عربيتي الصني اتجننت !!!!!!!!

**elpasha1** · 14-04-2011 02:01 PM

كان حصل حاجة زى كدة فى عربي واحد صحبى وهى لانسر ... المشكلة كانت فى سلك اكسلاتير البنزين مكنش محطوط فى مكانة كويس
فممكن يكون عندك نفس المشكلة
والله اعلم

**Ahmed.TV** · 14-04-2011 04:01 PM

المشاركة الأصلية كتبت بواسطة mema75

احمد باشا
ايه اخبارك تصدق انا كنت قلقان عليك في فترة محاصره مبني التليفزيون
هاجازف واروح لميكانيكي هنا ينظف الحساسات وربنا يستر لان الموصوع بيسوء يوم عن يوم ومش هاينفع استني عليها لما ارجع القاهره

الله يخليك يا مصطفى باشا , ربنا يخليك ليه ومتحرمش من سوالك بجد

احنا محاصرين بمظاهرات جوة التليفزيون اصلا كمان مش بره وبس , وربنا يستر ويهدى الحال , ويعدى الايام دى على خير , وشاكر سوالك يا غالى

وان شاء الله موضوعك يتحل على خير باذن الله , وياريت لما تيجى القاهرة نتشرف بيك ونتعرف عليك يا باشا

وكلمنى وقت لما تيجى , عشان كمان لو اقدر اكلم حد فى التوكيل عشان تقدر تخلص امورك بسرعة وتخلص على خير باذن الله واطمن

تحياتى ليك يا كبير

**د.أحمد السعيد** · 14-04-2011 11:25 PM

المشاركة الأصلية كتبت بواسطة sab3aawy

1- اعادة تعريف وضع الأيدل (بتتعمل بمفتاح العربية والطريقة مشروحة فى موضوع مثبت)
2-لو 1 مجابتش نتيجة ننتقل الى تنظيف صمام التباطؤdle sensor ) ) وهى عملية يمكن اجراءها تحت البيت ولا تحتاج سوى مفك وعبوة wd40 ثم اعادة الخطوة رقم 1
3- لو خطوة 2 مجابتش نتيجة ممكن تجربة تغيير وضعية حساس وضعية الخانق tps وايضا هى عملية بسيطة لا تحتاج سوى مفتاح بلدى مقاس 7 ثم اعادة الخطوة رقم 1 بعد كل تجربة ضبط
4- لو من 1 الى 3 مجابتش نتيجة هتحتاج زيارة للتوكيل يكشفولك على ال tps وال idle sensor ولو فيهم واحد بايظ هيغيروه ، بس انا شخصيا شاكك اكتر فى صمام التباطؤ (الأيدل سنسور) وان شاء الله تنضيفه هيضبط العربية معاك

يا ريت يا بشمهندس صور للخطوة رقم 2 الخاصة بتنظيف صمام التباطؤ ( بصراحة انا كنت بنضفه بنفسى فى النوبيرا بس مش عارف وضعة فى النيسان فين )

**fouaa** · 14-04-2011 11:39 PM

هيا العربيه لما بيبقى الار بى ام عالى وتيجى تمشى بيها بتمشى معاك وتفضل سرعتها تزيد ولا بتيجى عند ار بى ام تلاته وتفضل ثابنه عليه؟
لو بيحصل معاك كده انها تيجى على الاربى ام تلات ومترضاش تزود وتفضل تنتش ده حاجه اسمها ال ايرماس وده حساس بيبقى موجود عند فلتر الهوى وده الى بينظم كميه البنزين الى هيترش مع كميه الهوا الى داخل لو داخلو هوا قليل يحط بنزين كتير داخلو هوا كتير يحط قليل حسب حجم الهوى بيقدر كميه البنزبن وده فمره جننى وبيفضل قايد لمبه الاتشيك واول مغيرتو بقت عادى افتكرتها خلاص باظت

**power** · 15-04-2011 01:58 AM

اعتقد ان ده حساس الايدل

**aboamr** · 16-04-2011 02:34 AM

دا حساس الايدل فعلا دا حصل معايا و الار بى ام كان بيلخبط والعربيه تعلى وتبطل وفعلا غيرته والعربيه ظبطت تمام بس الموديل عندى فديم شويه انما كانت نفس المشكله

**mema75** · 17-04-2011 11:32 AM

السلام عليكم
في الاول اسف لعدم ردي عليكم اليومين اللي فاتو لاني كنت اجازه ومش عندي نت في البيت
ثلنيا الف شكر لكل الرجاله اللي زي الفل الي تعبو نفسهم وحاول يقدملوا حل للمشكله دي
ثالثا الحمد لله المشكله في طريقها للحل ان شاء الله لاني يوم الخميس استعنت بالله ورحت لميكانيكي واحد صاحبي قالي عليه انه كويس وعنده جهاز كشف اعطال نيسان المهم روحت وحط العربيه علي الجهاز عن طريق وصله تحت الطارة جنب الفيوزات (يا احمد باشا ماتشوفلنا السوفت ويير بتاع العربيه والواحد ممكن يجرب عن طريق اللاب توب ) المهم قالي ان العربيه زي الفل بس في حد وطي العربيه من الكبوت البوابه و الحساس عايزين يتنظفو فك الحساس اللي هو عند مدخل عمة الهواء ونظفه ونظف كمان البوابه اللي بتظهر لما بنفك العمه ( معلش انا مش عارف الاسماء العلميه ) والحاجه التانيه اني في 2 بوجيه مقفولين واتنين مفتوحين عرف ده عو طريق قراءه معينه من الجهاز ان في اتنين قراءتهم اقل
المهم عملنا القصه دي كلها وعلي العربيه من الكبوت لحد ما بفي ال rpm مابين 7و8 تمام
وانا بقالي من يوم الخميس ( 3 ايام ) ماشي بيها كويس فولت بنزين ومستني اشوف الاستهلاك هايرجع زي الاول ولا لا السحب بقا تمام
يوجد هناك ملاحظه غريبه شويه هي ان العربيه لما بدوس دبرياج علشان انقل ال rpm بينزل تحت الواحد ويطلع تاني فوق الواحد ليكوت واحد ونصف تقريبا ( انا حاسس انه علي العربيه زياده او في حاجه في السوفت ويير )
ان شاء الله لما انزل القاهره هاروح التوكيل ( اكيد هاكلمك يا حمد باشا )
شكرا ليكم جميعا علي تعبكم معايا
اخوكم مصطفي