-
صباح الخير ياأهل رينو .. عندي مشكلة عويصة في عربيتي رينو كليو 2002 .. فيه لمبة في التابلوه بتنور فجأة بدون مقدمات .. اللمبة دي لونها اصفر .. مش عارف اسمها ايه ( هي عبارة عن فيونكتين في بعض ) لما بتنور العلامة دي .. الاقي العربية سرعتها مش بتزيد عن 30ك/س مهما دوست بنزين .. اطفي العربية ربع ساعة .. وادور الموتور تطفي العلامة دي وتمشي عادي بطبيعتها .. رحت توكيل العبور قالوا لي في الغالب الكومبيوتر بتاع العربية فيه مشكلة .. ( لاحظوا كلمة في الغالب دي ) يعني مش متأكدين ان الكومبيوتر هو السبب ، وقالي الموظف هناك احنا نظفنا بوابة مش عارف ايه .. لو ظهرت العلامة تاني هاتها .. حاسس انهم بيعملوا شغل عليا .. لان العلامة نورت برضه تاني يوم ...
رجاء من الاعضاء الكرام .. اللي عنده مشكلة زي بتاعتي يقولي عمل ايه وحلها ازاي ..
وشكرا جزيلا
-
تقييمي لتوكيل رينو سواء العامرية او سموحة ممتاز - زوق في التعامل - المكانيين فوق الممتاز في النظافة والخدمة ومشاكلي بتتحل قبل ماطلع من عندهم
-
انا بتعامل معهم فى الاقصر ( صن جير ) وهم فوق الممتاز
عماد على محمود
قنا
0171557551
-
كل عام وانتم جميعا بخير بمناسبة شهر رمضان الكريم
الى الاخوة الافاضل عندى مشكلة كود الكاسيت ميجان 2005
model no 22dc277\62
h046 security
rn 277f40615872
prod no fd0704320615872
ولكم جزيل الشكر
-
انا اشتريت رينو كليو 2002 وبعد ما اشتريتها حبيت انى اروح التوكيل اكشف عليها عشان اطمن واقرب فرع للتوكيل لى هو اللى فى العامريه بجوار مصنع البيبسى ودفعت حوالى 250 جنيه مصاريف الكشف واخدت تقرير منهم بالحاجات اللى عايزه تتغير فى العربيه . طبعا هما ناس ذوق جدا فى التعامل وبغض النظر عن اسعار قطع الغيار اللى مولعه نااااااااااااااااااااااار بس ده ما يمنعش انهم ناس محترمه فى التعامل وعملوا معايا موقف يدل انهم ناس ذوق " من فتره كنت بزود قربة مياه الريداتير وغطاء القربه وقع منى ومالقيتوش واشتريت غطاء ب 45 جنيه من محل اكسسوارات فى العجمى لما روحت التوكيل وبعد ما كشفوا على العربيه وبعد ما استلمتها ومشيت عالصحراوى فوجئت بالغطاء اللى كنت شاريه وهو طبعا " مش اصلى موجود عالتابلوه فافتكرت انهم سابوا القربه من غير غطاء فوقفت العربيه وفتحت الكبوت لقيتهم حاطين غطاء القربه الاصلى فاستغربت لانهم ماحدش قالى فى التوكيل انه غيره ولا حاسبونى عليه فاتصلت بيهم فقالولى ده طبيعى وانهم حطولى الغطاء ده من غير مقابل مش بس كده دول زودولى الزيت لانه كان ناقص
-
معايا لوجان 2011
من اول ما جيبتها وهى فيها عيب غريب
بعد فتره من تشغيلها وفى الزحمه يبدأ ال ار بى ام ينزل ويطلع
ولو مشغل التكييف تلاقى العربيه بطلت
روحت توكيل المقطم كذا مره
صيانة 5000 و صيانة 10000 ومرتين مخصوص للمشكله بتاعة التكييف وال ار بى ام
وفى الاربع مرات
معامله سيئه
استعجال
محدش بيستنى يسمع المشكله ويقولك عارف عارف وماتقلقش هانعملها
حتى لما كلمت مدير الصيانه وشرحت المشكله بالتفصيل برضه لم يهتم بالقدر الكافى والعربيه خرجت فيها نفس المشكله
بصراحه توكيل مقرف جدا
وسمعت ان العبور احسن بس بعيد جدا بالنسبالى
-
انا شايف ان توكيل رينو العامرية ممتاز كفاية بس انى بطلع بالعربية زى ماكون لسه شاريها بس المشكلة فى الاسعار بس من الاخر انت كل اللى عليك انك تروح كل 5000 كم عندهم ويدوب تسوق وتحط بنزين ولو فى اى استفسار انا تحت امركم
-
انا اتعاملت مع توكيل اسيوط للاسف سئ جدا
بحس انى الناس هناك مش فاهمين حاجه لو تقوله على مشكله يقولك هشوفهالك وبعد كده ولا يعمل اى حاجه
قولتله على السخونه اللى فى الدواسات واللى عند الكونسوله قالى ما عنديش لباد طالبين ان شاء الله
قولتلها العربيه ما بتعديش سرعه 170 والدواسه على الارض قالى مفيش طريق علشان اجرب فيه السرعه العاليه دى
اتعاملت مع توكيل اسوان ممتاز جدا
بيجى يجرب معاك العربيه ويسوقها ويشوف اللى فيها وفاهمين فيها جدا وبيعرفوا المشكله من اول مره
وبعد ما يحلها يطلع يجرب معاك العربيه تانى وبعدين يسيبك انت تجربها وهو قاعد جنبك
اختصار مش هيسيبك غير وانت راضى عن اداء العربيه
-
للأسف تقييمي سئ جدا جدا
انا بتكلم عن مركز خدمة معتمد من رينو موجود عندنا في الاقصر و اسمه صن جير
حاجة سيئة جدا و معندهمش ادني خبرة فنية تحسهم فاتحيين عشان ياخدوا فلوس من الناس و خلاص
مش عارف رينو ساكته ازاي علي حاجة زي كدا
بيعكوا عك رهيب في العربيات و بيبوظوا اكتر ما بيصينوا
يعني تروح تعمل صيانة عادية تغيير زيت و كلام بسيط تلاقيهم يدخلوك في مشاكل تانية بسبب سوء فنياتهم في التعامل مع العربية
اتمني ان رينو تعيد النظر في تقييمها للمركز دا لأنه بيأثر بالسلب علي سمعة رينو في المنطقة دي
-
توكيل رينو الأسكندرية على الصحراوى (العامرية)
توكيل كويس جدا جدا مكان الأنظارمحترم جدا وطبعا بالنسبة لأسعار قطع الغيار فى منفذ البيع بتبقى غاليه شوية اكتر من بره وده تقريبا بيبقى موجو\ فى اغلب التوكيلات
Content Relevant URLs by
vBSEO 3.6.0 PL2