ملاحظاتى على العمرة والتلين

الاخوة الكرام .
الحمد الله انا عمرا العربية وبلين دلوقتى . موضوع العمرة كلة هنا للى عايز يقرا http://www.nilemotors.net/Nile/showthread.php?t=20232
المهم العربية قعدت حوالى 35 ساعة شغالة بتلين على الواقف وحرقت حوالى 20 لتر بالعافية طبعا 35 ساعة مش متواصل يعنى ندور شوية ونريح شوية . الى حاصل دلوقتى وعايز اخد رائيكو فية ان العربية بدور بعد ما تكتين تقريبا مع صوت زعق اكنى المارش بايظ ..
كمان وانا بلين امبارح على طريق العين السخنة مشيت حوالى 260 ك وفى الفترة دية العربية وانا على سرعة 50 ك على الرابع لمبة check نورت وبعدين العربية بطلت على طول . ركنت شوفت امبير الحرارة لقيتة قبل النص بشرطة وحولت ادور العربية مش عايزة تدور . ريحتها حوالى 10 دقايق واشتغلت تانى بس برضة بعد صوت الزعق . طبعا انا كنت بلين الساعة 12 بليل علشان الدنيا حر اليومين دول ..

لما اتصلت بالمهندس قلى ان الموتور لسة تقيل على المرش لغاية ما يلين كمان موتور السلانسية الموتور لسة تقيل علية وهو دة الى خلى العربية تبطل . ومش بدور من اول تكة ارجو الافادة ..
كمان قلى لين حوالى 1000 ك على سرعة 30 40 50 60 70 بالكتير مش عارف 1000 ك دول كتير ولا قليلين ..

على العموم انا مستنى رائيكو فى الى بحصل دة عادى ولا اية النظام

على فكرة الشكمان بقى بيعرق مية وعلى ما اعتقد ان دة كويس للموتور ( العربية اكسنت 1500 موديل 2000 عداد 102500 ك )
شكرا وفى انتظركم

شوف يا باشا..
بالنسبة لأول نقطة..
صوت المارش.. بصراحة انا مش عارف.. بس هو ادري بالعربيات الجديدة..
انا بالنسبالي في العربية القديمة.. صوت المارش كان عالي اصلا من البداية.. قبل العمرة اقصد..
اما بالنسبة لموضوع ال1000 كم.. فده يعتبر مش كتير.. ده معقول..
انت ممكن تلين لحد 1500 و 2000 كم كمان..فهنقول ان 1000 معقول
وبعد كده تمشي بالعربية عادي بس تتجنب القرص ع العربية لحد ما تقفل ال2000 كم..
وكون ان الشكمان يعرف مية.. فده معناه ان الموتور ما شاء الله تمام وان العربية بقت زي الفل..
ولسة بعد التليين هتحس بالفرق كله بقي..
عشان الموتور لسة تقيل
ابقي طمنا عملت ايه تاني..

مبروك يا باشا
عايز اضيف حاجة هو فعلا ممكن الماتور في بداية التشغيل بيكون تقيل خصوصا في فترة التلين علشان كده بتحس بتغتيل مع لفة المارش طبعا المفروض الموضوع ده هيخف تدريجي مع تلين الماتور لو مظبتش هاتروح للكهربائي يريحلك المارش
بس موضوع التبطيل اثناء المشي واللمبة <a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/000201D2.gif" border=0 ></a>
لازم تراجع الميكانيكي علشان تعرف ايه السبب
1000 كيلو كويس جدا علي السرعات اللي انت ذكرتها