اوك يا سمسم هاجرب وان شاء الله خير ,,,, ربنا يكرمك
عرض للطباعة
اوك يا سمسم هاجرب وان شاء الله خير ,,,, ربنا يكرمك
سمسم باشا اخبارك ايه
موضوع رائع و مفيد جدا
بس ليا استفسار بسيط
12- بالنسبة لنوع الفريون يجب وضع الفريون المناسب للكباس يعنى مثلا السيارات التى تم انتاها من عام 84 الى 94 يتم وضع لها فريون r12 والسيارات التى تم انتاجها بعد ذلك يتم وضع لها فريون a134 والفرق مابين الاتنين ان ال r12 يكون مضر بالبيئة ولكن سرعة انتشارة داخل السيارة اسرع , اما ال a134 يكون محافظ على البيئة وبطىء نسبيا عن ال r12 فى سرعة الانتشار
دا معناه اننا بنتنفس فريون كل ما نشغل التكيف؟؟ :E_braces[1]:
عايز افهم النقطة دي
سنهورى باشا حبيبى اية الاخبار يامعلم
اكيد طبعا مش الفريون اللى بينتشر والا ماكنتش هتلاقى فريون خالص بعد اول تشغيل للتكييف
هو المقصود بسرعة الانتشار هنا ( البرودة ) مش بيسقع بسرعة زى ال r12
يعنى لو ركبت عربيتين من نفس النوع والحالة بس واحدة فيها r12 , والتانية a134 هتلاقى ان العربية اللى فيها r12 الهواء اللى فيها بقى بيسقع بسرعة عن العربية اللى فيها a134
ميرسي على المجهود الرائع والجميل بس انا عندى مشكلة حضؤتك ماعرضتهاش
سيارتى سيفيك 1999 1500 سي سي مواصفات امريكانى كان التكيف شغال بس الله تلاجة لغاية بداية الصيف الى فات داه التكيف اشغلة يبقى كويس بس مش زى الاول الكارثة بقي انة بيفصل وبيطلع هوا سخن وداة بيحصل جوة البلد بس او فى الزحمة او لو واقف فى اشارة او طابور لكن على السفر بيبقي زى الفل حتى لو على اول سرعه ببقي مش طايقة من السقعه ودى مشكلة قابلتنى بس خايف اروح لحد علشان متاكد من سلامة الكمبروسر ان جديد والفريون مظبوط
هل داة قلة نظافه لدورة التبريد
هل داة الفلتر عايز يتغير
ولا اية ؟
وشكرا لتعبك
اولا انت معندكش فلتر تكييف موجود خلف درج التابلوة
انت المشكلة اللى عندك دية ن حاجات مع بعضها
1- سلانسية العربية عندك واطى عن المعتاد او الايدل ضعيف
2- السربنتينة عندك مروحتها ضعيفة او عايز تنظيف من الداخل
3- الكويل عندك لازم يتنظف كل سنتين على الاقل للحفاظ علية
كل دة طالما انت متأكد من سلامة الكمبروسير لان اصلا من ضعف الكمبروسير انة بيضعف التبريد والعربية واقفة فى الزحمة ويسقع مع ضغط البنزين لانك بتزود عدد لفات الكلتش وبالتالى كبس الفريون بيبقى احسن واسرع ويديك البرودة المطلوبة
مشكور على الاهتمام والرد
على فكرة موضوع الفلتر داة قالى علية كهربائى تكيف انا معرفش اذا كان موجود ولا لا
هل تعرف حد كويس فى بورسعيد يقدر يظبط التكيف ؟
لو مفيش فى بورسعيد حد كويس تعرفة هل تنصحنى بحد تانى لو فى القاهرة مثلا ؟ والصيانة دى تاخد قد اية وقت ؟
وشكرا
فية عندك حاجة اسمها dryer ودة اللى موجود خلف بجانب قربة الباور ودة بيتنظف واغلب الفنيين بيقولوا علية فلتر
وفية عندك الفلتر اللى موجود خلف درج التابلوة ودة مش موجود عندك
سامح باشا انا رحت لواحد وعملى كل دا والتكييف بقى احسن الحمدلله
بس قالى أنضف السربنتينة
ياترى دى بتتنضف ازاى بالماية عادى ولا انضفها فى البنزينة ؟