السلام عليكم
وحوش هيونداي في مصر
ممكن اي حد اشترى Accent RB
بحكيلنا تجربته
عرض للطباعة
السلام عليكم
وحوش هيونداي في مصر
ممكن اي حد اشترى Accent RB
بحكيلنا تجربته
الحمد لله يا شباب لسه مستلم العربية امبارح من المعادي ..ماشاء الله و لاحول و قوة الا بالله ..العربية جميلة جدا و ناعمة و الموتور قوي و صوتو واطي ..ان شاء الله بكرة هرخص و ارفع الصور و تفاصيل اكتر
مبروك ياباشا و مستنين تقرير و صور
السلام عليكم
الف مليون مبروك يا باشا
ربنا يديك من خيرها و يكفيك شرها يارب
بعد مترفع الصور ياريت تحكيلنا عن معاملة المبيعات كانت كويسه ولا ايه
و في حجز ولا إستلام فوري, و الألوان كلها موجوده ولا لا
و بالنسبه للكماليات و نوع التكيف و ال Gear box , و قعدة الكراسي مريحه ولا زي الشكل اللي فات
ومره تانيه مليون مبرك
تحياتي
الف مبروك
ربنا يديك من خيرها و يكفيك شرها
10000000000000000000000000000000000000000000000000 000000 مبروك , مستنين التقرير و ياريت تقولنا ايه الفرق اللي بينها و بين السيراتو
الف مبروك و ماتنساش التقرير :)
مستنيييين التفرير
السلام عليكم
ياسر باشا
فين التقرير و الصور ؟؟؟؟
للدرجة دي العربيه واخداك مننا
ربنا يباركلك فيها :)))))
وانا كمان مستني الصور والتقرير والف مبروك
الف مبروك ومستني الصور وتقرير عن العربية
السلام عليكم جميعا ..اسف علي التأخير ..بس كنت مشغوول جدا في الشغل ..
العربية دي انا كنت حاجزها من ايام ماكانت ب 106 و بعدين غليت بعد الثورة عشان فرق الدولار ..بقت ب 110 و الهاي لاين ب 113...
بس انا بقي كان حظي حلو ..لييه بقي ..و انا رايح ابو رواش عشان ادفع بقية الفلوس و اختار اللون ..قابلت هناك الاستاذ \ احمد فؤاد مدير المبيعات ..
الرجال قالي انت بقالك كتير حاجز ( يوم 24 يناير
جه الوقت بقي عشان تستلم ..قولت جميل ..راح قالي انت معاك فلوووس ..!!! قولتلو ليه تاني انت غليتو العربية ..ده استغلال ..قالي لأ ..انا عندي نسخة خاصة من العربية ..يعني ايه يا عم الحاج ..قالي هيواندي عشان دي اول نوع من الخطوط الجديدة تنزل مصر بعته 5 عربيات مخصوصة بكماليات اكتر ..سالته ايه الزيادة عن الهاي لاين قالي الاتي :
1- 2 اير باج(واحد بس في الهاي لاين)
2- 5 جنوط سبور 16 "(نفس شكل ال17 بتاع السيراتو)- ( طاسات في الهاي لاين)
3- تكييف ديجتال( بكر في الهاي لاين)
4- مفتاح بصمة و ستارت انجن ( مفتاح عادي بريموت في الهاي لاين)
5- سنسور بارك و كاميرا خلفية (مفيش في الهاي لاين)
6- فرش جلد (مفيش في الهاي لاين)
7- مالتي فنكشن و بلوثوث( موجود في الهاي لاين)
8- امبولايزر( مش عارف موجود في الهاي لاين !)
9- فوجات
10- من غير فتحة سقف ( ودي كانت الحاجة الوحيدة لصالح الهاي لاين
طب يا عم اتحفني بقي و قولي بكام بقي بعد الحاجات العظيمة دي قالي الفرق حوااااااااااااااااالي 1000 جنيه ( الهاي لاين بفتحة سقف 113700) قولتلو بتهرج ..لا بجد !!! ..قلي دوول كانو جايين لبتوع هيواندي و خلص 3 و فاضل اتنين ..بس محدش هيخدهم ...تقريبا هو سعتها كان بيكلم نفسه لأني جريت علي اقرب مكنه عشان اسحب الفلوس و اخد العربية دي ..لانها بصراحة كانت اكتر م انا عايز بكتييير و فرق اهبل ..المهم رجعتلو و قلتلو هاخدها حالاً..بس افتكرت حاجة ..هو قالي فاضل 2 ..ف بسألو عن الالوان ...و هنا كانت الصدمه الاولي ..قالي اخضر زرعي برسيمي يعني ...قالتو انا ممكن اسحب فلوسي كلها اصلا بسبب اللون ده ...ضحك وقالي اصبر التانية كانت محجوزة ولسه صاحبها لاغي من كام يوم ..طب لونها ايه ...سممممممممممماوي ..ايوه كده ..الوان تفتح النفس اه ..طب فيين يا عم ..ادينني 10 ايام عمل ..15 كمان مفيش مشكلة ..بس هستلم من المعادي لو سمحت ..رد و قالي شغال ..
يوم الاستلام هما كلوني العربية جاهزة في فرع المعادي ..جميل ..طرت و استلمت العربية ..و المعاملة كانت زي الفل بصراحة
العربية ناعمة جدا الحمد لله ..صوتها واطي ..مش حاسس بنشتة نقل ..الدريكسيون الباور كهرباء خفيف جدا ( اصلي متعود علي السيراتو ).
الكاميرا الخلفية في المراية جامدة جدا مع السنسور بحس يسهولة اوي في الركن ( خصوصا ان مراتي ساعات بتأخدها لفة )
يعني ممكن كمان شوية اديكو تفاصيل اكتر بس لما امشي بيها كتير ..
فاضل حاجة بس ..انا معاي ..الصور ان شاء هحملها كمان يومين بس ..شكرا لكل مهتم و متابع
مبارك عليك العربية
وربنا يديك خيرها ويحميك من شرها يا رب
ومنتظرين الصور يا باشا
الف مبروك ياباشا ربنا يباركلك فيها ويديك جيرها ويبعد عنك عيون الناس
و عليكم السلام و رحمة الله
بجد ربنا يباركلك فيها و يكتب لك فيها كل خير
و الف مبروك
علي فكره أنا كتير جدا لاحظت جدعنه موظفين غبور ساعات كده بتجلهم الحاله و بيبقو جدعان جدا أما في الطبيعي .....
هما جدعان لكن مش أوي
و الشهاده لله أي حاجه في الضمان بيغيروها و بدون نقاش وده طبعا عكس الإشاعات اللي بتطلع علي غبور
ما شاء الله انت محظوظ جدا على فكره انا مش بقر انا بحسد بس بهظر طبعا
بخرها عشان شكلك هتتحسد
انت لازم تدبح حاجه لان بجد ممكن تتثبت والعربيه تتاخد منك (لان معدش فيه حسد بقى فيه سرقة)
ماشاء الله لاقوة الا بالله
واضح ان فلوسك حلال كل الحاجات دى وب 106 الف
دى الحاجات دى مشموجوده فى عربيات بيوصل سعرها 160 الف
مبارك عليك وربنا يديك خيرها ويبعد عنك شرها بس بالله عليك حافط عليها لان دى نعمه ربنا من عليك بيها
ربنا يبارك لك فيها ,, وهنسيبك وقت بس عايزيين مش اقل من 20 صورة وبالتفاصيل لكل حتة في العربية :)
الف مبروك يا باشا علي العربية انا بردة حاجز الهاي لاين بس الحاجة الوحيدة اللي مأزماني هي الجنط ال14 علي فكرة المواصفات بتاعة حضرتك بال start button دي بشوفها علي youtube واسمها في روسيا hyundai solaris.
يا ريت تفيدنا بالصور قريبا... والف مبروك مرة تانية وربنا يباركلك فيها وتكون وش السعد عليك
الف مبرووووووك
اللهم صل على محمد وعلى آله وصحبه أجمعين ...مبروووك
السلام عليكم ..انا +متشكر جدا يا شباب ربنا يكرم الجميع و يبارك لكل ...
هو الحقيقية انا فعلا كان حظي حلو جدا ..الحمد لله ....
دلوقتي انا نزلت الصور علي جوجل ..وده اللينك بتاعه مش عارف ينفع تشوفوه ولا لأ..لو حد يقدر يقولي اكون شاكر
https://picasaweb.google.com/Moh.adl...3t7c22lbCz1gE#
مبروك ياباشا بس ياريت تقرير مفصل عن الأداء و الثبات و الفرق بينها و بين السيراتو
بسم الله ماشاء الله ربنا يبارك لحضرتك فيها ويكفيك شرها
الصور حلوة جداااااااااااا الف مبروك
ما شاء الله جميلة جدا
ربنا يحفظهالك ويحميك من شرها يارب ويكرمك بخيرها يارب
لسة قافل مع غبور .
مفيش rb خالص حاليا الا مانوال الدفعة الجديدة في مايو 2011 و التسلييم بعد 20 مايو .
الاسعار الي على كونتاكت مش مظبوطة , و عربية الاستاذ محمد الي في الموضوع :) موجودة بس بالحجز فقط .
وفئات الهايلاين تبدا من 106 الف ( اوتوماتيك ) الى
115 الف ( اوتوماتيك - بلو توث - 1 اييراج - abs - مالتي فنكنشن - فتحة سقف )
في فئة بقى فوق الهايلاين كمان !!!
اسمها gls
و دي فيه منها اتنين
116.900 ( زيادة عن الي فاتت باركنج + كاميرا - 2 ايبراج - جنوط 16 - ستارت ستوب + كراسي جلد + تكييف تاتش) زي عربية الاستاذ محمد صاحب الموضوع بالظبط و موجودة بالحجز بعد مايو 2011 .( بس معرفش ازاي اغلى 1900 جنيه فقط !! )
فيه واحدة اعلى كمان !!!
119.600 ( نفس الي فوق بالظبط بس زيادة فتحة سقف + 6 ايرباج )
افهم من حضرتك ان انا ممكن احجز اللي ب 119 و هاتكون موجودة عشان انا ناوي اشتري و لو موجودة دلني علي مكان المعرض وانشاءالله اشتريها
معتقدش .. في ناس ممكن تفضل الحجم على الكماليات .. السيراتو مازالت تتميز بحجمها اوسع و اعرض و اطول و كمان كتوكيل انضف و ضمان 5 سنوات و فتيس 6 سرعات مش 4 .
صحيح بس غير معلوم حتيجي في مايو او بعد كدة كمان ( يعني الموضوع ممكن يطول ) و مش لازم معرض معين يا باشا اي معرض غبور ... 16661 ده الخط الساخن .
السلام عليكم
يا باشا بسم الله مشاء الله
الصور تحفة
ربنا يباركلك فيها
بس حضرتك مش شايف ان سعرها على الكماليات مقارنة بعربيات تانيه يبقى سعرها اوفر شويه ولا ايه ؟؟؟؟؟
مشاء الله تبارك الله ، بارك الله لك فيها. اختيار موفق جدا :vctry:
.
الف الف مبروك ربنا بيارلك فى العربيه ويديك خيرها والصراحه شكلها حلو اوى وكمان مدلعه بالكماليات اللى فيها دى المفروض الفئه دى تنزل وبسعر مين وغبور يراعى ربنا فى اسعاره شويه
وانا لسه شايف النهارده العربيه البطيخى اللى كنت معروضه عليك كانت فى امتداد رمسيس وشكلها مش وحش والله لون جديد
ما شاء الله ربنا يباركلك فيها ويكفيك شرها ويحفظهالك من العين