والله كلامك منطقي
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
اظن كل الناس عارفة اني صوت بنعم عشان الجيش يمشي بأسرع وقت ممكن، واغلب اللي صوتوا بلا قالوا لو صوتنا بنعم حييجي الاخوان، حييجي الاخوان يعني ايه؟ يعني حنعمل انتخابات في خلال ست شهور فالاخوان احتمال... احتمال ينجحوا... لا الجيش يقعد شوية كمان على ما نستعد.. او نُعد
بس هم هم الناس اللي قاعدة بقالها اسبوعين بتشحن عشان تأهب الناس لمواجهة مع الجيش وتحط لحم قصاد حديد هي هي اللي كانت بتقول مش عايزين انتخابات عشان الاخوان ما يجوش
ودلوقت اللي مش عايز يعمل انتخابات عشان الاخوان ما يجوش بيقول يسقط المشير اللي هو اساسا حاكم مؤقت وحيمشي كمان كام شهر، ولازم يفضل قاعد في المرحلة الحرجة دي والا تحصل كارثة محققة.. او الحكم العسكري كله يمشي، بس ييجي مكانه حد له شرعية
طااااب يا سيدي
ما هو يا ترضى بحكم الجيش وهو حكمه كده، هو مالوش شرطة تانية غير الشرطة العسكرية، ومالوش معاملة تانية غير المعاملة دي، ومالوش احكام تانية غير الاحكام العسكرية، ولازم يبقى كده عشان ده جيش، حتلاقي مين يحميك لو هو مش كده؟ ومش حتربيه، ولو بتفكر تربيه يبقى بتحفر في بحر، مافيش جيش في الدنيا بيحترم حقوق الانسان وحق التظاهر، ومقارنة بالجيوش الاخرى في العالم كله، ده جيش حنين على رغم كل حوادث التعذيب وكل اطلاق الرصاص ده، اقل من كده مش حيبقى جيش ده حيبقى نادي شباب الحقانية
انا شخصيا مش باحب الحكم العسكري، وباحترم الجيش المصري، وما باحترمش اللي بيهرب من جيشه، خصوصا لما يبقى معترض على تعاون الجيش مع امريكا يقوم يهاجر على امريكا، فرد الجيش ما يهربش.. فرد الجيش المحترم يقعد في جيشه ويحاول يقلل الخسائر على قد ما يقدر، اييييوووةةة، اييييووووةةة، زي المجلس اللي مش عاجبكم ده اللي قعدوا في الجيش وما هربوش منه عشان يحافظوا عليه في حدود اتفاقية مش هم اللي وقعوها.. ودي شغلتهم
نا عايزة مؤسسة عسكرية قوية ووطنية ومتماسكة، ومش عايزاها تحكممش عايزاها تحكم عشان الحكم العسكري بيعذب وبيضرب نار وبيكشف على عذريات وبيخض الناس
خلاص... نعمل انتخابات
اعملوا بقى انتخابات مبكرة واللي ينجح ينجح
لأ.. مش عايزين انتخابات
عايزين مجلس رئاسي تنقي فيه اللي احنا نختاره من غير رغبة الشعب.. اصل الشعب جاهل ومحتاج توعية.. والجيش بطيء وايده طرشا
طب نعمل لك ايه احنا دلوقت؟
لا عاجبك الشعب، ولا عاجبك الجيش.. نجيب لك بلد منين على مقاسك؟ مش حينفع نجيب لك بلد على مقاسك، وحضرتك فيها لاخفيها
يعني يا تجيبوني انا احكم واللي على مزاجي انا، ومش على مزاج الشعب، لإنه جاهل بقى ومحتاج توعية، يا اما افكك لكم المؤسسة العسكرية، واعمل لكم انقلاب، واعمل فورتينة بينكم وبين الشعب، واهز البلد واعرضها للخطر، ومدام مش حاعرف اخلي الناس تنتخبني، يبقى اعرف بقى اقلبهم على المجلس اللي مش عايز يسلمني السلطة بدون انتخاب، وهم اساسا مش محتاجين وصاية، لما بيتنرفزوا بيضربوا بآخر ما عندهم
ماهو انت عشان تقنع الناس انها تنتخبك محتاج مجهود، لكن عشان تقوم الناس على بعض وتعمل حرب البسوس دي سهلة قوي، تشكك، وتخوف، وتخرف، وتعتمد على نقاط الضعف عند الطرفين، ومعاك ناس مستفيدة كتير حيساعدوك
هو اللي بيحب البلد دي ما قداموش الا حلين
الحل الاول استمرار الاعتماد على سلمية الثورة وتحييد الجيش حتى الانتهاء من الحصول على المطالب، من غير جر شكل، ومن غير ما اروح اجيب لهم ناس متمردة بالافرول ترتكب جريمة حرب وتتمترس بالمدنيين بدل ما تحميهم، واخد بالي اني باتعامل مع مكنة ممكن تاكل صباعي، واحافظ على مؤسسة عسكرية وطنية متماسكة مش اهدها واهددها عشان مش عايزة تعمل لي اللي انا عايزاه وما يهمنيش بقى اني اخرب الدولة المهم اوصل للي انا عايزاه
او.. عايزة بقى ابرطع واشم حرية واعمل اللي على كيفي، اعمل انتخابات مبكرة وارضى بحكم الشارع واختيار الشعب وما اقعدش كمان اعمل على الشعب حملة واشتم فيه واطالب علانية كده بالديكتاتورية واهزأه والبسه مصيبة، واختار طايفة فيه اعملها كبش فداء - اللي هم السلفيين بدون ذكر اسماء - عشان اخوف الشعب من الديمقراطية واقولهم لو عملتوا ديمقراطية حيجيلكم العو وامسح البلاط بالشعب وابهدله واحسسه انه ما يسواش ولا نكلة، وكمان اقول ان الاغلبية مش هم دول الثوار الاحرار، الثوار الاحرار هم اللي اختاروا الاختيار بتاعي اللي هو 22 في المية، يعني بادعم وجهة نظر مبارك في عدم شرعية الثورة بس عشان اطلع نفسي صح
باقول لكم ايه؟ آدي بلدنا.. وآدي شعبنا.. وآدي جيشنا.. اللي عاجبه ع الكحل يتكحل اللي مش عاجبه يترحل
مش عشان مش قادر تبني يبقى تخرب.. هو ده اللي بيحصل بالظبط، اللي مش عارف يبني بيهد، لإن الهد اسهل
اللي مش قادر يكون شعبية في الشارع، عشان مش قادر يقدم خطاب مجتمعي محترم، ومكسل ينزل الشارع يتكلم مع الناس، يقوم الناس على بعضها، ويحط لهم بودرة العفريت في قفاهم، ويحطهم في مواقف ومواجهات هم مش مضطرين ليها، وما هياش معركتهم، وماهياش اولولياتهم، ولا بتخدم مصلحتهم، بس مش مهم.. مش مهم.. ربنا ما يفرح حد واحنا حزانى، ومدام انا مش في السلطة يبقى يطلع عين ابو كل الناس
واللي ايام الثورة اللي بجد، وايام كربلاء مصر كان قاعد يعمل تويتنج من البيت، واللي سافر، واللي حواجبه وجعته، قرر يعمل ثوري على قفا البلد عشان يلحق اللقب
واللي يزعل يتفلق.. وزي ما قلت لبلال فضل: اللي بيشتغل لوجه الناس بيزعل على زعل الناس، واللي بيشتغل لوجه الله ما بيزعلش من حد، او كما قال احد العارفين استوى عندي محبة الناس وبغضهم
اه نسيت
اقروا المقال ده في الواشنطن بوست.. بيقول نفس الكلام اللي باقوله
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 71407
تاريخ التسجيل : 24May2010
المشاركات : 1,379
النوع : ذكر
الاقامة : cairo
السيارة: ربنا يسهل
السيارة[2]: النترا 2000
دراجة بخارية: لا يوجد
الحالة :
والله كلامك منطقي
رقم العضوية : 41050
تاريخ التسجيل : 25May2009
المشاركات : 2,179
النوع : ذكر
الاقامة : cairo
السيارة: no
السيارة[2]: no
دراجة بخارية: no
الحالة :
لاول مرة اقرالها كلام ويعجبنى
بس للاسف فى فئة تالتة متكلمتش عنهم وهى فئة الناس اللى فعلا مش راضيين عن الجيش فى جزئية التعامل مع الفساد
مبيطلبوش صدام معاه باى حال
ولا بيطلبوا يفككوه
ولا حيرضوا بمجلس رئاسى مدنى...
لكن شايفين ان الحل يفضل فى استمرار الاعتصام كنوع من الضغط عليه لتسريع التصرف مع الفاسدين...لكن كل يوم اربع يسلمونا واحد دى مش حتنفع واى حجج من نوعية اصل مفيش بلاغات اتقدمت ضدهم واصل فى قضايا واقفة فى الدور قبل منهم دى حجج متقنعش طفل صغير
الحل بسيط ادرء الشبهات واخرس اى لسان بانك تسلم كل المشكوك فى زمتهم فورا -ايا كان هما مين- والقضاء يشوف شغله
ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربناارجوك علشان خاطر صحتنا وفر شوية فى استهلاك الكهربااء
ارجووووك وفر شوية فى استهلاك البنزيييييناللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة
خليك ايجابى لنفسك حتى..زهقت من "الامعة" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"
رقم العضوية : 27285
تاريخ التسجيل : 10Dec2008
المشاركات : 11,282
النوع : ذكر
الاقامة : الكرة الأرضية
السيارة: -Cabrice-LTZ
السيارة[2]: ِAlfa156 seles-جيب جراند شيروكي
الحالة :
اللي مش قادر يكون شعبية في الشارع، عشان مش قادر يقدم خطاب مجتمعي محترم، ومكسل ينزل الشارع يتكلم مع الناس، يقوم الناس على بعضها، ويحط لهم بودرة العفريت في قفاهم، ويحطهم في مواقف ومواجهات هم مش مضطرين ليها، وما هياش معركتهم، وماهياش اولولياتهم، ولا بتخدم مصلحتهم، بس مش مهم.. مش مهم.. ربنا ما يفرح حد واحنا حزانى، ومدام انا مش في السلطة يبقى يطلع عين ابو كل الناس
واللي ايام الثورة اللي بجد، وايام كربلاء مصر كان قاعد يعمل تويتنج من البيت، واللي سافر، واللي حواجبه وجعته، قرر يعمل ثوري على قفا البلد عشان يلحق اللقب
واللي يزعل يتفلق.. وزي ما قلت لبلال فضل: اللي بيشتغل لوجه الناس بيزعل على زعل الناس، واللي بيشتغل لوجه الله ما بيزعلش من حد، او كما قال احد العارفين استوى عندي محبة الناس وبغضهم
-----------------------
أول مرة أتفق مع نوارة نجم بشكل كامل تقريبا
مقال موفق في رأي
ياحكم الشعب ياحكم الجيش مافيش بين البينين
إِن يَنصُرْ.كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ.كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿160)
م/محمد
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
فعلا دي اول مرة أتفق مع كل كلامها
ربنا يهدينا لما يحبه ويرضاه
انا خايف من الطائفة اللي مصممه انها يا تاخد السلطة يا تولع البلد ومصممين يشككو في الشعب ويقولو جاهل و أمي وحاجات غريبة جدا ومصممين يطعنو في اللي يعرتضهم
والطائفة الثانية اللي خايف منها هي بقايا وأشلاء الحزب الوطني
ربنا يستر ويعديها علي خير
اللهم احفظ مصر من كل سوء ورد كيد الكائدين
م / إيهاب منصور
SEAT CORDOBA 2002 1.0 16V AVZ
رقم العضوية : 3144
تاريخ التسجيل : 12Nov2007
المشاركات : 2,126
النوع : ذكر
الاقامة : القاهرة
السيارة: Citroën Xsara II
السيارة[2]: PEUGEOT 308
دراجة بخارية: لا يوجد
الحالة :
الست ديه بتقول كلام زي الفل
شفت هي لما بتكتب كلام منطقي بسقفله على طووووووول
فرق كبير جدا بين انك تكون شعب متحضر
أو تكون شعب "مدعي حضارة"
رقم العضوية : 3040
تاريخ التسجيل : 06Nov2007
المشاركات : 772
النوع : انثى
الاقامة : cairo
السيارة: toyota corolla 2009
السيارة[2]: Nissan Sunny 2008
دراجة بخارية: لا يوجد
الحالة :
أنا ساعات كتير بتفق مع نوارة في ارائها بس المرة دي أنا شايفة انها واخدة الأمورا من منظور عاطفي زيادة عن اللزوم وبتدافع عن المجلس العسكري و خلاص بكلام ملوش علاقة ببعضه.
الموضوع أكبر من حكاية الناس تنزل الشارع و الكلام الخايب ده لأن احنا دلوقتي بنتكلم على امور مينفعش فيها تهاون ولا تحتمل التأجيل. البلد واضح جدا ان فيها أيادي كتير بتخرب و كل يوم حادثة شكل و حرايق في كل حته بشكل مريب, و بعدين مبارك كمان يطلع يسخن الناس على بعض زيادة.
المجلس الأعلى هو اللي في ايده انه يخلي البلد تستقر لو أخد مجموعة خطوات حاسمة يخلص بيها كل حاجة. أولا مبارك و أسرته و سرور و صفوت الشريف يتم التحفظ عليهم حالا على ذمة أي قضية من اللي متقدم فيهم بلاغات بيها. ثُانيا حل الحزب الوطني و تجميد نشاط أعضاؤه و سرعة القبض على رجال الأعمال المعروف تورطهم في أعمال البلطجة (زي ما عملوا مع أبراهيم كامل أول ما لقوا الموضوع بيمس الجيش نفسه). ثالثا لجان قضائية لسرعة التحقيق في قضايا الفساد المختفة لتسريع نتائج التحقيقات و المحاكمات. رابعا عمل مجموعات تفتيش على الشرطة عن طريق وحدات الشرطة العسكرية لمراقبة عمل الشرطة المدنية و الفصل الفوري لمن يثبت منهم تقاعسه عن أداء عمله و ده عشان البهوات بتوع الشرطة اللي لسة بيربونا يا يشوفوا شغلهم يا بالسلامة.
بيتهيألي كل الخطوات دي متفق عليها و مفيش أي حاجة تمنع المجلس العسكري انه يكون حاسم فيها. انما التباطؤ و الهرجلة اللي الدنيا فيها دي بتشكك الناس في المجاس العسكري أكتر و أكتر و بتخلى البلد تغلي.
رقم العضوية : 37426
تاريخ التسجيل : 06Apr2009
المشاركات : 540
النوع : ذكر
الاقامة : الدقى
السيارة: نيو اكسنت سبورت
السيارة[2]: نيو سيراتو 2010
دراجة بخارية: لا
الحالة :
يا رب أذا أعطيتنى مالا فلا تأخذ سعادتىوإذا أعطيتنى قوه فلا تأخذ عقلىوأذا أعطيتنى نجاحا فلا تأخذ تواضعىوأذا أعطيتنى تواضعا فلا تأخذ أعتزازى بكرامتى
رقم العضوية : 3040
تاريخ التسجيل : 06Nov2007
المشاركات : 772
النوع : انثى
الاقامة : cairo
السيارة: toyota corolla 2009
السيارة[2]: Nissan Sunny 2008
دراجة بخارية: لا يوجد
الحالة :
يا أستاذ ايهاب الكلام المرة دي كله مغالطات و ملوش علاقة بالواقع. الواقع بيقول ان فيه تباطؤ خلا كل الأطياف تنزل الجمعة اللي فاتت عشان الجيش يتحرك. الواقع بيقول ان الجيش كان عارف ان فيه ظباط نازلين قبلها بأسبوع و يقدر يعرفهم بالأسم و يحجزهم أو يخلى الشرطة العسكرية تمنعهم يوصلوا الميدان, سابوهم ليه؟؟؟ الواقع بيقول ان دلوقتي الأنظار بتتحول بفعل فاعل بدل ما يكون فيه تركيز على المطالب اللى الناس اجتمعت عليها يوم الجمعة بقى الكلام ان الثوار الوحشين بيخونوا الجيش!!!!!!!!!!!!!!! الواقع بيقول انه فيه محاولات دؤوبة للوقيعة بين الأطياف المختلفة بدأت من أول الاستفتاء الصوري اللي الجيش عمله و مستمرة و أحنا عمالين كل شوية نتجرلها مرة الأخوان وحشين, لأ ده السلفيين هما اللي بيرهبوا الناس, لأ لأ ده الليبراليين عايزين الحكم بالعافية, لأ لأ لأ ده الشباب بيخربوا و مش عايزين البلد تستقر!!!
طيب أنا حأبقى معاك و مع نوارة ان فيه ناس وحشة و مغرضة و ليها أهداف تانية. المجلس العسكري بيديهم فرصة للتشكيك ليه بالتباطؤ المريب ده؟؟؟ مبارك ماشي بقاله شهرين, شهريييييييييييييين!! مش معقول شهرين مش كفاية عشان نقبض على الناس الكبيرة اللي بتخرب في البلد و نسيطر على الأمن و نمشي الدنيا و بعدين نبقى نتخانق و نختلف سياسيا براحتنا؟؟؟
رقم العضوية : 3040
تاريخ التسجيل : 06Nov2007
المشاركات : 772
النوع : انثى
الاقامة : cairo
السيارة: toyota corolla 2009
السيارة[2]: Nissan Sunny 2008
دراجة بخارية: لا يوجد
الحالة :
المفضلات