هل خرم كل الطنابيير مع الجنوط عند خراط هو الحل?

**yahiatnt** · 11-04-2011 01:01 AM

ازايكو يا جدعان

انا عندي مشكلة. انا خرطت مسمارين في واحد من الجنوط الخلفية و مسمار في واحد من الجنوط الامامية عشان انكسروا قبل كده.
ما بقتش اعرف ادورالعجل عشان في مسامير 17 و 19 و مينفعش جنط يبدل مع تاني
فهل لو عملت كل المساميير بتوع الجنوط و الطنابير 19 يحل المشكلة دي و لا في بديل افضل?
وهل العملية دي هتأثر علي شراء جنوط في المستقبل. أصل أنا ناوي اشتري طقم جنوط13 جديد. فهل حد يعرف لو فيه جنوط 13 و مسمارها يكون 19 و الا لازم خراط تاني عشان يخرم الجنوط الجديدة 19?
أرجوا الإفادة لان الموضوع ده مغلبني قوي قوي

**yahiatnt** · 11-04-2011 11:11 AM

١٢ مشاهدة و محدش رد لسه؟ شكلها مشكلة عويصة و لا ايه!

**mrastra** · 12-04-2011 03:43 PM

ابدا بس انا لسة شايف الموضوع دلوقتى
عارف افضل الحلول اية؟
انك تعمل مسمار ثابت فى السورة وتربط الجنط بصامولة دة اامن بكتير وعمرة ما يفوت السن بالكتير تغير الصامولة
الحسنة فى الموضوع انة امن اكتر من المسمار بكتير

**yahiatnt** · 12-04-2011 04:15 PM

شكرا على الافاده
بس موضوع الصواميل ده شكله مش حلو خالص, يتهايئلى إنى اغير الطنابير واجيب مسامير اصلى 17 mm

**mrghost** · 12-04-2011 11:37 PM

المشاركة الأصلية كتبت بواسطة yahiatnt

شكرا على الافاده
بس موضوع الصواميل ده شكله مش حلو خالص, يتهايئلى إنى اغير الطنابير واجيب مسامير اصلى 17 mm

ما انت هتجيب صواميل اسبور مش صواميل عاديه
انا عندى عملت الحوار ده فى الاربع عجلات بتوع الشاهين لانى كنت بعانى فعلا من ان المسمار يفوت كل شويه وعلى فكره دول سهلين جدا
انا كنت بفك الصره والاكس الخلفى واروح لخراط يركب الجوايط دى وارجع اركبهم فى العربيه وخلاص على كده
وبعدين الطنابير ملهاش دعوه بالمسمار انت قصدك بقى تغير الصره لان هى دى اللى فيها القلاووظ
نصيحه اعمل حوار الصواميل لانى غيرت قبل كده الصره وفوتت برضه

**yahiatnt** · 13-04-2011 02:36 PM

شكلى كده ابتديت اقتنع بموضوع الصواميل ده. لما عملت بحث عن حاجة اسمها "Lug Nuts". هوا ده الصواميل و الجوايط؟ ولا أنا فاهم غلط؟

ممكن حد يدلنى على محل فى القاهرة (يسلام لو فى شارع دمشق) عنده زى الصواميل دى أو شبها ؟ وممكن تعملها كام؟

ممكن معلومات اكتر عن الموضوع الشيق ده.

[youtube]http://www.youtube.com/watch?v=fMNHK5z7MJE&feature=related[/youtube]

**yahiatnt** · 14-04-2011 02:21 PM

روحت لخراط عشان موضوع الجوايط. قالى ٣٠٠ جنيه العملية كلها للاربع عجلات شاملة الجوايط وصواميل (خامة نظيفة) و الميكانيكى والخراطة والتركيب. هل السعر ده معقول؟

**mrghost** · 15-04-2011 12:03 PM

كتير جدا جدا الموضوع كله
الميكانيكى مفروض ياخد 30 او 40 بالكتير
الجوايط بالصواميل ب 40 جنيه بالكتير
الخراط ب40 جنيه بالكتير

**yahiatnt** · 16-04-2011 01:10 AM

الجوايط بالصواميل ب 40 جنيه بالكتير.! "نوعهم ايه وطوال ولا قصيرين و 16 قطعة??"

انا حاولت افاصل مع الراجل فشرحلي التقسيمة كل الاتي:
50 ميكانيكي
160 ـ 180 الجوايط بصواميلها "مطلية كروم" نظيفة فعلا جبت 16 قطعة وطويلة مش قصيرة
الباقي شغل خراطة "تركيب جوايط اربع عجلات و لحام كهربة" وبصراحة الراجل شغله نظيف جدا جدا

العملية خادتلها يجي 4 ساعات شغل

عندي بقي سوءال. منين اجيب صواميل نيكل طويلة و تعملها كام الواحدة او الطقم علي بعضه? وهل فيه انواع ملونة ولا كله فضي ?

و شكرا جدا للردود المفيدة. منكم نستفيد .