المشاركة الأصلية كتبت بواسطة ahmedbatoos
أي قوة مفرطة استاذي الكريم . .
للأسف ما يسمون نفسهم بلسياسين في مصر سواء لهم احزاب او لا . . لا يعلمون اي شئ عن ابجاديات الحكم دوليا قبل ان يتمنوا ان تكون مصر مثل الغرب مثلا ّ!!
الناس دية فاكرة ان اي حد في الغرب يطلع مظاهرة بأي حاجة ويعمل الي عايزة والعملية جميلة !!
مظاهرات انجلترا بتاعت الاحزاب الاشتراكية الفترة الي فاتت وكمية الاصابات وتدمير الممتلكات الي حصل فيها
لسة فرنسا اليوم اعتقلت 58 متظاهر ضد تنفيذ قرار حظر النقاب . .
والمانيا من شهور اصابة 300 متظاهرة في يوم واحد في مظاهرة في احدي البلدات ضد انشاء محطة مترو في منطقة غابات علي ما افتكر
محدش شاف تعامل الشرطة في امريكا ولا اوربا !!! تلت تربع الي بيتكلموا دول مطلعوش برة محافظتهم اساسا والي راح اوربا ولا امريكا عارف معني كلمة الأمن والامان في مصر . . وعارف هناك الشرطة بتتعامل ازاي في حالات التجاوز !! دة انت في انجلترا لو واقف بليل وبتتصور في الشارع وماشي مع صحبتك بتلاقي عربية الشرطة طلعالك علي الرصيف !!! ومعلي النور علي الاخر ولا كئنة هيدوسك عشان يتأكد انك مبتعملش حاجة
ولا مين يقدر يمشي في الغرب يوم السبت بليل وسط شعب تلت تربعة سكران وعمال يهبل في الشوارع !!
ولا حتي سمعوا عن عنف الشرطة في دولة زي امريكا لما سجن حصل فية اضطراب رغم ان مهربش ولا واحد الا الشرطة قتلت 28 واحد علي ما افتكر !! وهو دة نتيجة للعنف بتاع المساجين
ازاي ناس تطلع تتظاهر وتريد اسقاط اخر مؤسسة قائمة في مصر !! في ناس عايزة مصر عراق اخري
وازاي ظباط ان صح الكلام انهم ظباط يطلعوا ويقلك احنا عايزين نشيل المشير . . انا لو بأيدي الحكم دول في السجن العسكري وبدون محاكمة !! قاعدين في شقة احنا بنتخانق لما في ظروف ووقت زي دة يطلع شوية ظباط الله اعلم ظباط ولا لا ولا اية وراهم وطالعين يشتموا وعايزين يشيلوا المشير والمجلس العسكري !!! عندهم طلبات ما يقدموها بشكل داخلي في وحداتهم ويعلنوا فقط انهم قدموا طلبات بدون حتي ما يلعنوا نوعها !!
المنطقة الشمالية في اسكندرية . . انهاردة شوية متظاهرين ماسكين طوب ويحدفوا المنطقة الشمالية ودية وحدة اتصلات وادارية !! تابعة للجيش وملهاش دعوة حتي بلسياسة
اية المهزلة الي بتحصل دية !!
كل يوم بيظهر مين هما راكبي الامواج وراكبي ارادة الشعب !! مية ائتلاف وحزب وكل واحد بيدعي متحدث باسم الثورة والثوار والمصرين !! واغلب الائتلفات والاحزاب دية ثبت ان ملهاش اي وجود يذكر سوي في الاعلام الفاسد بتاعنا . . مش اكتر من كدة . . المفروض كل الاحزاب والائتلافات دية قبل الحزب الوطني يتم تجميدها سنة علي الاقل سنة يتم فيها اعادة هيكلتها لتواكب الشعب وتكون نابعة من الشعب وارادتة واهدافة عشان تقدر تمثل رأي الشعب . . . ويقلك نطالب مبحاكمة مبارك واعوانة !! امل الاقامة الجبرية والتحقيق والي مسجونين فعليا دول كلهم اية !!! ثورجية مثلا الوزرا وحبيب العدل و قادة الحزب الوطني والتحقيق مع عيال مبارك واتهامات لعيلتة كلها ومنع الاف الالاف من السفر احترازيا . . دة كلة ضد مين ضد الثورجية مثلا ولا ضد الرئيس واعوانة !!
العملية مش كدة ابدا . . لو مبارك ذات نفسة اتعدم . . هتطلع اشاعات وتشكيك ومشاكل وصنع مشاكل لتدمير اي محاولة استقرار او توحيد صفوف المصرين . . زي بظبط حملة علي التيار الاسلامي بكل الطرق الحقيرة الاسابيع الي فاتت . . و الوقيعة بين التيار الاسلامي والمسيحين ولما فشلت شلة الحقراء المتحدون ذهبوا للايقاع بين المسلمين وبعضها . . واخيرا الجيش والشعب . . .
وكلام سخيف زي الشعب يشيل ويعمل ويخلي !!! دة علي اساس ان مصر عدد سكنها 6 !! هنشيل المجلس العسكري ونحط مصر كلها تحكم !! ونعادي ونهدم اخر مؤسسة قائمة في مصر
ويقلك هنحط مجلس مدني !! ودة مين الي هيحطة هيحطوة الاحزاب ولا الائتلافات الي 90% ملهاش اي علاقة بلشارع ولا فكرها ولا اهدافها ولا مطالبها نفس مطالب الغالبية الساحقة من الشعب المصري !!!
وكلة عارف اللجنة دية جاية منين هي هي اللجنة الي بتحاول تركب الشعب كلة من اول ايام الثورة من اول ما قالوا نعم مجلس حكام لحد حوار وطني لحد لجنة وفاق !! واخيرا عايزين يشكلوا مجلس حكم !! مع ان اغلب هؤلاء فاسدين وعلي علاقة سيئة بلنظام السابق
لكن للأسف يمتلكون الأعلام
انا بتمني الجيش . . يحكم مصر مثل اي نظام قائم في العالم وبشكل اقوي من ذلك بكثير مثل اي دولة مستقرة . . مصر بتنهار ودول قاعدين في مية اللفت وكل يوم يدوروا ازاي يهدموا مصر اكتر !!
وصحينا اخيرا علي معاداة ومحاربة وتقسيم اخر مؤسسة في مصر وهو الجيش !!
في ظبااااااااااااط كتير في الجيش ومن سنين مش عاجبها طنطاوي . . . لكن كلهم ولأنهم شرفاء قالوا مش وقتة ابدا حفاظا علي مصر وعد تقسيم و هدم اخر مؤسسة في مصر وتبقي مصر عراق اخري !! ودول طالعين يعملوا نفس المشكلة
!!!!
(((( انا طول عمري عارف ان مصر في اخر 10 سنين مخابرات العالم بتلعب فيها وعندها جواسيس تحت الطلب في مصر بس عمري ما تخيلت الأمر يكون بلسهولة دية !!! ))))
انا بتمني من اي مصري نيتة لمصر فقط . . نفس ما انا كنت موافق علي مظاهرة التطهير كا اسلوب ضغط ولا تنتهي باعتصام ولا يشارك بعض مما يسمون انفسهم ضباط الثورة !! وكنت كل الي عارفة ومتأكد منة ان التيار العالماني في مصر نازل مظاهرات الجمعة لهدف خاص واحد وهو ازالة الجيش واقصاء الاسلامين واقصاء اختيار نعم في الاستفتاء وتكوين مجلس رئاسي . .. لكن عمري ما اتخيل انها توصل للشكل دة
الكلمة الاخيرة . . محدش يعرف دلوقتي مين صح ومين غلط ومين عميل ومين شريف ومين بيعمل لمصر ومين لة مصلحة خاصة . . . ومصر في ظرف خطير جدا يا هنبقي دولة متقدمة يا هنبقي عراق اخري . . . . فقبل اي خطوة او اختيار او كلمة كل واحد لازم يراجع نفسة مليون مرة