الى اصحاب العقول والذاكرة القوية

**amro1965** · 09-04-2011 11:25 PM

الى اصحاب الذاكرة القوية هل احد يتذكر الراجل اللى كان اخترق الصفوف فى بور سعيد علشان يسلم شكوى الى مبارك وامن مبارك صفاه قبل مايوصله وعلشان يدارو خيبتهم اقنعوا مبارك ان يربط ايده علشان يقولوا لينا ان الشخص ده كان يحمل سكين يريد ان يقتل مبارك وطلع علينا مبارك وقال انه كان يحمل سكينا واكثر من ذلك فبركو موضوع وجابوا وصورة والدته وهى بتدعى للمولى عز وجل وكتبوا تحت الصورة الام بتدعى على ولدها لانه كان عايز يقتل زعيم الامه 00 اللى عاوز اعرفه الحقيقة بس لان مفيش ام بتدعى على ابنها واللى يعرف حاجه عن هذه الحادثة يوضحها لنا
لان الشعب فى تلك الوقت لم يقتنع بها
رغم انه جابوا والدته واصدقاءوه طبعا انحازوا للرئيس

**nimaster** · 10-04-2011 12:00 AM

انا فاكر الحدث بس طبعا ماعرفش الحقيقه فين؟

**A.Saad** · 10-04-2011 12:01 AM

موضوع والدته معرفوش
بس عن شخص فى الرئاسة الموضوع كان محاولة اغتيال فعلا ومبارك اصيب فيها مش تمثيل
والامن اتلام لسببين
ان الراجل اقترب جدا من مبارك
انه تم قتل الراجل

**nevozaky** · 10-04-2011 12:08 AM

انا طبعا عارفة الموضوع ده زى ما كلنا عارفينه .ولسه امبارح الفنان محمد صبحى كان على on .tvبيتكلم على الراجل ده وانه كان رايح يقدم شكوى وتم قتله من قبل ما يوصل للرئيس .وقال برضو انه بسبب الراجل ده تم معاقبة بورسعيد كلها واهلها بالغاء انها منطقة حرة جمركية .والله اعلم الحقيقة فين .

**A7MED_PHARMA** · 10-04-2011 01:11 AM

عفوا يارجالة
القصة لازم تكون محبوكة....
يعني لو الراجل ده كان مخطط إنه يقتل الرئيس..هيمسك سكينة ويجري على عربيته مثلا؟؟؟؟؟
الراجل ده يمكن كان فاكر إنه لما يجري ع الرئيس(الأب الكبير الحنون العطوف القلب الكبير الرؤوف الرحيم)..الريس هياخده في حضنه ويحقق له كل مطالبه
ناس كتير ساذجة لدرجة إنها تصدق إنه ممكن يجري ع الريس(زي ماكان بيحصل ايام السادات الله يرحمه)