتي سينا فاير 1300 كل القطع الغيار بجابها من عندو في حين انو الكيلاني اقرب لية من شارع دمشق في مدينة نصر
الله يبارك فيك بس حقيقي ربنا يعين خالك في العربية مع انو العربية حلوة بس توكيلها وحش اوي
علية العوض انا جالى احباط من كتر الكلام السىء عن التوكيل انا مش حشترى فيات خالص للاسف الحلو ميكملش بعد اعجابى بالفيات واستقريت عليها انا غيرت راى
انا شغال معاهم بعربيتي بقالي 7 شهور وما شاء الله زي الفل ومشتكتش منهم غي في اسعار المصنعيه المغالا فيها
وعملت حاجات كتير
طقم دبرياج
جوانات
واشتريت حاجات تانيه برضه
انا قلقان من التوكيل دة وخايف من موضوع الاسعار وقلة قطع الغيار بتتعامل مع انهى مركز صيانة وللعلم الموديلات الحديثة بتبقى قطع الغيار اقل من الاقل فى الموديل
انا بصراحه مش حاسس بقطع الغيار دي
انا بس قرفان من المصنعيات
لكن والله والله والله عن تجربه اكتر من مره (الاصلي يعمر والتقليد يدمر) gm هههههههههههه
بس فعلا والله الكلام ده صح ميه ميه ده بالنسبه لقطع الغيار بس
مقولتليش بتتعامل مع انهى مركز صيانة
اوماترا جسر السويس
دى بيشتكو منوا هنا فى المنتدى كتير
بس دلوقتي بتعامل مع ميكانيكي اسمه صابر في امبابه ده اصلا شغال فني في اوماترا
بس صنايعي
لا لا من المصنعيات بس
هو قرفه في اسعر الجديد ومبيعملش اعلانات وتسويق
الله يباركلك يعن اضمن انوا حيظبطلى الايفو :U_thin1[1]: .......:C_laugh[1]:
بص الجديد ده عنده وعند غيره ودي سياسه يا معلم وخرجنا منها الله يباركلك
سلامو عليكم الأول
أنا معايا جراند بونتو 2009 من فترة قريبة وأنا رحت التوكيل كذا مرة قبل مشتريها وبعدين رحت بعد كده مرة واحدة والحقيقة الناس كانوا في منتهى التعاون وبعد ممشيت كلموني تاني يوم يسئلوني أنا راضي عن الأداء ولا لأ .....
هو الحقيقة واضح من كلام كذا حد إن أوماترا اتحسنوا كتير أوي وكل شويا بيطوروا نفسهم أكتر ....
ومافيش توكيل في مصر إلا ماحتلاقي ناس بتشتم جامد وناس بتشكر بس حضرتك الأراء إللي كتبتها كلها مش راضية عن أداء أوماترا حتلاقي غيري برضه رأيه إنه كويس ..
أنا قيمته بجيد ومتوقع إنه يبقى ممتاز قريب جدا..
بس الحقيقة العربية تحفة ... أنا سقت أنواع كتير قبل كده بس فعلا العربية ده ما شاء الله حاجة تانية ممتعة في السواقة .... فعلا تحس إنك راكب عربية من العربيات الأسعارها معدية ... وإللي عاوز يركب عربية فيها كل الoptions ده وبالسعر ده لازم يعمل حسابه من دخله الشهري عشان يحافظ عليها بالصيانة الدورية ويعمل حساب قطع الغيار أكنه بيزود على قسط العربية جزء صغير ...
توكل على الله وهاتها
ده رأيي في الموضوع
استاذ عمار، أولا الف مبروك على العربية و ربنا يباركلك فيها انشاء الله
أنا بس عايز أعرف الجراند بونتو الموجوده تربو ولا عادي، و يا ريت لو تقدر تقدم تقييم سريع عن العربية و تجربتك معاها الفترة اللي فاتت
ملحوظة على الموضوع:
أنا عندي واحد صاحبي معاه BMW 316i Coupe و بيشتكي مر الشكوى من البافارية و مصر انه أسوأ توكيل في مصر... لا تعليق