ما هى اشكال المرايات اللى ممكن تركب لبيجو 504 مو 77 غير الاصلى النيكل وايه اسعارهم
عرض للطباعة
ما هى اشكال المرايات اللى ممكن تركب لبيجو 504 مو 77 غير الاصلى النيكل وايه اسعارهم
عندك فى مرايات اسمها رقبه الوزه دى ب 90 فى التوفقيه بس حاليا مش منتشره و دى حديد فى حديد و جميله
و فى مرايات انا جبتها ب 30 جنيه من التوفقيه بس بلستك و بتتقفل
و فى المرايا بتاعت ال 404 نفس شكل المرايا بتاعت 504 بس اشيك و اصغر
انا مش بعرف ارفع صور على الموقع
انا اسف
اتمنى مشاركات اخرى تكون مدعمه بصور
انا كمان معايا بيجو وعايز اغير المرايات بس انا عندى فكرة جديدة ولسه ما فكرتش فيها ااوى
بفكر اركب مرايات عربية شيفروليه سبارك (او دايو ماتيز)
شوف كدة المراياات هتليق على البيجو وبتتقفل وتتفتح على ظبطتها وبتتظبط من جوة وفي نفس الوقت بتركب في نفس مكان القديمة تقريبا يعنى في الباب تحت الازاز مش في الركن زي معظم العربيات
http://4.bp.blogspot.com/_Ct3s9vIsyT...oo-Matiz-2.jpg
http://www.crashrepairparts.com/partimages/A5939R.jpg
http://www.dragtimes.com/images-clas...0476930590.jpg
شوف كدة لو الفكرة دى عجبتك فكر فيها وشوف المرايات دى بكام ومنين وممكن تتركب ولا لا
وجرب كدة وقوللى وصلت لايه
وانت في الجيزة يعنى الموضوع بالنسبالك هيبقى اسهل منى بكتير
انا شوفت ناس مركبين مرايات اسبرينزا الهاتش باك وكان شكلها كويس بس المشكله انها غاليه بس معرفش مركبين الفتاح بتاع الظبط فى الباب من جوه ازاى هل فتحله فتحه فى فرش الباب وهل ده مش بيضايق الازاز فى الطلوع والنزول
انا حاليا مركب المرايات اللى بتركب فى القائم اللى ب30 جنيه لونها فضى كده وبتتقفل وتتفتح هى كويسه بس صغيره
لانى عندى عقده من مرايات البيجو الاصليه انها كل شويه انزل الاقى حد خبطها ومكسوره وفى مرايات تانيه بتركب برضه بس مش عمليه قوى
انت مركب مرايات ايه حاليا
وفى سؤال تانى هو ينفع اركب عداد اربى ام
لانى التابلوه عندى فى ساعه مش اربى ام وياريت تمنه ايه ولو فى صور باشكاله
وكنت عايز اعرف انت بتنقل الغيارات على سرعه كام عشان اعرف انا كده بقرص ولا كويس
انا بصراحه العربيه اللى قولتلك عليها ديه كان شكل المرايا فخم
ورؤيتها عاليه
وفى ناس بتركب مرايات 131 بس بتضر تفتح فتحه فى قائم الباب مدوره زى ال131
او ال128
وبتبقى كوبسه بس معرفش هل تاثر على الباب وتضعفه لان المساحه بتبقى فى حته مهمه
انت رايك ايه او شوفت اشكال مرايات ايه على البيجو غير الاصليه
ما بستريحش لفكرة المرايات اللى في القايم بحس انها مش بتاعتها كدة
ده غير ان المساحة اللى في القايم صغيرة جدا وبيبقى شكل المراية مزنوق زنقة جامدة
عشان كدة فكرت في المرايات الجديدة اللى بتبقى في الباب نفسه زي البيجو ولقيت انها موجودة في عربيات زي :
الكيا كارنز بس كبيرة ومش هتليق
الهوندا سيفيك ، طبعا غالية ومش لايقة اوى
الفيات لينيا ، برضه اكيد هتبقى غالية جدااااا ومتطورة زيادة عن اللزوم
الشيفروليه سبارك القديمة و الدايو ماتيز ودى اللى لقيتها انسب واحدة واكيد ارخصهم واعتقد برضه ارخص من الاسبرنزا
اكيد طبعا ارخص من اسبيرانزا ومنتظر ردك على سؤال نقل الغيارات
شوف المرايات ديه كده
http://a1.sphotos.ak.fbcdn.net/hphot..._1897294_n.jpg
حلوة بس بيتهيألى برضه فيها نفس مشكلة المرايات القديمة بتتعوج بسهولة ولما بتتعوج بتتغير ظبطتها
الجديدة الازازة بتتحرك جوة جسم المراية ومالهاش علاقة بيها
وسؤال نقل الغيارات اللى هو ايه ؟؟؟؟؟؟
انت بتنقل على سرعه ايه مثلا التانى على 40 او 60 كده يعنى
على حسب طريقة السواقة
ساعات لو جوة البلد ومش عايز تسارع ممكن اجيب الرابع على 50 عادى جدا طالما مش بسحب بسرعة وعايز اريح الموتور واوفر بنزين
بس طبعا برضه النقل بدرى اوى بيتعب الموتور بزيادة
وطبعا مرة كدة كل شهر تشد بالعربية جامد وتحرق الغيارات و تديها تفويقة كدة تنضف الموتور والبوجيهات والكربراتير ..
----
بالنسبة لسواقة الطريق برضه حسب الظروف لو بشد جامد بجيب بالاول لحد 25 - 30 و التانى لحد 60 والتالت لحد 90 والرابع حسب ما يجيب بقى معاك
لو ماشى على الطريق عادى مش شد يبقى اول ما صوت الموتور يعلى ( يعنى في حدود2800 - 3000 ار بي ام ) بنقل على طول ودى تعتبر السواقة المثالية المناسبة للطريق وجوة البلد اللى هى النقل عند منطقة اعلى عزم اللى هى من 2500 ل 3000 لو عندك عداد ار بي ام او لما صوت الموتور يعلى بس من غير ما ينعر
يعنى الموضوع نسبى وحسب انفعالاتك في السواقة
وسواقة الجرى غير سواقة المشى العادى
انت عندك ار بى ام فى العدادات ولا خارجى
انا عايز اعرف اشكاله لو فيه صور ليه وسعره كام
تركيبه سهل
يعنى ينفع اركبه بنفسى ولا لازم كهربائى
واشكاله ايه وياريت لو تقولى الار بى ام المناسب لكل نقله يعمل كام فى عداد السرعه
عشان اظبط نفسى على عداد السرعه
وده اشكاله ايه لانى دائما بشوف شكله اللى حجمه كبير قوى وبيبقى مش ظريف
ياريت لو تعرف تجيبلى شويه صور لل اربى ام
وهل ينفع اركب ار بى ام مكان الساعه لانها مش شغاله
ينفع تركبه مكان الساعة ده لو هتعمله بنفسك
يعنى هتجيب مكونات الدايرة الالكترونية وتعملها وتفك العداادات بنفسك وتركبه مكانها
شوف الموضوع ده كدة هيعجبك
http://www.nilemotors.net/Nile/16507...achometer.html
موضوع هايل جدا انا نفسى اعمل العداد كده بس اعمله ازاى ياريت لو حد بيعمل الدائره ديه جاهزه
وانا اركبها
ما تنساش بقى تسأللى على مرايات السبارك القديمة اللى في الباب
شوفلى سعر الجوز الصينى كام
وياريت صوره للعدادات بتاعه عربيتك
اوك الاسبوع الجاى هنزل اسالك لانى مشغول جدا مع والدى لانه مريض
وانا نفسى لو تعرف تعملى دائره ار بى ام وابقى اخدها منك واركبها
اوك واوعى تنسانى لانى مسترخم العداد الخارجى لان حجمه كبير جدا انه يركب على التابلوه
معلش عندى سؤال تانى انا عداد الكيلوات مش شغال هل ده بيتصلح
وكمان انا عندى مفتاح اضاءة التابلوه اللى بيزود ويقلل النور مش شغال ينفع الغيه واوصل الاسلاك مباشره بحيث يبقى ثابت على الاضاءه العاليه
بالنسبة لعداد السرعة غالبا الواير اللى بيربط العداد بالفتيس بيبقى هو اللى بايظ
وده سعره حوالى 25 جنيه بيركب ناحية في العداد من ورا والناحية التانية في الفتيس من تحت
روح لواحد بتاع عدادات يعمللك الليلة دى كلها ومش هياخد منك كتير
بالنسبة لموضوع انك تثبت اضاءة العداد على اعلى حاجة وتلغى الريوستات اه ينفع ودى ممكن كهربائى او بتاع عدادات برضه يعملها
النقطه التانيه ياريت لو عندك صوره توضح الاسلاك اللى الحمها مع بعضها عشان تعلى الاضاءه او لو الجهاز ده بيتباع جديد
وثانيا ان عداد السرعه شغال والسلك سليم انا قصدى على عداد اللى بيحسب عدد الكيلوات اللى مشيتها
منتظر الرد عشان بكره انشاء الله احتمال اروح لبتاع عدادات يصلحه
روحت النهارده لبتاع العدادات وصلحه خلاص بس المشكله ان مؤشر السرعه بيرعش ومش مظبوط وقالى السلك مش حلو على الرغم انى لسه شاريه من 9 شهور بس مش الاصلى كان صناعه تونسى
متعرفش احل مشكله السلك ازاى
انا حاسس ان السلك اللى جواه قصير ومش واصل كويس
انا لما بصيت على طرف السلم من ناحيه العداد حسيت انه مبرى او متاكل شويه لانه رفيع من الطرف هو مفروض يبقى سمكه اتخن صح