مشكلة فى كشافات الافيو الامامية

**bekatcho** · 10-04-2011 07:58 PM

يا جماعه انا معايا افيو 2009
الكشافات اولا لما بضرب العالى النور طالع لفوق وانا عارف ان دة اى كهربائى يظبطة بس برضة مش قوى اوى عشان يكشف الطريق
والواطى مش بيكشفلى اى حاجة طلام فى عربية جمبى او عربية جاية قدامى مش بشوف اى حاجة خالص لازم ابقى لوحدى فى الطريق ومايكنش فى حد جاى فى المقابل عشان اشوف :d

وروحت للكهربائى قالى هيغيرك لمبتين ومش عارف كابلات اية وبلاستيك وحاجات كتير كدة والتكلفه 140

انا عايز اعرف لازم فعلا اغير كل حاجة ولا يكفى اغير لمبتين بس وتنصحونى اركب لمبتين اية عشان اكون شايف الطريق حته لو مين قدامى او جمبى

**Ahmed_Ramadan** · 10-04-2011 08:28 PM

هوا النور عندك طول عمره كده و لا كان قوى و بقى ضعيف ؟؟

**bekatcho** · 10-04-2011 08:32 PM

انا من ساعة ماجبت العربية ماكنتش بسافر بيها اصلا فى الاول فماكنتش بحتاج النور العالى ولا الواطى جوه البلد
لكن من ساعة ما بدات اسافر وانا ملاحظ ان العادى ضعيف اوى والعالى محتاج ظبط عشان كان اخد خبطة وهيتعدل النهاردة بس الضعف دة مش عارف ليه
انا سؤالى دلوقتى هو كفايه اغير لمبتين بس ولا لازم اغير الحاجات الكتير الى انا مش عارفها دى :d

**Ahmed_Ramadan** · 10-04-2011 08:52 PM

نصيحة من مجرب لازم كتاوت و لمبات أعلى و لوازمها و هتحس بفرق جامد

وبص على الموضوع ده أنا مجربها و كانت النتيجة هايلة
http://www.nilemotors.net/Nile/192803-140-100-w.html

**bekatcho** · 10-04-2011 09:20 PM

انا شايف ان دلوقتى اغير لمض بس كفاية اللمبضتين دلوقتى لان بصراحه الحالة معايا متبهدله ولولا انى مسافر وخايف من الطريق عشان المرة الى فاتت فعلا رجعت من القاهرة وانا مش شايف حاجة غير الا لما بكون لوحدى على الطريق ماكنتش ركبت اصلا
انا نازل دلوقتى للكهربائى اشوف

**Ahmed_Ramadan** · 10-04-2011 09:45 PM

طيب لو هتغير لمبات متجيبش حاجة عالية علشان لو جبت حاجة عالية و مركبتش كتاوت عليها هتسيحلك دراع النور كله من التحميل الزائد

**bekatcho** · 13-04-2011 04:20 AM

اة ما انا عرفت كدة فخليت الراجل يظبطلى الكشافات بس لكن حصل اسفين فينا والبطارية نامت امبارح وانا فى مصر وطبعا راجع طول الطريق من غير نور :d
فمالحقتش اتهنى بالكشافات ولا اعرف بقت عاملة ازاى فى الطريق
وشوية كدة وهغير كله بقى وهركب لمبضين نوفا المانى تقريبا مش فاكر الاسم بالظبط 260/200
تقريبا كدة مش فاكر اسمها والماركة بالظبط