ايه الفرق بين ال250 العادي و الفاير في الموتور و التجميع و السرعة و الوزن و كل حاجة ؟
عرض للطباعة
ايه الفرق بين ال250 العادي و الفاير في الموتور و التجميع و السرعة و الوزن و كل حاجة ؟
http://www.nilemotors.net/Nile/159236-a.html
وبعدين العاده والفاير يختلفوا ان ال دراع ال bl بتاع الفاير اقصر من العاده علشان يدى تجميع اسرع وفى تقسيه كهرباء بردوا مختلفه عن العاده علشان تولد كهرباء عاليه والكربريتور بتاعها بكاته اوسع شوية علشان الحريق يبقى اعلى وشوية حاجات كده زى الفرامل الامامية على 2 اسطوانه والحماله الجانبية ماينفعش تعشق غيار للموتوسكل والحماله ديه نازله لازم تكون مرفوعه ........وطبعا باقى الاستفسارات هتلاقيها فى الموضوع المثبت اقراه انت بس كويس تحياتى ليك
الموضوع مافهوش اللي انا عايزه انا عايز واحد جربهم هما التنين و يقولي ايه الفرق لكن الموضوع ده كلام نظري بس
بص يا شريف 250 سواء عادة او فير بصراحة مكنة عملة زى المعزة لية
1- صغيرة الحجم
2- ضعيفة
3- مبتستحملش سفريات طويلة
4- متورها بيتعب بسرعة
5- الفرامل بتعتها ضعيفة
مميزت
1- قطع غيار متوفرة
2- رخص صطع الغيار
3- تعدد قطع الغيار
4- سهولة البيع
5- الخسارة قليلة
6- موفرة فى البنزين
نيجى بقا للمقرنة ما بين العادة والفير
بصراحة الفير حمية ودة بيرجع لعدة عوامل
1- خفيفة الوزن
2- متور صغير بس حامى
3- شكلها مقبول وانسيابى
نيجى بقا
للسحب
طبعا الفير هتطلع وبفرق كبير كمان
للقوة
الفير بردو
للشكل
الفير بردو
الفرامل
الفير فيها 2 دسك امامى العادة دسك واحد
العادة تعتبر اقل حاجة فى اليابانى
وهى فئة تعليم اصلا
فعلاً زي ما تامر قالك كل الحاجات دي و نفس القصة مابين ال 400 العادة و ال 400 الفير
بس الاختلاف هنا انالاتنين علي 2 ديسك فرامل قدام
ونقطة كمان ان العادة في ال 250 و ال 400 الجنوط بتعاتهم 3 ريشة و الفير في ال 400 و ال250 علي 5 ريشة
يا خالد براحة علي الراجل منظره لسه جديد فهمه ان الموضوع فوق و حط اللينك بتاع الموضوع و قوله افهم و اي استفسار احنا تحت امره
ايه هو الي عايز يعمل موضوع وخلاص
كل واحد جديد بيحب يفهم اوك
انت يا كريم دائما رافع من معنوياتى شكرا لكلماتك الجميلة
بص انا كان معاية الفير والعادة بص بصراحة الفير فيها ميزة وحدة فقط عن العادة وهى التجميع الاسرع نظرا لخفة الوزن لاكن الباقى يصب فى مصلحة العادة متورها حلو وجميل وصوتة حلو وبيتعبش بسهولة اعطلها معدومة الا لو وظبت على الصيانة وسعرة جميل مكنة حلوة بجد وى حد عايز مكنة حلوة يجبها بس شرط الحالة الحلوة وللاسف قليلة اوى
معلش ياباشا هى جت فيك معلش سدقنى انا اصلى مليان شوية ولما بركب 250 بلف بكرة البنزين واستناها تجرى بجد ضعيفة خالص يعنى ال400 بنزبلها غول وعملاق بس انا بتكلم على حجم المكنة 250 صغيرة اوى بحس انى جسمى كلة برة الموتسكل
انا بقى جى اقول الكلام اللى قاله كريم على تامر مضبوط جدااا تامر لازم يفتح مدرسه وبالنسبه بقى للعادى والفاير للاسف انا مبفهمش فيهم طبعا لانى لسه عايز اشترى ههههههه
شكرا ليكم جميعا
متابع
الاسعار نازله ؟؟؟؟؟؟؟؟؟؟؟؟؟؟؟؟غريبه جدا
ربنا يخليك كلك ذوق
بص هوا حسب علمى صعب الاسعار تنزل الايام دى
لسببين اولا الظروف اللى البلد فيها
ثانيا دخلة الصيف طبيعى الأسعار بتزيد مش بس المكن
كمان قطع الغيار والاكسسوارات
اما بالنسبه للسعر 250 افراج فى حدود 14 او 15
والمستعمل ومرخص فى مصر على حسب الحاله
من 11 الى 13 ممكن تزيد او تقل حسب الحاله
طبعا اللى يقولك 8 ده لازم تتاكد من الموتور مش حالل
وكمان الحاله العامه للمكنه لانها ممكن تطلب معاك مصاريف كبيره
ارجو انى اكون افدتك..
الله ينور يا شادى
مالها 250 يا تامر اه يعنى مش معزة اوى بس والله احسن مليون مرة من الصينى صح برده ولا لأ
انت شديد الملاحظة يا خالد تصور شفت صورة البايك بتاعت شادي بس مخدتش بالي من زرار المروحة ههههههههههه والفكرة ديه حلوة ودايما بعملها في اي بايك تقع تحت ايدي هههههههههه بعد ما تسخن اول على طول اقوم مشغلها D: عمر ما في بايك بتسخن لما بتفضل مشغل المروحة على طول
وفي مروحة كبيرة بتركب وليها سايت على النت للبايك الصراحة كفاااااااااااااااااااااءة عالية في التبريد كانك في الشتا المؤشر بيفضل على الربع مهما حرقت وعلى فكرة مروحت البايك الي موجوده اساسا صغيرة بالمقارنة بالي في الصورة بس اظن في التوفيقية ممكن تلاقي مراوح عربيات وتركبها على الرداتير من برا بس تظبط اتجاه دوران المروحة عشان لو ماشي بسرعة ومشغلها بتبقاش معاكسة لتيار الهوا
وديه صورتها
Motorcycle Cooling Fans
اده مروحه فى المكنه للتبريد معقوله معلومه طبعا جديده طيب ده الهوندا cbrطيب بالنسبه للستيدا بيبقى فيها مروحه تبريد بردو
وشكرا على الافاده