أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
عرض للطباعة
أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
للاسف انا قولت سئ
للاسف انا قولت سئ
ليه هو سى
سئ جدا لان انا لما رحت التوكيل علشان مشكلة المساعد اليمين والتخبيط الي في العفشة وهيا طبعا في فترة الضمان قالي المشكلة دي هاتتحل علي حسابي طبعا لان المساعد لا يشمل الضمان وانا مبلغ التوكيل علي المشكلة دي من يوم ماجتها وفي الاخر عملتة علي حسابي والمساعد الي انا جبتة برضة فية نفس المشكلة والصوت لسة موجود يعني جدمة سيئة قطع غيار سيئة برضة اسف علي الازعاج
بس دي حاجة تحرق الدم
طب يا جماعة لو فيه مشكلة متكررة عند الناس ليه منرحش جماعة ............... يعني لو واحد رايح يتكلم ممكن يمرهموه لكن لو خمسة ستة ما اظنش !؟!؟! يا ريت نحدد المشاكل الشائعة في الافيو و نحدد يوم نروح لفرع واحد و نتكلم معاهم ...........؟؟؟
كلام مظبوك جدا يا موحا دا ممكن يكون احد اهم الاهداف الي ممكن نتكلم فيها وناقشها مشاكل الفيو والكترة عزوة معاهم بالذات
انا عضو جديد وياريت اكون معاكوا فرع طريق اسكندرية سيئ سيئ سيئ
والمشكلة اللي مش عارفين يحلوها هي ارتفاع عدد لفات الموتور عند الضغط على الدبرياج او المور
انا رحت اوتوماستر فى الخى السادس ممتاز جدا و رايق
للاسف مثل اي شيء في مصر مجرد ديكور فاترينه اما من الداخل فحدث ولا حرج .. جفاف في المعامله دائما من اول الباب مرورا بالصيانه مع بعض الاخوه الذين ينتهجون الجليطه كمبدأ عام للتعامل معنا نحن الاوغاد الذين وجدوا 70000 الف جنيه وطالع او سرقوهم واشتروا العربيات الافيو والاوبترا .....شيء سمج و حسبي الله ونعم الوكيل
ناهيك عن قلة الذمه والتماحيك لاجل البقشيش مفيش مانع بس يعني؟......
انا تقييمي للتوكيل عيب عليكم كده دانتو منصور والاجر على الله عيب كده
10 % ضريبة مبيعات ها هأ هأ هأ
5,85 جنيه مستلزمات ورشة ميكانيكا اي والله العظيم (لدي الفاتوره لاني كنت هناك من ساعتين في اسكندريه عالصحراوي بتاريخ 5 يوليو 2008
غير كده الباقي معقول بس مفيش مكان نضيف للجلوس
د محمد
التوكيل اللى فى طريق اسكندرية الصحراوى أسوأ توكبل وسىء جدا
بصراحة يا جماعة التوكيل اللي في طريق مصر اسكندرية الصحراوي زي الزفت أولا مافيش مكان محترم وكبير الناس تقعد فيه لحد مايخلصوا العربية وكراسي مقرفة ومافيش كافتيريا ولمبة واحدة المنورة الأودة وتليفزيون من سنة 70 عامل دوشة وخلاص وبعدين ازاي يعني الحتة الصغيرة دي يقعد فيها صحاب الشيفروليه والاوبل والنصف نقل ؟؟؟؟؟؟؟؟؟؟؟؟؟
ده غير ان كل حاجة غالية جدا على ايه مش فاهم ولوعندك حاجة ضروري ورحت من غير ميعاد تبهدل اخر بهدلة ولما تيجي تدفع الفلوس تقف في حتة نصف في نصف متر واقف فيها 40 نفر
وكمان المرة الوحيدة اللي رحت فيها علشان اغير تيل الفرامل وهما بيفكوا مسامير الجنط اللي العربية نزلة بيه (أوبترا 2005 أول دفعة) كسروا المسمار وقالولي خلي العربية لبكرة علشان نجيب خراط يفكها وبعد ما خرجت من مركز الخدمة اللي مافيهوش خدمة اكتشفت انهم مادونيش دفتر الصيانة ومحدش فكر يكلمني يفكرني بيه.
ولذلك هو سئ جدا جدا جداً وانا لو معايا فلوس اوبل فيكترا برضه مش حاشتريها علشان ماروحلهمش
حسبى الله ونعم الوكيل
حسبى الله ونعم الوكيل فيمن هو معتمد وليس بمعتمد
امس
المركز الرئيسى زى الزفت وطالما الرئيسى زى الزفت اكيد اللى مش رئيسى يكون اسواء من الزفت
امس ذهبت لااصلاح عربيتى صيانه 15000 بالاضافه لاستعدال الدركسيون لانه من المره اللى فاتت فى صيانه 10000 كنت باشتكى من حدفه يمين المهم عملوها وخرجت من المركز الساعه 3 ونصف ولانى كنت ارفان والطريق امام الورشه المعتمده بالهرم لا يمكن انك تحدد العربيه بتحدف ولا لا المهم اكتشفت انه العامل الفز اللى ظبط الحدفه اليمين خلى الدركسيون معووج
المهم فى صيانه 15000 قولت ليهم على المشكلهاول مره زبط الدركسيون وخلى العربيه تحدف يمين رجعت تانى ضبط الحدفه وخلى الدركسيون معووج يمين رجعت تالت المره دى خلى الدركسيون معووج شمال فالمهندس الفز برضه زى الفنى الفز قاللى لى لازم يكون الدركسيون حادف شويه لان الفتيس ومش عارف ايه "كلام فى العبيط" ---- انا من ارفى مشيت من الورشه وانا باغلى
وحسبى الله ونعم الوكيل
if you will go to the Haram location ask for Eng Sherif or Eng Bassem (he is the Service Manager) they are really good and they will take care of you!
Also if you have a problem with any Mansour service center....please call 16424 Mansour hotline and put a formal complaint.....complaining here on NM will not improve the place!
انا رأيي يا جماعة اننا نفصل بين حاجتين ....
1 - منصور ك مراكز خدمة .... عادية جدا زي اي مركز خدمة وبه سلبيات كتير .... من الأخر صنايعية بيشتغلو زيهم زي اي صنايعية بره .... والاهمال اللي في مصر عامة موجود عندهم طبعا ولو ما وقفتش علي ايدهم مش ح يعملو شغلهم كما ينبغي
2 - لكن منصور كضمان .... اعتقد انهم محترمين من جهة تغيير التوالف واصلاح الاعطال في الضمان ... يعني مش بيتنصلوا من المسئولية عشان ما يتحملوش تكلفة الاجزاء او القطع التالفة ... حتي لو كانت قطع غالية زي الموضوع بتاع علبة الدركسيون مثلا .... وده مش موجود في كتييير من الوكلاء لماركات شهيرة للأسف
.....
كدة نبقي قولنا اللي له واللي عليه
يعنى اوتو ماستر الى فى شارع الطيران احسن من الفرع الرئيسى بتاع الهرم
there is no automaster at tayran....there is the mansour service center in Mobil station.....
and haram is better than tayaran....as it is the HQ....of the service center....
طب انا عندى فكره كل واحد بيشتكى من مركز خدمه راحلو والعربيه بتصلحتش او المعامله وحشه ................................... الى اخره
يدخل على الرابطه دى ويكتب شكوه و الربطه دى بتاعت الشكاوى والاستفسارات لشركه منصور ولمى تكتر الشكاوى يمكن يعملو حاجه
http://www.almansour.com.eg/ContactUsar/default.aspx
طب العوض ؟؟؟؟؟؟؟؟؟؟؟
محدش جاب سيرته يعنى!!!!!!!!!!!!!!!!!
السلام عليكم
ده اول تواجد لى فى المنتدى
ويا رب اكون ضيف خفيف
انا لى استفسار عن مركز خدمه شفروليه اللى فى طريق مصر الاسماعيليه (هاشم باص)
دى اول صيانه هعملها ان شاء الله بنفسى 15000 لأن السياره مش متواجده معايا باستمرار لظروف شغلى وكانت دائما مع اخى و كان بيعمل الصيانه فى الهرم
يا ريت لو حد عنده اى معلومه عن مركز هاشم باص او اوتوماستر اللى فى الحى السادس لأنهم اقرب فروع خدمه لى
وشكرا لكم جميعا
اوتوماستر الصيانة بالشوكة والسكينة يدفعك اللى وراك واللى قدامك وتخرج بالعيب زى مادخلت بيه تمام وزيادة بس اكيد حيغيرلك تيل وطنابير على حسابك فوق البيعة واسالوا مجرب
طيب ايه رايكم فى ابوغالى العبور
توكيل سىء جدا وسيارة سيئة للغاية وربنا يعوض علينا حسبى الله ونعم الوكيل فيك يامنصور
من اسوا التوكيلات في مصر من جميع النواحي
توكيل سيء للغاية و عن تجربة :(
غبور مثلا افضل منة 10000000 مرة و عن تجربة ايضا..
انا معى هيوندا وكنت بفكر اجيب شيفورليه بس اللى قريته عن مركز الصيانة بالمقارنه بغبور يبقا غبور دازى مابيقول المثل معاملة امريكى مشكلته الوحيده اللى حصلت معى او بتتكرر كل مرة هى تاخير معاد الاستلام حاولى نص ساعة او اكترشويةاماالشغل بصراحة محصلش اى حاجة زى الكلام اللى الناس بتقوله على توكيل شيفورليه كده بدات اقلق وغير كدة فى مندوب من غبور موجود على الموقع لو فى مشكلة او سؤ تفاهم بيرد على الناس وبيحاول يحل المشكلةودى لوحدها كفاية اوى والاستاذ(Hosam_Optrawy) هو الوحيداللى بيشكر توكيل شيفورليه
دةتوكيل زبالة انا رحت علشان اقولهم على صوت فى المساعد اليمين قالولى مفهاش حاجة واستقبال زفت بجد حاجة زبالة
انا كرهت الافيو دى
انا كنت بحبها بس هما ناس وتوكيل زبالة
والله يا استاذ انا مش بشكر بجامل
انا بقول رأيى بصراحه
انا كنت بروح لغبور مرتين وتلاته واضيع اليوم بحاله هناك وفى الاخر العيب هو هو مبيصلحهوش
جايز انا بشكر عشان لسه مجربتش اتعامل معاه فى حل مشكله مثلا او حاجه
وكمان عشان الافيو مشاكلها كتيرمقارنة بالاوبترا
كل اللى عملته صيانة ال 5000 وكانوا الصراحه محترمين واللى بهرنى السرعه وانى مطلطعتش وقضيت اليوم بحاله عندهم زى ايام غبور
وفى نفس الوقت مكروتنيش
انا اخر مرة روحت مقار
كتبب الجدل الي حصل مع المهندس تامر بخصوص الضمان
فوجئت بعد اسبوع
بتصفير في التيل ( بعد ان تم تغيره القديم ما كنش بيصفر )
تصفير في العجل الخلفي ( ما كنتش موجودة قبل الصيانة )
العربية تحتاج إلى ظبط زوايا ( كامنت زي الفل قبل الصيانة )
مع العلم ان السيارة كانت رايحة صيانة دورية بدون مشاكل غير مشكلة التزييق و ما اتحلتش
و الله على ما اقوله شهيد
علشان في بعض الاعضاء بيفتكروا اننا بننتقد و بس
لكن دي امانة و لازم انقلها لبقية الاعضاء
علشان الي بيفكر يجيب افيو يصرف نظر عن الموضوع ده
xxxxxxxxxxxxxxxxxxxxxxxxxxxxx
لاتعليق
سيء يا جماعة عيب و الله كده لازم نحاول نوصل الكلام ده لأي حد يأدر يغير
شكرا
مفيش حد بيحل اى مشكله كأن الناس ال جايه دى من بلد تانيه واى حاجه تتحل بالفلوس معاك ضمان معاك الجن الازرق برضو هتدفع عشان مش تطلع برة الضمان وتتحرق انت والعربيه ومعامله زباله ومتشوفش اى حاجه بتتعمل فى العربيه عشان يعرفو يسرقوك كويس من غير ما تعرف حاجه وتيجى تقوله ايه ال حصل فى الصيانه مثلا يقولك احنا كشفنا على كل حاجه متقلقش بس روح ادفع الفاتورة عشان تاخد العربيه روحت اخد الفاتورة طلعت 330 بسأل الاخ ال بيقولو عليه مهندس استقبال ال خد العربيه بيقولى احنا فى صيانه العشرة الاف بنغير زيت وفلتر انت هتدفع فلوسهم والمصناعيه حسبها 170 جنيه بقوله ليه انت غيرت زيت وفلتر بس قالى اة اصل الصناعيه ثابته سواء عملت حاجه او مش عملت حاجه زباله ال بيقوله منصور ال والله ناس زباله من اول راس كبيرة لحد اصغر راس فيهم وحسبى الله ونعم الوكيل
انا لسه والحمد لله ما روحتش صيانة الخمس الاف لاني لسة شاري العربية من حوالي اسبوع لكن تعرضت لموقف رخم من معرض منصور المهندسين
أنا اشتريت اوبترا من ابو غالي المعادي والناس كانوا قمة الادب واللياقة والتزموا بميعاد التسليم وبعتوا معايا مندوب للترخيص خلصلي كل حاجة في ساعة الا ربع
ولما روحت منصور المهندسين لاستلام الضمان قابلتني بنت غريبة الشكل طلبت مني اروح اصور الرخصة والبطاقة بطريقة فيها قلة ذوق وقلة ادب بجد زي ما اكون انا شغال عندها ساعي
المهم صورتها ورجعت وهي بتسلمني الضمان والمانيوال اديتهملي وطلعت تجري قولتلها لو سمحتي ده الضمان مش مختوم وليه حضرتك مضايقة قوي كدة راحت سيباني وماشية
المهم اديت الضمان لبتاع الامن ختمه ورجعهولي
طيب انتوا لو مكاني كنتوا عاملتوا ايه في البنت قليلة الزوق دي والله انا كنت مستعجل جدا لذلك معرفتش اتصرف
كنت هزقتها وهزقت الى0000000000000000دى أسمها قله أدب أنت عميل والعميل دائما على حق حتى لو كان غلطان هما بس مشغلين عندهم شويه ناس عيشين الدور ولو كنت زعقت للج000000000000000كانت وقفت وأتكلمت وأتأسفت كمان مهو أحنا للأسف بقينا كده منخفش غير من الى صوتو عالى بلدتييييييييييييييت000000000000 000000000000000000000
بعد اذنكم استفسار
او انا لو لسه شاري العربية وطبعا هى في الضمان , هل انا لازم اروح التوكيل نفسه ولا ممكن مراكز الخدمة المعتمدة تفي بالغرض , وكاني رحت التوكيل نفسه؟؟؟