أخي الفاضل
ليه احنا مصممين علي محاكمة مبارك وواقفين وراها كلنا اكنها هي دي الل هتخلي مصر دولة متقدمة وهترفع من شأنها !!!!!!!!! سايبين المهم وهو الجد والاجتهاد وخلق أفكار نقيم بيها الدولة والاقتصاد ومصممين علي المحاكمة واستعجالها ومصممين علي استعجال الجيش
انا عارف ان مبارك له مصايب كتييييير جدا وقضايا متهم فيها لكن عايزين نسيب المؤسسة الوحيدة اللي لو وقعت مصر كلها هتقع تشوف شغلها و وتحاكم وقدر المستطاع تجيبلنا حقنا ولكن بدون تشكيك فيها وعايزين نضغط عليها كمان ولكن دون تحدي لها (بدون اعتصام)
عايزين نثق في بعض ودائما نلتقي عند النقط المتفق عليها بدون تشكيك او اهانه او تحدي في الرأي عايزين نلم شمل البلد ونقوم بيها ..... انا كل ما ادخل موضوع ألاقي خناقات وناس بتتكلم عن رأي وناس مصممة تتحداها برأي أخر ؟؟؟؟؟؟؟؟؟ ليه مش هو ده اللي بيه هنقف علي رجلينا
أخيرا ما ينفعش نقبض علي الناس الكبيرة دي بدون دليل لأن اللي هيقبض عليهم ده كان في يوم من الأيام يواليهم ولذلك هيقلك هتقبض عليا ليه معاك دليل ؟؟؟؟؟؟؟؟
يعني لو تركنا القضاء ياخد طريقه ويجيبلنا حقنا قدر المستطاع ونضغط عليهم فقط وبحدود ومن الناحية الأخري نشوف ورانا ايه وننهض بمصر وننظر لما هو قادم من انتخابات برلمانية ورئاسية
كل ما كتبته أقصد به اننا لا نضع الجيش والبلد في كفة ونضع محاكمة هؤلاء في كفة أخري يبقي احنا كده مصممين نقضي علي بقايا مصر بعد الثورة
يارب اكون وضحت وجهة نظري
المفضلات