الموضوع: ائتلاف شباب الثورة يعلق حواره مع المجلس العسكري

الجيش غير مسيس ...........يعني مالوش في لعبه السياسه والشفافيه
هي دي اصل المشكله ....انه عايز يرضي جميع الاطراف الشعبيه ومحدش يزعل وفي نفس الوقت عندما يتعامل باسلوبه الناس بتهاجمه
اصبح عنده حاله ازدواجيه معايير ....لما بينفذ بينفذ بقانونه العسكري .....لكن لما بيتكلم بيحاول يقلد الساسه ....
لكن شك في الجيش معتقدش............
ياساده الجيش عمره ما حيشتغل ضد مصلحه البلد...ودي اهم حاجه ............وسبب البلبله اللي حاصله دلوقتي هي نتاج 30 سنه ديكتاتوريه
كلنا بلااستثناء لا نعرف كيف ندير الامور.....بل لا نعرف كيف نتحاور مع خصومنا الفكريين.................
بل مشتتين الي اقصي درجه اي حد يقول اي حاجه بنصدق ونبتدي نهاجم ......مع ان لازم نفكر بهدوء ونربط بين الاحداث
مين مستفيد من حاله البلبله والفوضي دي..........يبقي هو السبب مش الجيش
بلاش نفضل نفكر بطريقه حسني مبارك.....ونخون الجهه الوحيده اللي لسه بتفكر بهدوء في البلد
واذا كان كل حاجه بتمشي بطئ مش مشكله بس بتحصل وده الاهم

كل الأمور داخلة في بعضيها خالص .......


محاكمة مبارك ...... على ائتلاف شباب الثورة ...... على الإعتصام ....... على المجلس العسكري ..... على طنطاوي ..... على الثورة المضادة


إلي فاتو قطر الثورة و معملش فيها أي حاجة و حاسس إنو ملوش دور و غيران فيهاجم و خلاص من باب خالف تعرف


و إلي مش مستحمل يخسر مليم واحد عشان خاطر مستقبل أفضل لبلده و كل همه نفسو و إياكش تولع فصب جام غضبه على الثورة و الثوار و ركب موجة البلد حتروح


و إلي عايش حياته ذي الفل بس بيجي يفتح التلفزيون و النت يتفرج على مسلسل ثورة مصر و يخش يفتي



و إلي أجبن من إنه ينزل يعبر عن رأيه فيعد على النت يهاجم و يشتم و يزعق


و إلي خايف على البلد فعلاً و محتار مش عارف مين صح و مين غلط


إلي ضحى بكل حاجة عشان البلد دي و رغم إنه كل يوم بيثبت إنو كلامه صح بس برضه مش عاجب حد


و إلي نفسه الناس تتحسن من جواها ذي ما نفسه البلد كلها تبقى أحسن بس متعصب و مش عارف يحارب فين ولا فين


كلو دخل في بعضه ...... في ناس بيفتي ....... في ناس قاعدة مستنيه أي حاجة تحصل عشان تقول أهو أنا قلتلكم


أنا مش قصدي حد عشان ماحدش يسخن ...... أنا بطلع إلي جويا و خلاص

المشاركة الأصلية كتبت بواسطة ahmed1981

وأنا أعلن برائتي من شباب إئتلاف الثورة ومن المعتصمين الآن

شباب إئتلاف الثورة اللي واكلين الثورة خصوصي وملاكي
وأي رأي خاص بيهم يتلزق في الثورة وخلاص
عايشين على مص دم الثورة عشان يلمعوا توجهاتهم الشخصية
حتى لو كانت بتخالف رأي الأغلبية زي أيام الإستفتاء

حسبي الله ونعم الوكيل

اتقي الله و لا تتهم حد بالباطل

المشاركة الأصلية كتبت بواسطة م.احمد زكريا

ادان ائتلاف شباب الثورة الاستخدام المفرط للعنف في التعامل مع المعتصمين بميدان التحرير فجر السبت مؤكدا ان ذلك يعد رجوعا للوراء وانتهاكا لحقوق اكتسبها الشعب بثورته.
واشار الائتلاف - خلال البيان الذي حصل مصراوي علي نسخة منه - إلى ضرورة اعتماد إلية اخري لحل تلك المشكلات بما لا يأتي علي تلك حقوق المعتصمين.
واكد الائتلاف رفضه التنصل من المعتصمين واعتبارهم بلطجية، مشددا في نفس الوقت على انه لم يدعو إلى اعتصام بعد جمعة التطهير والمحاكمة.

وقرر الائتلاف تعليق الحوار مع المجلس العسكري والدخول في اعتصام بداية من الاسبوع القادم في حالة عدم البدء في التحقيق في احداث فجر السبت ومحاسبة المسئولين عنها والافراج عن المعتقلين في تلك الاحداث بجانب تقديم الرئيس السابق مبارك وعائلته للتحقيق.


واضح ان الناس ديه خدت اكبر من حجمها

ومع الاسف واخده البلد لسكة نهايتها سوداء

كمل البيان لو سمحت

أكد الائتلاف في مؤتمره الصحفي اليوم علي حق المعتصمين في ميدان التحرير المشروع في اعتصامهم و انه يدعوهم في حالة استمرار اعتصامهم ان يكون داخل حدائق الميدان ورفع الحواجز التي في مداخل الميدان حفاظا منهم علي عدم تعطيل حركة المرور والمصالح العامة.

المشاركة الأصلية كتبت بواسطة م.احمد زكريا

ادان ائتلاف شباب الثورة الاستخدام المفرط للعنف في التعامل مع المعتصمين بميدان التحرير فجر السبت مؤكدا ان ذلك يعد رجوعا للوراء وانتهاكا لحقوق اكتسبها الشعب بثورته.
واشار الائتلاف - خلال البيان الذي حصل مصراوي علي نسخة منه - إلى ضرورة اعتماد إلية اخري لحل تلك المشكلات بما لا يأتي علي تلك حقوق المعتصمين.
واكد الائتلاف رفضه التنصل من المعتصمين واعتبارهم بلطجية، مشددا في نفس الوقت على انه لم يدعو إلى اعتصام بعد جمعة التطهير والمحاكمة.

وقرر الائتلاف تعليق الحوار مع المجلس العسكري والدخول في اعتصام بداية من الاسبوع القادم في حالة عدم البدء في التحقيق في احداث فجر السبت ومحاسبة المسئولين عنها والافراج عن المعتقلين في تلك الاحداث بجانب تقديم الرئيس السابق مبارك وعائلته للتحقيق.


واضح ان الناس ديه خدت اكبر من حجمها

ومع الاسف واخده البلد لسكة نهايتها سوداء

كمل البيان تاني لو سمحت ...... بلاش طريقة ولا تقربوا الصلاه



كما يؤكد الائتلاف على رفضه التام لحدوث أي انقسام داخل المؤسسة العسكرية وتمسكه باستمرار ثبات وقوة العلاقة بين الشعب والجيش وعدم السماح لأحد بالعبث بتلك العلاقة، كما أننا نقدر عدم استخدام الجيش للعنف في فض الاعتصام ليلة أمس ونطالب الجميع باستمرار ضبط النفس لمحاولة حل الأزمة بما لا يزيدها تعقيدا وهو ما سيساعد فيه الائتلاف بما يستطيع