أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
عرض للطباعة
أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
سىء جدا جدا
انا بذهب اليه مضطر عشان الضمان
انا عن نفسي شايفه جيد
لني باتصل ببتوع الصيانه ياخدوا العربيه من عند البيت وبريح دماغي
والعربيه تجي ليا متظبته
ومجربتش اروح التوكيل واتعذب زي ما في ناس بتقول كدة
بعد اقتناء 2110 محلي تسئ لصناعة السيارات التوكيل سئ جدا
فترة ضمان قصيرة سنه ،قطع غيار غير متوافرة لكل ما عدا 2107 ، طول الانتظار لساعات خلال الصيانة ، عمالة فنية غير مدربة بالمقارنة بالورش الخاصة ، عدم مبالاة بالعملاء كون أغلبهم من سائقي التاكسي
بعد اقتناء 2110 محلي تسئ لصناعة السيارات
مش فاهم قصدك ارجو التوضيح
بسم الله الرحمن الرحيم
انا ربنا وفقنى واشتريت لادا 2107 مصرى موديل 2008 بعد حيره كبيره بين المصرى والروسى حيث كان من المفترض انى كنت اشتريت خلاص لادا 2107 روسى موديل 2007 كانت معروضة عليا بسعر مغرى بس كانت خارج الضمان لاكن فى اخر لحظة غيرت رأى ورحت الى المصرى بصراحه الزيرو زيرو
معلش للاطاله بس تقريبا ممكن تكون اول مشاركه ليا علشان كدا بوضح الامور
بعد تقريبا حوالى 900 كم رحت النوكيل فى العامرية فى الاسكندرية بصراحه شفت وضع جيد يمكن علشان انا رحت يوم سبت كان التوكيل فاضى مفيش زحمه قوى انا مش عارف بس دى تجربتى
دخل عليا مهندس فى منتهى الاحترام وكانت الساعة 10 تقريبا كنت واقف فى صف اما التوكيل مكون من 5 عربات تفريبا اخذ بيانات العربية ونصحنى لو عايز اكمل بالعربية شويه كمان حتى 1500 كم لو عايز بعد كدا اعمل الصيانه بس انا مكنتش فاضى بعد كده
توجد استراحه جيده فى الدور الثانى
مشفتش اى محسوبية الكل فى الاستراحه او اى مكان ماعد الورشه محدش يخش ولا يتعامل مع اى صنيعى وانا شايف انها سياسه جيده تكفى عن الابتزاز من الصنيعية والبقشيش الاجبارى
بصراحه جلست لاكثر من ساعتين بعد كده لقيت واحد مخرجلى العربية رحت على الشباك طلبت الفتورة وضحولى التعمل والذى كان متفق علية سابقا مع المهندس فى البدايه رجعو معايا بعد كده دفعت واخذت العربية ورجعت البيت حوالى الساعه 1.30
بس اليخالانى اقول ان التوكيل جيد هو مراجعته على العربية و كلها من غير ما اطلب
كان عندى باب الشمال بيعلق مقلتلوش مكنتش عارف اقولو اه بصراحه ولاكن الفنى بتاع البيبان لقيته حله واشتغل فيه من نفسه علشان لاحظ ذلك من نفسه لما كان بيكشف عليهم انا لاحظت كل ده من الكفتريا اصل فيها زجاج كاشف الورشه كلها وانا شايف عربيتى بتتنقل من صنيعى لاخر وده فى رأى شيىءجيد جدا
وبصراحه يجماعة نبقى بنظلم التوكيل لو احنا قرناه بتيوتا او مرسيدس بس على اللادا هو جيد جدا
انا من خلال التعامل شايف انه جيد ومافيش محسوبيه في التعامل ودي كفايه
تقريبا نسبة الاصلاح للعيوب اللي بتقول للمهندس عليها بتتصلح بنسبة 90%
-يجب افتتاح مراكز اخري لتخفيف الضغط علي مركز العباسية لان عدد المترددين عليه فعلا وصل لعدد كبير مما يؤدي لفترة انتظار اطول من اللازم
-اسعار قطع الغيار والمصنعيات هناك الي حد ما مقبوله جدا وغير مغالا فيها بالمره
هو التوكيل تقريبا كويس بس بيبقى عندهم مشكلة في العربيات الادا2110 بيتاخرو اوي وموش مظبوط الشغل بتاعهم فيها بخلاف 2107
بس هو جيد من ناحية الخدمة والسعر وده التوكيل اللي في العباسية
انا التوكيل تعاملت معاه بس فى العربية الصيني لانه هو برضوة التوكيل بتاعها و شايف انه جيد و حتى صحابي اللى عندهم نفس عربيتي برضوة شكروا فيه و هو فعلا بياخذوا العربية عندهم و منعرفش ندخل لها
ايوة هم في الصيني byd محترمين علشان موش الكمية زي الادا والعربية اول ما تيجي بتخش موش زينا او بالذات اصحاب الادا 2110 نستنى من 7 الصبح ونخش 9 ونطلع اربعة فيا عني كل واحد حسب نوع العربية بتاعت بس التوكيل رخم ازاي ما اخشش اشوف العربية بحصل فيها ايه وان اش ضمني انهم بغيروا الحاجات بحاجات جديدة واولا نفرود يدك قطع الغيار القديمة زي ما بتعمل صح ولا لا طه انا زهقت كنت كل ماروح اغير فرامل اقلتلي يبقى حط التيل القديمة في العربية طلعلي العربية وما حطهوش اقلتلوا فين التيل دخل يجيبوا وحاسس انه مضرر
انت بتلاقى اصحاب ال2110 كتير فى التوكيل
انا معايا لادا كالينا وبروح التوكيل الى فى ميدان الجيش الى بعد العباسية وكل اما اروحبمشكلة بسيطة ارجع باكبر منها:dots:
و الله أنا تجربتي مع توكيل اللادا كانت سيئة إلي أقصي حد ممكن تتخيله
أنا قدمت شكوي لجهاز حماية المستهلك لعدم جدية التوكيل في توفير قطع غيار و صيانة اللادا 2110 ، و شكوي ثانية لشعبة السيارات بالغرفة التجارية لكثرة عيوب التصنيع في اللادا المحلي 2110 و اعتبارها اساءة لصناعة السيارات
اه على فكرة في مشكلة كبيرة اوووووووووي في التوكيل ولازم كلنا تحد فيها
انت لما بتروح تشتري قطع غياااااار بتشتريها بالسعر بتعها ولا لا
لا طبعا لازم يدفعوك مصنعية ويقولك ده النظام اولا قطع غيار 2110 غير متوفرة بره بسهولة
ياعني انا اخر مرة رحت وشتمت وكنت هاعمل مشكلة كبيرة
زي ما اغلبكم عارفين ان انا كنت عايز ماصورة المية اللي بركب فيها الثرومستات بتاع المروحة اللي في الادا 2110
طبعا ماعرفش اروح بالعربية المهم رحت مع واحد صاحبي بعربيته
الراجل قلي مصنعية قلت موش مشكلة 5 ولا 10 جنيه موش ها تفرق
المه رحت لاقيته جايبلي الماصورة وهي تقريبا ماصور بلاستك طولها لا يزيد\ عن 40 سم ولا يقل عن 20 سم لاقته بيقولي 60 جنيه وثومستات ب30 جنيه بلاضافة الى مصنعية 40 جنيه بالاضافة ال 10 جنيه ضريبة وطبعا انا معترض على 40 جنيه مصنعية يقلي ده النظام وقطع الغيار ما تطلعش غير كده ولو موش عاجبك انا قلتلك او داخل العربية اقلتلو العربية موش بتمشي 2 متر على بعضها اجيبها ازاي اقلي ما لقيش دعوة المهم علشان ما اطولش لازم كلنا نتصل بجمعية حماية المستهلك ونوضحلهم الكلام ده كله ايوة وعلى العموم انا اول ما هانزل مصر هاكلمه على اللي حصل معايا وممكن نروح في الخباثة ونشتري قطع غيار ونوريهم العين الحمرة
وخلوها على الله \
المهم ما حدش يروح التوكيل ده خالص الا في الضرورة يا عني احنا نحاول كل واحد بيشتري قطع غيار يقول ايه المتوفر في المحل ده وايه الي موش متوفر
التوكيل سيئ اوي من خلال كلام الناس كلها ,ممكن تراسلم موقع الشركة في روسيا وتقولو لهم المشاكل اللي بتواجهكم؟,بلغو جمعية حماية المستهلك ,طول ما توكيل لادا مع شركة الامل ,الموديلات الجديدة مش حتنتشر
دة موقع الشركةالام في روسيا
http://www.lada-auto.ru/
ايوة احنا لازم نكلم جمعية حماية المستهلك اولا لتوفير قطع الغيار بره
ثانيا توفير ان احنا نشوف العربيةى وهي بتتعملها صيانة
ثالثا توفير الموديلات الحديثة
بصراحة هما فى اعمال الميكانيكا شاطرين بس في السمكره !!!! تصدقوا وديت السيارة بتاعتي عندهم عشان يغيرو باب ويدهنوه قاعدة شهر ولما رحت اشوف العربية ولاقيتهاش ولما سألت عليها قالولى انهم بعتوها اسكندرية عشان تدهن عشان عندهم ضغط وفضلت اسبوع كل ما اروح يقولوى بكره ومرجعوهاش غير لما تدخل م / عمرو ابن صاحب الشركة اللى اتصل بفرعهم باسكندرية وطلب منهم رجوع العربية غير كده مش عارف كان ممكن تقعد عندهم قد ايه
نسبه أصلاح الاعطال جيد
الوقت المستغرق في الاصلاح جيد
أسعار الاصلاح و المصنعيات جيد
مفيش محسوبيات كله بالدور
مفيش تعامل مباشر مع الصنايعي
التوكيل عموما كويس جدا
بس
زحمهههههههههههههههههههههه ههه جدااااااااااااااااااااااا اااااااااااااااااااااا حاجه رهيبه
لازم يكسرو الاحتكار لمركز واحد انا بتخنق من الانتظار ساعات وساعات علشان العربيه تدخل المركز
حاجه تقرف بصراحه
بس انا بضطر استحمل علشان بكره الصنايعيه كره العمي ( كل واحد حاطط علي وشه شويه شحم وعلي هدومه جاز ويعمل فيها دكتور وهوا حماررررررررررررررررر كبير )
يا جماعة حيرتونا
انا عربيتي جديدة و مش عارف بعد كلامكم ده اروح التوكيل ولا اروح لأي صنايعي كده و السلام
توكيل سيى للغايه
انا كان معايا لادا 2107 مصرى موديل 2006 اولا تقفيل زى الزفت باب التابلوه بيفتح لوحده طب فى مطب ولا عين القطه وقلتلهم فى التوكيل يصلحه وقالولى ده عيب من التابلوه ولا زم يتغير واحنا مش بنغير تابلوهات لو عايز اشتريه ب2000 اما الطابور العظيم انا كنت بروح الساعه 7 العربيه يدخل باب الصيانه الساعه 9 بيبقى قدامى على الاقل 20 عربيه اما الى ورايا طبووووووووووور طويل سعات كان بيقفل الشارع وبيركبو قطع غيار ساعات مستعمله لو مافيش عندهم فى المخرن الكلام ده كلام واحد شغال هناك
يا جماعة توكيل الامل بصراحة سئ سئ مع تجربتى فى اللادا كالينا والعربية كمان عملت مشكلة جديدة العربية حاليا عاملة 18 الف ومعظم الوقت مبحركهاش لاحظت نقص ملحوظ فى المياة رحت للراجل كشف عليها لاقاها ترمبة المية ب500 جنية بصراحة عربية سيئة وتوكيل اسوأ:huh:
مشكلة أربة مياه الردياتير حصلت معايا من 7شهور في لادا 2110 و التوكيل قال لازم تتغير لكن لا يوجد قطع غيار و لا يمكن توفيقها بأخري و بعد مشقة شهرين اشتريت أربة من مستورد قطع غيار أسمه محمد منير مكانه فلمنج اسكندرية الاربة طبعا غير أصلية لكنها تعمل. المهم التوكيل الزفد حتي الآن لم يوفر قطعة الغيار.
التوكيل سيئ جدا من ناحية العماله و الفنيين
وقت الانتظار طويل و متعرفش ايه اللى تم و ممكن و ده حصلى اكتر من مره ان العيب متمش اصلاحه و لو اعرف ان قطع الغيار متوفره بره و فيه حد بيفهم فى الانجكشن
انا مش حعتب التوكيل ده تانى
فى اى توكيل محترم بيديلك قطع اللى اتغيرت هنا لا لازم تصدق غصب عنك انهم عملوا المطلوب و تدفع و انت ساكت
المهم انا شايف انه توكيل سيئ و فاشل كمان
بصراحة توكيل العباسية سئ و انا كتبت سئ علي الاساس ده لان انا اتخبطت في نفوخي و رحت اعمل سمكرة و دوكو اخدوا العربية و خلوها عندهم يجي 15 يوم أو أكتر وراحوا عاملين البوية دون مراعاة لفروق الالوان بين اللون الاصلي و اللون المحطوط مع انه فرن و لقيت جزء من جلدة الشنطة مقطوع معرفش عملوا بيه ايه و واضح اني العربية اتركنت كتير من غير ما حد يبص لها لاني لما جيت اطلع بيها كانت بتقطع و تبطل من الركنة و كويس انهم مخرجوش بيها مشاوير و لا حاجة و لقيتهم بيعملوا الصنفرة و المعجون برة في الشارع اللي ورا المركز و حاجات غريبة اللي كان فيها شوية راحة هي الاستراحة بس.
ممكن عنوان توكيل لادا فى القاهرة وفى تصليح للادا 2105 هناك
من شارع نادى المياة متفرع من شارع أحمد سعيد. أمام شركة تاكى اللى فى أحمد سعيد هتلاقى مدخل شارع نادى المياة. لا أعرف تحديداً موضوع ال 2105 و لكن أغلب الظن ممكن. تقييمى الشخصى للتوكيل أنة معقول إلى حد ما و لكن يظل أقل جداً جداً جداً من أى توكيل أخر.
التوكيل سيء جدا جدا جدا
انا معايا 2110 روسى وعامله حوالى 19500 كيلو ولحد دلوقتى عامل كل الصيانه فى التوكيل
بس فعلا زحمه جدا جدا
انا بروح الساعة سبعه الصبح وبلاقى انى مش اول واحد وكمان بياخدوا وقت طويل جدا والمعامله زى الزفت كانى رايح اشحت مش صاحب عربيه وجاى اعمل صيانه
ولما رحت قبل كده فى مشكله فى الحراره غيروا الثرموستات معا انى كنت قايل ان المشكله مش فيه بس برضه ملهمش دعوه ورجعت المشكله تانى يوم ورحت تانى علشان يتصلح (وفعلا طلعت فى سلك كان متفحم)
المشكله الكبيره ان مفيش مهندس بيتكلم معاك او حد بيفهمك اى حاجه كلهم شوية صنايعيه وقطع الغيار اللى بيشيلوها مبيرجعوهاش (ودا طبعا يخليك مش متاكد ان كانوا غيروها ولا لا)
بصراحه انا نفسى مروحش تانى بس الميزه الوحيده فى التوكيل ان لو المشكله رجعت تانى علطول بترج تانى والمفروض يصلحوهالك ببلاش (طبعا المفروض دى لانها لو حاجه جامده اكيد مش هيرضوا الا بخناقه)
الاسكندرية الناس كلها محترمة 10/10 وبيخلصوا كل الشغل في وقت قياسي انا عربيتي 2107 2009 و سبق اني اتعاملت معاهم لعربية صديق ليا 2007 احترام و شغل نظيف الصراحة
التوكيل تعبان 100%
لو كان هناك مصدقية في التعامل كان يسمح للعملاء بمشاهدة ما يحدث في سيارتة حتى ولو من وراء الزجاج في الدور العلوي كما تفعل التوكيلات المحترمة بحقك مشاحدة مايحدث لسارتك
بس طبعا زي ما انتو عرفين مفيش حاجة بتتعمل نهائي في العربيات فمنعين حد يشوف او يبص علي عربيتة ودة مش كلامي لوحدي روح التوكيل واسال العملاء وانت تعرف
تجربتي بعد شراء السيارة وقبل صيانة ال1000 كانت السيارة زي الفل تحفة حقيقي وبعد صيانة ال1000
اولا حدث قفلة كهرباء شيعت لي التسجيل
ثانيا سمعت صوت دبدبة رهيب في المطبات رجعت تاني التوكيل والمهندس مصمم انها تهيئات ومفيش صوت وهي كدة ذهبت لعفشجي تخصل لادا قالي المفاجئة ان بيض الفبريكة تم تغيرة وهو دة سبب الصوت مصدقتش طبعا لكن بعد ما غيرت البيض المضروب في التوكيل ببيض جديد رجعت العربية زي قبل الصيانة
احكموا انتم على هذا التوكيل الفاشل
السلام عليكم ورحمة الله وبركاته
كإضافة للموضوع يمكن تكون ذات علاقة بشكل غير مباشر برجاء مراجعة الموضوع التالي
http://www.nilemotors.net/Nile/155964-a.html
معتقدش ان لو معايا لادا هروح للتوكيل...العربيه مفهاش الكترونيات ولا سوفت وير محتاج يتظبط ...كل حاجه فيها معتمده علي الميكانيكا اولا و اخيرا...يعني انت يلزمك لتصليح العربيه ميكانيكي شاطر و عفشجي و كهربائي و اهم حاجه تكون بتتعامل معاه من زمان و يكون امين...لزمتو ايه التوكيل و قرفو و القرطسه اللي بتحصل للواحد في التوكيلات عمومااقتباس:
التوكيل تعبان 100%
ثانيا سمعت صوت دبدبة رهيب في المطبات رجعت تاني التوكيل والمهندس مصمم انها تهيئات ومفيش صوت وهي كدة ذهبت لعفشجي تخصل لادا قالي المفاجئة ان بيض الفبريكة تم تغيرة وهو دة سبب الصوت مصدقتش طبعا لكن بعد ما غيرت البيض المضروب في التوكيل ببيض جديد رجعت العربية زي قبل الصيانة
احكموا انتم على هذا التوكيل الفاشل
انا رحت بالعربيه بتاعتى لادا 1600 مع انى هى مفهاش حاجه بس قولت اطمن وشوف رايهم فيها ايه لقتهم قطعوا العربيه حسسونى انى مش راكب عربيه اصلا قوللى انى العفشه بالكامل عايزه تتغير معنى كده انا كانت ماشى على ارز بالبن والاكتر من كده يبقى المكاينكى اللى بتعامل معاه مش بيفهم حاجه بقى بس واحد من جوه المركز قالى متغيرش اى حاجه غير علبه دريكسيون وماستر الدبرياج فقــــــــــــط باقى العربيه زى الفل
نفسى اسمع رايكم ؟؟؟؟؟؟؟؟؟؟
والله والله هذا حصل
وكيل لادا فى اسكندرية زى الزفت آسف يعنى
ومعامه مش حلوة
وبيغيروا الحاجه بالعافيه ...
اصلا شركه الامل كل اهتمامها بتجميع العربيه و بيعها و راضيين بالمكسب اللي جاي من البيع مقابل تحملهم التجميع و النقل و استيراد اجزاء السيارة و المواويل دي كلها...هو مش عاوز يقرف نفسو بخدمات ما بعد البيع لعربيه اتوقف تصنيعها اساسا لانها عفي عليها الزمن.... ما عدا هنا في مصر عليها الطلب:36_1_31:....لان لو فتح باب لخدمات ما بعد البيع و الصيانه مش هيخلص و هما عارفين كدا كويس....لان العربيه بتخرج من المصنع اساسا فيها بعض العيوب.... ابسط حاجه عيوب الدهان و دا شيء انا شوفتو بعيني في المصنع لما كتب بتدرب هناك....يعني اما بيجو يعالجو بعض العيوب بعد خروج السياره من الدهان بيشيلو طبقه الدهان+ البرايمير و بعد كدا يرشو من جديد برايمر و دهان مكان العيب ودا كلام ورش دوكو مش شغل مصنع محترم...انا مش متحامل علي العربيه بس مينفعش انك بتشتري في 2010 عربيه بتتصنع بقالها 40 سنه و اكتر و ترجع تشتكي ان في عيوب كذا و كذا ..طب ما دا طبيعي و وارد.. و تقبل تحياتي:satelite:
معاك حق حتة الجودة ديه مش عندهم خاااااااالص
وبعدين يستهون بمشكلتك
والعربيه كلها عيوب .. يعنى غير الدهان .. انا اشتريت العربيه وغيرت اسطوانه وديسك اربع مرات فى سنتين
وطلع فى النهاية ان ترس الفولام معيوب بيبوظ الاسطوانه غيرته بره وحطيت واحد استعمال والحمد لله زى الفل
ده غير مثلا تلاقى الشماسه مش بتفتح .. الفرش تقفيله من جوه أى كلام تحس انه تقفيل ورشه مش مصنع
تحس زى ما يكون حد ركب العربيه قبلك ...
طلبت العربيه بالتكييف .. وجات بعدها بيومين ... مواسير التكييف حتت معزوله وحتت لأ .. والعازل مقطع ومش متساوى
وحاجه قرف بصراحه وغيرها وغيرها من العيوب
فعلا هو مصنع اللادا عباره عن ورشه و المهندسين اللي في المصنع نفسهم اللي بيقولو كدا...خط الانتاج قدييم جدا خصوصا اللحاماقتباس:
. الفرش تقفيله من جوه أى كلام تحس انه تقفيل ورشه مش مصنع
2107 2009 روحت للتوكيل 3 مرات للآن العربية معايا من 6 اشهر ...... الاسكندرية الطريق الصحراوي ...... ناس في منتهى الاحترام و نظام محترم جدا جدا و وتعامل باحترافية....عربيتي كان فيها مشكله ان الفيلتر كان محتاج يتغير بسبب عيب فني فيه و غيروه ووروني القديم و قالو ده على حساب التوكيل علشان انا لسه في فترة الضمان ...ماتوقعتش ان العملية بالامانة دي.....و كان عندي مشكلة صغيرة برضه .. انا عملت زجاج كهرباء امامي ... الكاوتش الي بيقفل عالقزاز مابقاش بالاحكام الاصلي.....غيروه و دفعوني 5 جنيه بس !!!!!!!!! و اكيد حطو جزء بسيط في خانة المصنعيه بتاعت العمالة في آخر الفاتورة ........بس حقيقي الناس دي فاهمة شغلها 10/10 و انصح اي حد فالاسكندرية انه ما يكبرش دماغه من التوكيل بسبب السمعة السيئة في القاهرة