طيب وليه مانحسبهاش أن الجيش كان ممكن ينزل يساعد الداخلية أيه ألي كان هايمنعه!
مع الاحترام الكامل لرأى الاستاذ aif لابد ان نعلم ان العلاقة بين مبارك و كبار القيادات متشابكة و بها الكثير من الاسرار و لم يكن يستطع محاسبة احد لان هذه القيادات لم تكن تعصاه بل كانت تحاول ايجاد مخارج للازمة التى يواجها
و للتدليل على ذلك هنرجع بالاحداث الى ما قبل اربعاء الجمل الم يكن هناك اقالة للوزارة و تم تشكيل وزارة جديدة برئاسة الفريق شفيق و بالتالى ببساطة كان من الممكن اقالة وزير الدفاع و استبداله بشخص اخر ينفذ المطلوب منه و الحجة تغيير الوجوه القديمة
و لكن لم يقم بهذا لان زى ما قلت كل واحد فيهم رابط الثانى
ايها الارشيدوق أوتيفا
أنا قلت نزاهة الجيش مش محل شك..أنا بتكلم على شجاعته
يعني قيادات الجيش إلي الناس بتغنيلها دلوقتي..زيها زي كل الفئات إلي نزلت في الأخر
الفئات إلي إستنت لما الــ (العجل)وقع..وسنوا السكاكين
فاهمني
يعني الجيش ماختارش بإرادته..الجيش هوا إلي إتحط مرغم في الاختيار..والاختيار الطبيعي كان للشعب
يعني مع أول أيام المذابح..كان واجب الجيش إنه ينزل لحماية الناس
لكن الجيش إستنى لما الوضع إتحسم تقريبا لصالح الشعب..وقرر إنه يرعى الثورة
وماتتخيلش إن الجيش المصري بأي حال كان يقدر يدبح الناس في التحرير..وضع الجيش مختلف عن وضع الشرطة جدااااا
عسكري الجيش بيقضي خدمة وماشي..يعني مش خايف على وظيفة ولا على مرتب..ولا بتوع رشوى ولابيرهبوا الناس زي الشرطة
وعساكر الجيش ناس متنقيين عشوائيا من الناس..مش زي بتوع الأمن المركزي...بتوع إضرب..فيضرب
يعني لو أنا كنت في الجيش ..وجالي أمر بالضرب..طبيعي مش هضرب
وحتى قيادات الجيش لو كانت إدت أوامر بالضرب..مكنتش هتحصل..وكان الظباط الصغيرين هيتمردوا عليهم..ومش بعيد يعدموهم بتهمة الخيانة العظمى للوطن
انا لقيتهم بيقولولك يا(دون)أوتيفا
قولت أرقيك لــ (أرشيدوق) ههههههههههههههههههههه
أنا مش بشكك في نزاهة الجيش والله...بس كان نفسي يحط نفسه في الصورة من اليوم الأول
وكل إلي قلبهم ع البلد بجد..كانوا ظهروا من اليوم الاول
يعني لما فئات زي (رجال القضاء)نزلوا في الأخر..كان واضح جدااا إنهم نازلين يثبتوا حضورر بسسس
علشان يكونوا في الصورة
وماحدش فيهم نزل في الاول..علشان لو كانت الثورة فشلت..كانوا راحوا كلهم ورا الشمس
بسسس
اتفق معاك فى كل كلمه قولتها فى الموضوع وياريت نفهم ونعقل الكلام قبل ما نصدقه او ننقله
فيه تعليق كان مكتوب على الفيس بوك وعجبى بيقول ان احنا خدنا الحريه بس نسينا ناخد الكتالوج بتاعها فدلوقتى عمالين ندوس على كل الزاير ومش فاهمين