روحت عملت الصيانة خارج التوكيل المرادي
المهم جينا لنقطة الفرامل
دلوقتي المفروض ان الفرامل يتعملها رجلاش صح؟
ايه المشاكل اللي تنجم عن عدم عمل رجلاش فرامل ؟!

من ناحية تانية قلتله مشوار بدال الفرامل بقا طويل عن الاول
بص على العجل قدام وبعدين فكه وقلي التيل خلصان وبياكل في الطنابير
انا طبعا مبفهمش في حكاية التيل خلصان ومش كدة بس معلوماتي بتقول ان التيل لما يخلص المفروض يطلع صوت صفارة ينبه طب دا مكانش بيصفر والفرامل كانت شغالة عادي
المهم قلتله ركب تيل
دلوقتي هو بيقلي ان الطنابير دي كمان يومين لو كنت مشيت بالتيل دا كان هيبقا فيها رايش وكانت اما هتحتاج تتمسح او تتغير
دلوقتي ايه اللي يخليها توصل للمرحلة دي وايه اعراض الكلام دا؟!
وياريت حد يوريني شكل التيل السليم والتيل الخلصان دا
وهل فيه رجلاش فرامل للعجل القدماني؟! واللا الرجلاش يقتصر على الخلفي؟!
وياريت توضيح معنى كلمة رجلاش فرامل اصلا !

واخيرا ياريت اعرف العمر الافتراضي لتيل الفرامل لني كدة غيرت تيل الفرامل الامامي على 20000 كم

وايه افضل انواع التيل؟

وايه العمر الافتراضي لتيل الفرامل الخلفي؟!
الميكانيكي قلي انت ممكن الخلفي دا يعمل معاك 100000 كم وممكن ميتغيرش كمان عشان الحمل والشغل كله على الامامي!؟

معلش صدعتكم