سيناريو تخيلي ... ماذا لو فشلت الثورة بعد موقعة الجمل .. ماهو مصير الجيش
تخبلو معي بعد ان القى مبارك خطابه العاطفي يوم 1 فبراير و حدثت موقعة الحصان والجمل يوم 2 فبراير
تخيلو لو ان الناس انسحبت م الميدان والامور هدئت وحسني مبارك رجع يحكم البلد تاني
طبعا ده مش تخيل ..... ده كابوس
..
محدش سأل نفسه ماذا كان سيحدث لقادة الجيش ؟؟؟؟؟
المجلس الاعلى للقوات المسلحة ؟؟؟؟؟؟
..
..
كانو ببساطة ....... سيحاكمون ويعدمون بتهمة الخيانة العظمى ... ولو بعد حين
....
يعني الناس دول لما ساندو الثورة ورفضوا اوامر مبارك ...... كانو حاطين رقابهم تحت المقصلة
...
كانو شايلن أكفانهم على ايديهم
...
هو احنا بنفكر في نفسنا وبس
طب والناس اللي انقذتنا في وقت الشدة وخاطرت باروحها في سبيل الشعب والبلد والشباب اللي كانو ح يتفرمو
...
محدش قدر تضحياتهم
...
احنا شعب اصيل ومش ناكر للجميل ومش جاحد
ليه دلوقت بنسمع كلام اللي عاوزين يولعو البلد
لو الجيش متواطئ مع مبارك ..... كانو ساندوه م الاول ....كانو سمعو كلامه ... مش كدة ؟؟؟
..
..
انا ممكن انتقد الجيش
ممكن اقول ان الامور ماشية ببطأ
ممكن اقول اي شيء
...
لكن اشك في الجيش لآ
لكن ادعو للانقلاب والانقسام ع الجيش لأ
انا مش ناكر للجميل
وجميل الجيش على راسي
هم اللي حمونا وحمو اعراضنا
هما اللي كنا ح نبوس ايديهم ورجليهم ايام الثورة عشان ما ينحازوش لمبارك
....
الحال دلوقتي
اللشرطة لسة بيحاولو يلموا اللي وقع منهم
الحكومة ..... لسة بتحبو ... وقدامها جبل عالي لازم تطلعه
مؤسسات الدولة ....بخخخخخخخخخخخخخخخ
.....
مش فاضل غير الجيش ......
وفي المقابل
البلطجية بيسنو السكاكين
كلاب رجال الاعمال .... جاهزة للانطلاق
بواقي الحزب المحروق نفسها بس في نص فرصة عشان يجيبو جول
...
انا باتكلم عن نفسي
لو الجيش داس بجزمته على رقبتي ...... برضه انا متمسك بيه لأخر نفس
لن ادعو لأي انقسام في الجيش
لن ادعو لأي انقلاب في الجيش
....
الجيش فاسد ؟..... طبيعي اذا كان الشعب معظمه فاسد
حتى لو فاسد ....... هو الضمان الاخير اللي فاضل لحمايتي وصون عرضي
اصحو يا جماعة
فوقو قبل فوات الاوان