الموضوع: مجموعة بلطجية يضربون ظابط جيش في التحرير

المشاركة الأصلية كتبت بواسطة A7MED_PHARMA

واضح إن الجيش بدأ يلعب دور الأمن المركزي
واحد في الجيش..بيضرب الناس
المفروض بقا الناس تقول..الشعب والجيش إيد واحدة..وينضربوا وهما مبسوطين
ده رد فعل
reflex
يعني واحد ضربك...ضربته
بدون بقا الدخول في تفسيرات ..جيش وبلطجية وكلام من ده
والاهم

سياسة ضرب الناس وإستخدام القوة.. مالهاش محل من الإعراب في مصر دلوقتي

يا دكتور احمد انا مش مع ضرب الناس

بس انا ساكن فى وسط البلد وحاضر المواضيع دى من اولها

اولاً وعلى فكرة انا لى اصدقاء كثير كانوا موجودين اليوم ده ودول كانوا من بدايه الثورة لكن مشيوا من هناك الساعه 6 او 7 مساء
ومقالوش حنبات ونعتصم ونعطل الدنيا ونخترق حظر التجول ونخالف القانون وهما نفسهم اللى لما رجعوا قالولى الناس اللى كانوا من الثورة مشيوا واللى بايتين هناك احنا منعرفش عنهم حاجة اساساً


الناس اللى فى التحرير دى مش من الناس اللى كانوا فى الاحداث ولا حاجة ولا يمتوا للثورة بصله دى ناس فاضيه وفى داخلهم بلطجيه كثير جداً جداً

وانا شفت فى وسط اللى كانوا بيباتوا فى الميدان قبل كده بعد الثورة ناس من بتوع الكوله وبلطجيه

وبعدين الجيش سايبهم لغايه ما تعدوا ميعاد الحظر بساعه كامله وزياده

المهم
انا كنت فى الشارع ساعتها وعارف انا بقول ايه وبعد كده ابتدى يعمل كردون عليهم علشان يبتدى يمشيهم من الميدان وهما ابتدوا بالاستفذاذ للجيش وقذف الطوب وقنابل مولوتوف ( ولا حضرتك فاكرهم ولعوا فى الاتوبيس وعربيه الجيش بولاعه )

وساعتها الجيش ابتدى يضرب طلقات صوت لاخافتهم والدليل ان الجيش لما خلصت ساعات الحظر انسحب بالكامل
وعاوزين نتف ان الجيش من الاول بيتعامل بالزوق جداً مع المتظاهرين والمعتصمين ومش عاوزين نشبهه بالامن المركزى فى تعملاته لانهم مش حيستعصى عليهم حد

وسياسه ان واخد ضربك وانت ضربته (reflex ) دى تنفع لما 2 يتخانقوا على القهوة مش مع بلطجية او بلاش بلطجية لكن حنسميهم ناس رافضين يطبقوا القانون وجيش بلد


انا على فكرة حبيت بس اوضحلك الصورة مش اكثر

والاختلاف فى الرأى لا يفسد للود قضيه ... ولا ايه رأيك