سنتر وسرينه

**kreka** · 09-04-2011 06:51 PM

رحت اشترى انهرده شويه حجات للعربيه المهم كبرت فدماغى اجيب سنتر وسرينه لقيت سنتر سباى بالريموت ب 110 و سرينه قالى 3 اصوات ب 65 وقالى قى 95 الأسعار دى ايه نظامها

والسرينه اللى ب 65 دى صوتها بيكون عامل ايه ؟ انا مش فارق معايا انها تنعر و3 اربع شوارع يسمعوها المهم ان العربيه اللى قدامى تسمعها
ولو تعرفوا مصنعيه الكهربائى تكون حوالى كام للإتنين

وعايز نوع سماعات تكون فالحنين وتعمل بيز وصوت حلو جوه العربيه انا مش عايز صوت بره بس بيزها يكون كويس مش زى السماعات المدوره دى ؟ وايه نظام الكاستات اللى ميمورى وusb بس

شكرا

**kreka** · 10-04-2011 01:26 AM

فين الردود

**a7madramadan** · 10-04-2011 09:21 AM

انا بس هأرد على موضوع الكاسيت لإن ماعنديش معلومات عن الباقي ..

الكاسيت انته قدامك خيارات كتيييير جدا ...
لو عاوز Headunit بيتحط فيها ميموري كارد و فلاشات هيبقى قدامك يــا إما تجيب حاجات صيني دي من 150-300 جنيه وبتبقى full option بس كفائة الصوت مقبولة و الجودة في التصنيع والخامات تحت المتوسط ...

وطبعا ممكن تجيب Headunit ماركة أصلية و كويسة على قد ما انا فاكر أقل سعر لكاسيت بيقرأ SD Memory cards و USB بيخش في حدود الـــ 800 جنيه كان كلاريون او كينوود مش متذكر بالظبط ويستحسن تسأل في قسم الصوتيات المتفرع من قسم الكماليات الناس هتفيدك أكتر ...

وقدامك خيار ثالث انك تجيب كاسيت عادي براديو وتجيب FM Transmitter و ده مشهور بإسم MP3 الولاعة وده من أرخص الخيارات الي قدامك لإن أسعاره من 20 جنيه لحوالي 100 جنيه للأنواع النظيفة قوي ... وده هتحط فيه الميموري و الفلاشة و هتظبط منه تردد راديو معين و تظبط الراديو على نفس التردد وبيبقى جودته معقولة

أنصحك تجيب كاسيت ماركة محترمة و ماتسترخصش فيه لإنه بيفرق كتير الصراحة في الصوت

**kreka** · 10-04-2011 07:24 PM

المشاركة الأصلية كتبت بواسطة thediesel

انا بس هأرد على موضوع الكاسيت لإن ماعنديش معلومات عن الباقي ..

الكاسيت انته قدامك خيارات كتيييير جدا ...
لو عاوز headunit بيتحط فيها ميموري كارد و فلاشات هيبقى قدامك يــا إما تجيب حاجات صيني دي من 150-300 جنيه وبتبقى full option بس كفائة الصوت مقبولة و الجودة في التصنيع والخامات تحت المتوسط ...

وطبعا ممكن تجيب headunit ماركة أصلية و كويسة على قد ما انا فاكر أقل سعر لكاسيت بيقرأ sd memory cards و usb بيخش في حدود الـــ 800 جنيه كان كلاريون او كينوود مش متذكر بالظبط ويستحسن تسأل في قسم الصوتيات المتفرع من قسم الكماليات الناس هتفيدك أكتر ...

وقدامك خيار ثالث انك تجيب كاسيت عادي براديو وتجيب fm transmitter و ده مشهور بإسم mp3 الولاعة وده من أرخص الخيارات الي قدامك لإن أسعاره من 20 جنيه لحوالي 100 جنيه للأنواع النظيفة قوي ... وده هتحط فيه الميموري و الفلاشة و هتظبط منه تردد راديو معين و تظبط الراديو على نفس التردد وبيبقى جودته معقولة

أنصحك تجيب كاسيت ماركة محترمة و ماتسترخصش فيه لإنه بيفرق كتير الصراحة في الصوت

شكرا على الاهتمام
انا مقتنع جدا بكلامك بس انا فاكر ان ابن عمتى كان مشترى كاسيت سى دى ب 450 جنيه وصوته فشيخ فموضوع 800 دا انا شايف انه كتير

هو انا مليش فالصوت العالى بس بدور على حاجه تدينى بيز جوه العربيه بس

**a7madramadan** · 10-04-2011 10:27 PM

800 جنيه ده سعر كاسيت CD و USB و ميموري SD زي ما حضرتك طالب ..... ال CD بس بيبقى أقل بكتير ..... حضرتك يــاريت تتوجه لقسم الصوتيات وتسأل عن الأسعار لإنهم أصحاب الخبرة و النقاش عن الكاسيت و أسعاره و أنواعه بتبقى هناك :) قســـم الصوتـــيات - :: نــايــل مــوتــورز:: - :: NileMotors.net ::

وتقبل تحياتي

**a7madramadan** · 10-04-2011 10:31 PM

بالنسبة لو كل اهتمامك للبيز أعتقد تركب ساب ووفر و جي إم على كاسيت كويس هتهيص جامد قوي قوي :d وبرضه يــــاريت تتوجه لقسم الصوتيات لإن الناس هناك هيفيدك أكتر بكتيييير مني والله الموفق

**kreka** · 12-04-2011 12:49 AM

ينهارى دى هتفتح جامد ................

المهم الحمد لله اشتريت سنتر spy بالريموت ب 100 جنيه ودفعت 60 جنيه تركيب

واشتريت طقم طاسات للكاوتش ب 50 جنيه بس شيك اوى

لسه بدور على مسند امامى يكون جامد لأن كل اللى لقيته عادى اوى