+100000000
عرض للطباعة
اؤيد ائتلاف شباب الثورة في هذا البيان و غير مشارك في الاعتصام
مش لازم يا جماعة نبني احكامنا علي اساس اننا نملك الحقيقة الكاملة المطلقة و يجب ان نفتح الباب لقدر بسيط من الشك لاننا لا نتعامل مع ملائكة و لا نعرف السر و لا الغيب
لان هناك كواليس للثورة لا يعلم احد عنها شئ و الناس ملهاش الا الظاهر و طالما الظاهر سليم و قانوني و دستوري يبقي احنا معاه و لا نستبق الامور
البعض يقول ان المبالغة في الثورة و التظاهرات و الاعتصامات و الطلبات سيقسم ظهر البلد
و كذلك اذكره ان الانفراد بالسلطة و تهميش الاخرين لن يصل بنا الي بر الامان
ايضا يجب ان نقدر خوف الاخر من بقاء النظام و عملية تبديل الاوجه في ظل حالة الدلع الثوري التي نلمسها ، فلم يتحقق شئ ملموس من التقدم علي اي صعيد امني او اقتصادي او سياسي او تحقيقات و قضايا
دولة الفساد علي الاراضي المصرية هي دولة شديدة القوة و لن تنكسر بسهولة و يجب ان نحشد كل الطاقات لتدميرها بكل الادوات الشرعية بما في ذلك التظاهر و الاعتصام
لاننا ان لم نقضي عليها فانتم اعلم ببشاعة انتقامها و التي ستطال الجميع حتي اللي ماشي جنب الحيط بالتعبير الشائع
و لا نريد ان نكرر الكلام بان التحرير مش الشماعة اللي حيعلق عليها كل واحد عليها مسئولية التدهور الامني
و بالمناسبة ارغب ان الناس تفرق مابين العشوائيين و البلطجية .. مش كل ما نشوف شباب عشوائي لابس تريننج و لا تيشرت و التدهور التعليمي مرسوم علي وشه يبقي بلطجي
هما دول اولاد مصر في ظل حكم مبارك من اهل العشوائيات و المناطق الفقيرة
لا اقرهم علي افعالهم و في نفس الوقت لا ارغب في ترك الساحة لهم وحدهم اذا انسحب الشباب الواعي من الميدان و لا يجب الجمع و نقول العشوائيين ولاد تييييت و كل اللي في الميدان ولاد تييييت
البلطجية الحقيقيون يسرقون الناس في وضح النهار و يقطعون الطرق في كل مكان مش في ميدان التحرير حيث انظار الجميع مسلطة علي الميدان و من فيه
بل انهم في شرم الشيخ يُهربون الاموال عن طريق البحر و يتأمرون علي الشعب كله بكل طوائفه و فئاته
سؤال اخير : هل ترفض محاكمة كل مسئول ثبت فساده من اجل الحفاظ علي الاستقرار؟
اظن الجميع سيجيب بلا و يطالب بسرعة اقامة العدل
اذا ان انت لست مختلف كليا مع ائتلاف شباب الثورة انما انت مختلف جزئيا و لذلك لا يجب ان تصب عليهم اللعنات بل و تنفي عنهم الوطنية و الاخلاص للبلد
الله يكرمك يا عم احمد عالرد دا والله...
مش عارف ليه البعض اى حاجه وحشه تحصل يلزقها لشباب الثوره ويقولوا هيضيعوا البلد واى كلام ملوش لازمه...وهما الطرف الوحيد الى ما بيدورش على ارباح شخصيه مع انهم صاحب الفضل الاكبر فى قيام الثوره.. وطول الخط اثبتوا انهم بيعملوا لمصلحه البلد فقط وبرضه البعض بيصيد لهم اى حاجه.. بلاش نفتح مواضيع افضل وبقول ربنا يهدى الجميع
لاحول ولا قوه الا بالله
حلو الكلام و ده اللي انا اعرفه و لست شاهد عيان لكن حكي لي شخص كان هناك و من حقك ان ترفض هذه الراوية
ان فكرة الاعتصام كانت مرفوضة للانصياع لاوامر الجيش و محاولة استرضائه للاسراع بمحاكمة الفساد و ده سبب وجود عدد قليل في الميدان كما ظهر في الفيديوهات
فطلب العسكريين الذين يطالبون بتطهير الجيش - و للامانة اذكر ان الجيش قال عليهم بلطجية في الخيمة الوسطي يلبسون زي الجيش - بحماية من المواطنين المدنيين و تعاطف معهم البعض نساء و رجال و قعدوا في الدائرة الوسطي من الميدان والباقي روح بيتهم
ثم بعد ذلك اقتحمت الشرطة العسكرية و القوات الخاصة و الامن المركزي الميدان لاخلائها و اعتقال "البلطجية اللي في الخيمة الوسطي" و حدث ما حدث من احداث و الله اعلم بها و بكل واحد هناك و اللي كان في نيته و ده مش مجال حوارنا
تاني يوم رد الائتلاف علي ماحدث من العنف و القسوة بتعليق النقاش و الاعتصام في الميدان حتي تنفيذ طلبات الناس اللي منها المحاكمة العاجلة و منها المجلس الرئاسي
كده الائتلاف بالنسبة لي ناس محترمة و زي الفل و بتطالب بحقوقنا و الجيش و المجلس العسكري فوق راسي
ننتظر افعال مش كلام تطييب خاطر
الجيش حقق بعض المطالب اهلا و سهلا و الباقي عليه اختلاف شئ طبيعي و مش شرط يتحقق
انما دلوقت لا تقدم في اي مجال لا امني و لا اقتصادي و لا محاكمة سريعة للفاسدين و لا شئ بيتم الا بالضغط و طلوع الروح و البلد النهاردة زي شهرين فاتوا و لا فرق الا تغيير بعض الوجوه
ده حتي الضريبة العقارية بيقولك سنفكر ... سنفكر هو ده وقت سنفكر و لا وقت قرارات حاسمة و او ماتجيبش سيرتها اصلا
انما ايه الاستفزاز بتاع سنفكر و بندرس و بنحقق و تقصي حقائق
دي معركة الجمال ماوصلناش فيها حاجة
و اذا كناعاجزين عن ايجاد ورقة ادانة او شاهد ضد اي فاسد يبقي البلد كانت حلوة و زي الفل .. فمكنش في داعي للثورة من الاصل
بعد ده كله يبقي حرام نظلم الائتلاف بالاتهامات القاسية دي و شوية عدل
عايزين من المجلس العسكري و الحكومة انجازات علشان اللي يعتصم بعد تحقيق الطلبات نطلع عليه بالشباشب كلنا
و اللي حيقول ماهي طلباتهم مش بتنتهي ياريت يذكرنا بالطلبات الاساسية اللي اتحققت و فاضل منها ايه و اللي علي رأسها تطهير البلاد من الفساد لانهم رأس الثورة المضادة
سؤال
اما متظاهر يروح المظاهرة بزجاجات المولتوف اللى اتولع بيها فى عربيات الجيش
ده متظاهر رايح يدافع عن البلد ولا بيبوظ البلد
انا ماقسمتش حضرتك و لا قلت انك من الناس دى .......
حضرت عملت كده لما غلطت فى حق الناس بالباطل ...... و اذكر حضرتك فى المواضيع السلفيين و التيار الأسلامى لما كنت بتقول بلاش تتهموا التاس بالباطل و بدون دليل
لا تنه عن خلق و تأتى مثله
الناس ليهم موقف و ده رأيهم و حقهم
+111111111111111111111111111
ايه علاقة ده بالديموقراطية ؟؟؟؟؟
احنا سنة اولى ديموقراطية ..... يمكن اقل من سنة اولى كمان
الأئتلاف ما دعاش للأعتصام ...... لكن التعامل الجيش العنيف مع الناس هو اللى خلى الأئتلاف ياخد الموقف ده
و القوانين على فكرة عشان الناس تحترمها ...... لازم تطبق على كل الناس فى كل الأوقات
يعنى هو الجيش ما هو سايب الناس كلها فى كل انحاء مصر زى ما هى عايزة تنزل و تروح و تيجى فى وقت الحظر عادى
ليه ماطلعش عليهم و عمل فيهم زى ما عمل فى التحرير ؟؟؟؟؟
+111111111111111111111111
و حتفضل فى حقايق ...... شاء من شاء و ابى من ابى
ان الأئتلاف ده اول من دعى للثورة
ان الأئتلاف بيضم الأخوان المسلمين (عشان بس فى ناس عامية عينيها عن الموضوع ده)
ان الأئتلاف كل مواقفه كانت صحيحة و مبررة بينما اخطأ الكثيرون
ان فيه اعضاء فى الأئتلاف ده و قفوا فى وش مبارك من 2008 (حركة 6 ابريل)
ان الأئتلاف رغم انه كان تقريبا الداعى الوحيد لجمعة 1 ابريل ..... الا انه رفض الأعتصام فى جمعة 1 ابريل ..... رغم كده كان فيه اعتصام من عدد محدود من الناس ..... و بعد كده مشيوا لوحديهم ..... ولا الجيش ضرب ولا ادخل و لا حاجة
على فكرة فضيلة الشيخ صفوت حجازى كان موجود فى ميدان التحرير بالليل و كان موجود اثناء ضرب الجيش و شهد الأحداث كلها
اسمعوا شهادته قبل ما تظلموا الناس بالباطل
ومينفعش يدس السم في العسل
يعني منين هو ضد الإعتصام ومنين بيايد المعتصمين
منين مش عايز فرقة ومنين بيخالف قرار حظر التجول من 2 الى 5 ..منين اصدقة واحترمة وهو بيدعوا لمخالفة القانون
ازاي بيقول انه ضد الانقسام في المؤسسة العسكرية وبيحمي الضباط المفصولين والخارجين على الجيش في وقت يشبة زمن الحرب
منين بيدور على تهدئة وهو بيعلق الحوار مع المجلس العسكري وهو نفسة بيقول نقدر عدم استخدام الجيش للعنف في فض الاعتصام ليلة أمس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
الناس ديه بتقول حاجة وأفعالها داخل الميدان حاجة تانية خالص
بصراحة اهدافهم غير مفهومة وغير معلنة
الأنا فاهمة انهم عايزين سلطة عايزين مجلس رئاسي ومش عايزين الجيش
لو في هدف تاني يا ريت اعرفه
وعلى فكرة انا ناقل الخبر بالكامل من مصراوي ... يعني لا حذفت كلمة ولا زودت من عندي غير تعليقي فقط