الموضوع: رعشة فى الريجاتا مع السرعة الأولى و الثانية

المشاركة الأصلية كتبت بواسطة hotbird2271980

فكرة جديرة بالتنفيذ .. بس ياريت لو حضرتك تشرحلى يعنى إيه صلايب الكردان و مكانها فى السيارة .. معلش أنا تاعبكم معايا .

نهاية عمود الكردان من الخارج عند الجنط ده الكوبلن نهايه عمود الكردان من الناحيه التانيه دى صلايب الكردان .
غيرها وعلى ضمانتى .
بس خلى بالك لازم تاخد القديمه معاك علشان فى مقاسات وحاول تجيبها من حد مضمون مضمون مضمون جداً لان فيه منها مضروب كتير اوى وهتفرك فى نفس اليوم وياسلام لو تجيبها استعمال يبقى مش هتغيرها تانى ابداً وممكن تلاقى الاستعمال فى حدود 50 -55 جنيه يعنى اغلى من الجديد .

المشاركة الأصلية كتبت بواسطة nicegypt

كلام استاذ مجدي مظبوط 100 % ... الصلايب دى عبارة عن قطعتين واحدة فى الكوبلن الاول والاخري فى الكوبلن الثانى
ومش هتقدر تشوفهم بدون ميتفك الكوبلن . الشك بيكون فى الصلايب فى حالة ان الحاجات اللى هكتبها دى سليمة 100 % .. وخلي بالك لازم تكون سليمة ومتأكد منها :

1 - الجنوط : تكون سليمة مفهاش اي تعرجات او خبطات او انحناءات
2 - ظبط زوايا
3 - المقصات والمساعدين " مع مراجعة شاملة على العفشة "
4 - الترصيص
5 - الديسك اواسطوانة الدبرياج او كلاهما .. ودى لها اعراض واضحة ومعروفة لعدم الخوض فيها .

طيب انا كل ده سليم عندى و عندى نفس الرعشة و بتبان اوى على سرعة 100 زياده عن كده انها بتعوم انا مغير الاكسات بالصلايب الجنوط سليمة و مترصصة اكتر من 5 مرات زوايا تمام ماعتقدش ان طقم الدبرياج يرج و يهز العربية فى الجرى مالهوش علاقة هو بس بيبان فى الطلعة تحس برعشة انا حاموت و اوصل لحل

المشاركة الأصلية كتبت بواسطة maged_samy

نهاية عمود الكردان من الخارج عند الجنط ده الكوبلن نهايه عمود الكردان من الناحيه التانيه دى صلايب الكردان .
غيرها وعلى ضمانتى .
بس خلى بالك لازم تاخد القديمه معاك علشان فى مقاسات وحاول تجيبها من حد مضمون مضمون مضمون جداً لان فيه منها مضروب كتير اوى وهتفرك فى نفس اليوم وياسلام لو تجيبها استعمال يبقى مش هتغيرها تانى ابداً وممكن تلاقى الاستعمال فى حدود 50 -55 جنيه يعنى اغلى من الجديد .

انا مغير الاكسات بالصلايب جايبهم استعمال الاتنين عاملين 70 جنية كاملين و فعلا الاستعمال احسن من الجديد

المشاركة الأصلية كتبت بواسطة hotbird2271980

أنا روحت للميكانيكى امبارح و كشفلى على صلايب الكردان و قاللى انها فعلا فاركة ( مبوشة ) .. سألته على سعرها قاللى الإيطالى عامل 35 جنيه زى ما حاضرتك قولت يا أستاذ مجدى .. بس انا مش عارف اجيبهم و لا اجيب المستعمل اللى حضرتك قولتلى عليه .. و منين اشترى المستعمل ده .. و لكم جزيل الشكر لتفاعلكم مع مشكلتى .

الايطالى ده معظمة مضروب هات المستعمل هتلاقيه فى وكالة البلح او الحرفيين او عزبه شلبى فى المطريه ( اقربلك من القليوبيه ) فى القاهرة .
او الفراهده او الساعة فى الاسكندرية .

المشاركة الأصلية كتبت بواسطة mody100

طيب انا كل ده سليم عندى و عندى نفس الرعشة و بتبان اوى على سرعة 100 زياده عن كده انها بتعوم انا مغير الاكسات بالصلايب الجنوط سليمة و مترصصة اكتر من 5 مرات زوايا تمام ماعتقدش ان طقم الدبرياج يرج و يهز العربية فى الجرى مالهوش علاقة هو بس بيبان فى الطلعة تحس برعشة انا حاموت و اوصل لحل

راجع على الجنوط والترصيص و لو عندك جنوط اسبور راجع على الرينجات بتاعتها .

موضوع العومان راجع على ضبط الزوايا عند حد تانى واتأكد انك مش رافع العربية من قدام ( يعنى مش حاطط كاوتش عليات مثلاً تحت السوست ) .

المشاركة الأصلية كتبت بواسطة maged_samy

راجع على الجنوط والترصيص و لو عندك جنوط اسبور راجع على الرينجات بتاعتها .

موضوع العومان راجع على ضبط الزوايا عند حد تانى واتأكد انك مش رافع العربية من قدام ( يعنى مش حاطط كاوتش عليات مثلاً تحت السوست ) .

هى فعلا جنوط اسبور و الزوايا والترصيص زى الفل بس مافيش رينجات فى الجنط تفتكر الحوار ده كله بسبب الرينجات ؟

المشاركة الأصلية كتبت بواسطة mody100

هى فعلا جنوط اسبور و الزوايا والترصيص زى الفل بس مافيش رينجات فى الجنط تفتكر الحوار ده كله بسبب الرينجات ؟

روح لواحد كويس بتاع جنوط يركبلك 4 رينجات هما فى حدود 40 جنيه وانت وشطارتك .