أخي الفاضل , بالإضافة لكل ما ذكره الإخوة جزاهم الله خيرا
هناك هذا الموقع , والذي يعد دليلا للمواقع الإسلامية العربية
دليل سلطان للمواقع الإسلامية العربية
http://www.sultan.org/a/
عرض للطباعة
أخي الفاضل , بالإضافة لكل ما ذكره الإخوة جزاهم الله خيرا
هناك هذا الموقع , والذي يعد دليلا للمواقع الإسلامية العربية
دليل سلطان للمواقع الإسلامية العربية
http://www.sultan.org/a/
جزيت خيرا شيخنا الجليل
يكفيك فخرا انك حملت القرءان الكريم
اللهم ارزقنا بما من عليك به
بارك الله فيك يا شيخ خالد , وعلى فكره أحنا جيران
اول شىء عملته وقت دخول ابنتى الى المدرسه هو اختيار مدرسه لغات اسلاميه بالمعادى للتنشئه على عدم الاختلاط
السنه اللى بعدها اولادى الصبيان 14 و 12 سنه كانو فى كليه النصر وكنت بشوف الاختلاط فى سن المراهقه دى وحتى ثانوى وانتباههم للأستعراض امام الفتيات , نقلتهم لنفس المدرسه الاسلاميه الغير مختلطه
ربنا يحفظنا و يحفظ اولادنا من الاختلاط و عواقبه
وبارك الله فيك أخي أستاذ / ســيف
والله ياأخي سعدت أن نكون جيران :satelite:
وخيرا فعلت بإذن الله أنك نقلت الأولاد إلى مدرسة إسلامية
حضرتك المكان الذي أعمل به قريب من كلية النصر والمدرسة الأمريكية ,
ونرى من الإختلاط ما يندي له الجبين
اللهم احفظ أولادنا وبناتنا ونسائنا وأخواتنا وأمهاتنا
اللهم احفظهم من بين أيديهم ومن خلفهم وعن أيمانهم وعن شمائلهم
[mark=#cc0606]
وصل اللهم وسلم على الحبيب محمد
[/mark]
انا مع ان البنات يبقوا فى مدارس بنات:hlopaet_prv::hlopaet_prv:
والله ربنا نزل كل القواعد والقوانين اللي المفروض البشر يمشوا عليها لتحقيق السعادة في الدنيا والفوز بالاخرة
بس للاسف احنا اللي بنخالف شريعة ربنا وبنجيب لنفسنا وجع القلب والمشاكل
بس ده عشان البنات مش لعبيين:biggrin2::biggrin2:
عايز رأيك يا شيخ في المحاضرة دي بعد اذنك
[youtube]http://www.youtube.com/watch?v=FAkmTZB-V5g&feature=related[/youtube]
السلام عليكم ورحمة الله وبركاته
أخي الكريم AngelicCore
أعتذر عن التأخير في الرد نظرا لأنقطاع النت وكنت أقوم بالتصفح من المحمول ولا أستطيع سماع
الملف الفيديو
أخي الكريم , استمعت تقريبا لنصف هذه المحاضرة ( حتى الدقيقة 40 )
والأفضل أن يرجع لعلماء السنة فيما ذكره الأخ المحاضر جزاه الله خيرا , وما سأذكره من رأيي
فيها هو رأي شخصي
1- تحدث الأخ الفاضل عن حدود الإختلاط بين الجنسين , وذكر كلاما جميلا عن غض البصر وتجنب
المصافحة وتجنب المزاحمة وتجنب الخلوة وتجنب مواطن الشبهات وعدم الخوض في فاحش الكلام
أو بذيء الكلام وعدم الحديث فيما لاينفع وهذا كلام طيب
2- قال أننا لانقبل كلامه إلا بدليل وأن الذي لا يطالب بالدليل هو الحبيب صلى الله عليه وسلم لأنه
المشرع , ثم الخلفاء الراشدون الأربعة لقول النبي صلى الله عليه وسلم عليكم بسنتي وسنة
الخلفاء الراشدين المهديين من بعدي
ثم ذكر حديثا عن الفضل بن عباس رضي الله عنهما أنه كان في الحج مع النبي صلى الله عليه
وسلم أن الفضل كان رديف رسول الله صلى الله عليه وسلم فجاءته امرأة من خثعم تستفتيه
فجعل الفضل ينظر إليها وتنظر إليه فجعل رسول الله صلى الله عليه وسلم يصرف وجه الفضل إلى
الشق الآخر
ثم قال المحاضر يعنى ما قلهاش روحي اتنقبي ,
وما أعلمه أن هذا استدلال غير صحيح , لأن المرأة كانت محرمة , والمحرمة لاتنتقب لقول النبي
صلى الله عليه وسلم قال المحرمة لاتنتقب ولا تلبس القفازين
فكما ترى أخي هذا استدلال بدليل لاتقوم به حجة
فالقضية ليست في الدليل ولكن في صحة الإستدلال به
وصل اللهم وسلم على سيدنا محمد
ما شاء الله يا شيخ خالد الموضوع مكسر الدنيا : )
السلام عليكم ورحمة الله وبركاته
الإخوة الأفاضل والأخوات المحترمات
إليكم بعض الفوائد المتعلقة بالموضوع أردت أن أضيفها لكي تكتمل الفائدة
1 - عند المشاركة في أي موضوع , ألا نكثر في الكلام , وأن يكون الحديث في صلب الموضوع ,
لكي نحافظ على أوقاتنا
2 - أختي المحترمة الفاضلة , لاتضعي في الصورة الرمزية الخاصة بك , صورة مثلا لفتاة متبرجة
أو ما شابه ذلك , فيطمع الذي في قلبه مرض , وابتعدي عن استخدام الأسماء الرمزية التي تحمل
صفات غير مقبولة أو تحمل أسماء غربية قد يظن من يقرأها أن صاحبة هذا الإسم تشبه هذه
الشخصية ,,,, حتى لاتكونين سبب في فتنة الرجال
فالحبيب صلى الله عليه وسلم يقول ما تركت بعدي فتنة أضر على الرجال من النساء
3 - عدم الإكثار من إنشاء مواضيع جديدة , قليلة أو عديمة النفع للزملاء , مع الإسهاب في النقول
المدرجة بهذه الموضوعات
فهذه المواضيع تصفحها فيه مضيعة للوقت , وتؤدي إلى إغراق المنتدي بمواضيع تتسبب في ابتعاد
الكثير عن تصفح منتدانا الحبيب
3 - أخيرا , كلّ منا سيسأل عن الوقت ,
ولن تزول قدما عبد يوم القيامة حتى يسأل عن عمره فيما أفناه وعن شبابه فيما أبلاه
فاجعل نيتك أخي الكريم , أختي الكريمة , عند الدخول للمنتدى هي :
- النصح لكل مسلم ومسلمه
- تعلم أو تعليم شيئا تنفع به الأمة
- وليس رغبة في ثناء الأعضاء عليك
هيا بنا , (وأبدأ بنفسي ) نصحح نيتنا , فيكون الوقت الذي نقضية في المنتدى في ميزان حسناتنا
بمشيئة الله تعالى
[mark=#ba0404]وصل اللهم وسلم على من علمنا أن الأعمال بالنيات وأن لكل امريء مانوى[/mark]
بسم الله والحمد لله والصلاة والسلام على رسول الله
وبعد بمناسبة كلامنا بالأمس على النية
فقد كنت بالأمس في الدار وكان موضوع الدرس عن النية
فكان مما قلت , بفضل الله سبحانه وتعالى
أن حديث النبي صلى الله عليه وسلم إنما الأعمال بالنيات وإنما لكل امريء ما نوى
قال عنه الإمام الشافعي رحمه الله هذا الحديث 1/3 الإسلام , ويدخل في 70 بابا من أبواب الفقه
وقال عنه الإمام أحمد رحمه الله أن أصول الدين في أحاديث ثلاثة :
- حديث إنما الأعمال بالنيات ,
- حديث من أحدث في أمرنا هذا ماليس منه فهو رد ,
- وحديث الحلال بين والحرام بين وبينهما أمور مشتبهات فمن اتقى الشبهات فقد استبرأ لدينه
وعرضه ومن وقع في الشبهات وقع في الحرام
- وأهمية النية أنها تفرق العبادات عن العادات مث غسل الجنابة ( عبادة) والغسل العادي لترطيب
البدن ( عادة )
وتفرق العبادات عن بعضها , مثل صلاة الفريضة وصلاة النافلة
وبصلاح النيات تتحول العادات إلى عبادات
وضابط النية هو أن تقصد بعملك امتثال أمر الله ورسوله صلى الله عليه وسلم
وبالنية الصالحة تبلغ منازل الأبرار
كما في حديث أنس أن رسول الله صلى الله عليه وسلم رجع من غزوة تبوك ، فدنا من المدينة ،
فقال : ( إن بالمدينة أقواما ، ما سرتم مسيرا ، ولا قطعتم واديا إلا كانوا معكم ) . قالوا : يا
رسول الله ، وهم بالمدينة ؟ قال : ( وهم بالمدينة ، حبسهم العذر )
وحديث إنما الدنيا لأربعة نفر ؛ عبد رزقه الله مالا و علما فهو يتقي فيه ربه ، و يصل فيه رحمه
و يعلم لله فيه حقا ، فهذا بأفضل المنازل ، و عبد رزقه الله علما ، و لم يرزقه مالا ، فهو صادق
النية ، يقول : لو أن لي مالا لعملت بعمل فلان ، فهو بنيته ، فأجرهما سواء و عبد رزقه الله
مالا ، و لم يرزقه علما يخبط في ماله بغير علم ، و لا يتقي فيه ربه ، و لا يصل فيه رحمه ، و
لا يعلم لله فيه حقا ، فهذا بأخبث المنازل ، و عبد لم يرزقه الله مالا و لا علما فهو يقول : لو أن
لي مالا لعملت فيه بعمل فلان ، فهو بنيته ، فوزرهما سواء ) مثل هذه الأمة كمثل أربعة نفر :
رجل آتاه الله مالا و علما فهو يعمل بعلمه في ماله ؛ ينفقه في حقه ، و رجل آتاه الله علما و لم
يؤته مالا و هو يقول : لو كان لي مثل هذا عملت فيه بمثل الذي يعمل فهما في الأجر سواء ، و
رجل آتاه الله مالا و لم يؤته علما فهو يخبط في ماله ينفقه في غير حقه ، و رجل لم يؤته الله
مالا و لا علما ، و هو يقول : لو كان لي مثل هذا عملت فيه مثل الذي يعمل قال رسول الله :
فهما في الوزر سواء
اللهم ارزقنا النية الصالحة
ربنا يحفظ المخلصين للدين
السلام عليكم ورحمة الله وبركاته
بسم الله والحمد لله
اللهم صل على محمد وعلى ءال محمد كما صليت على إبراهيم وعلى ءال إبراهيم إنك حميد مجيد
وبعد , الإخوة والأخوات الأفاضل , كيف حالكم مع الله , أسأل الله أن يجعل قلوبنا عامرة بالإيمان
جائني مشكلة في المسجد الذي شرفني الله بأن أعتلي فيه منبر رسول الله صلى الله عليه وسلم
وهذه المشكلة تتعلق بموضوعنا وهو حكم الصداقة بين الرجل والمرأة
وهذه المشكله ذكرها لي أحد الإخوة وهي خاصة بصديق له
هذا الصديق يعمل في أحد الشركات الخاصة وهذه الشركة كل من فيها ليسوا على درجة كبيرة من
التدين إلا هذا الصديق وامرأة أخرى ملتزمة حديثا
فكان هذا الرجل يهديها بعض الكتيبات الدينية والأشرطة , لكي يزداد إيمانها
( انظر أخي من أين يأتي الشيطان )
إلى أن قامت بينهم صداقة
إلى أن تطور الأمر إلى اتباع خطوات الشيطان
وصارت بينهما علاقة لاترضي الله ورسوله صلى الله عليه وسلم
وقال لي هذا الأخ الذي يصلي معي , ماذا نفعل معه لكي نرده للصواب
فما رأيكم ؟
السلام عليكم يا شيخ خالد ربنا يبارك لنا وللمنتدى الاجتماعى فى حضرتك وفى نصائحك
فى رأيى المتواضع .... الحل فى النور
يعنى الكلام والمنافع المشتركة دينيه أو دنيوية بين الجنسين تكون فى العموم وليس الخصوص درءا لوساوس الشيطان
أنا عن نفسى ضد إن الناس تذاكر دروس دين حتى فى التليفون ...
يعنى أى مصلحة تكون فى وجود المحارم أو على الأقل الصحبة الآمنه ولكن مش أتنين لوحدهم أبداااا (ذكر وأنثى)
و زمان كان النساء يذهبن للمساجد ويسألن فى أمور الدين وحتى ساعتها كانوا مع الرجال فى مؤخرة المسجد دون حواجز أو أماكن مخصصه لهم كما هو الحال الآن
وتقبل خالص شكرى وتقديرى وأحترامى ... نفع الله بك و أثابك وأجزل لك العطاء
فيها شبه كبير من قصة برصيصا لما الشيطان استدرجه بعمل الخير
العلاقة وصلت لحد فين بالضبط لو بيتكلموا فى التليفون مثلا كلام حب ولا بيخرجوا يتفسحوا فى اماكن عامة الموضوع يتلحق
لو اكتر من كده هو بقى متجوز ولا ايه يعنى الموضوع محتاج تفاصيل اكتر
جزاك الله الف خير يا شيخ خالد
بسم الله والحمد لله والصلاة والسلام على رسول الله وبعد
أولا : الأخ غير متزوج , الأخت متزوجة
ثانيا : على حسب كلام الأخ الذي يصلي معي ( أسأل الله أن يحفظ بناتنا ونسائنا وأخواتنا وأمهاتنا
من المعاصي ) أن الأمر بينهم غير مرضي لله ورسوله , واستح أن أقول أكثر من ذلك
ثالثا : المشكلة أن هذا الأخ يعرف جيدا حكم الشرع في هذا ويعرف الآيات والأحاديث الدالة على
التحريم , ولكنه منزلق في حبائل إبليس لعنه الله
رابعا : ذكّرته بحديث أترضاه لأمك , وبحديث كما تدين تدان , وبغيرها
وقلت له إن الله يقول فمن جاءه موعظه من ربه فانتهى فله ما سلف وأمره إلى الله
وقلت له إن أردت التوبة فأقلع فورا عن المعصية واندم واعزم على عدم العودة
وقلت له إن أردت الخلاص فلابد أن تفارق مكان المعصية , فاترك العمل وسيبدلك الله خيرا منه
أو اطلب نقلك لإدارة أخرى بعيدة عن هذا المكان
أسأل الله أن يحصن فروجنا ويستر عيوبنا وأن يحفظ عوراتنا أحياء وأمواتا
جزاك الله خيرا
خلاص فهمت
طيب هى متجوزة ودى كارثة كبيرة جدا
هو بقى ملوش دعوة تتهدى ولا تروح فين ينقذ نفسه
حتى العقوبة مختلفة ليه وليها
هو فعلا حل انه يسيب الشغل ده كويس بس اشك انه يعمله
لو تقدر تفضل على علاقة بيه يكون كويس
عشان تساعده
اول خطوة فى الطريق للتراجع انه حاسس بالذنب وبيبحث عن الخلاص اظن في امل بس بتقول انه عارف الأحاديث طب ما طبعا هو اللى بيعمل حاجة غلط ماهو عارف بس ده بيبقى ضعف منه مش جهل والشيطان عرف انه ضعيف فى الحتة دى فبيشتغل عليها
خوفه كمان بعيدا عن الدين بقى المجتمع : لو جوزها عرف
لو حد شافهم لو اتمسكوا الفضيحة لو العلاقة اثمرت لو اتنقل له مرض كده يعنى
جايز ده يرعبه اكتر
كان فى صور على النت للحدود بتقام فى الصومال علنا ممكن لو شافها تهزه
جايز شاكك ان ربنا مش ممكن يسامحه مش مصدق ان التوبة هتمسح كل ده وتبدله حسنات كمان
لو مش هيقدر يسيب الشغل لازم يبقى عنده القوة اللى تسحبه بعيد عنها وممكن هى كمان متسيبوش بالساهل
مش عارفة لو الكذب هنا ممكن ويقولها ان حد شافهم وهم بيتقابلوا وهدده انه لو مسابش الموضوع ده فورا هيقول لجوزها؟
http://saaid.net/twage3/116.GIF
جزاك الله خيرا يا شيخ خالد
ربنا يهدي الجميع ويهديه ويهديها
ولا حول ولا قوة الا بالله العلي العظيم
غالبا واتوقع المشكلة الاخيرة هيكون المتسبب فيها الشاب
هو من بدأها بالهدايا وهو من بدأها بنظرات الاعجاب والكلام المعسول وهي للاسف اتبعت خطوات الشيطان خطوة خطوة الى ان وصلت لهذه الدرجة
عن ابي هريرة رضى الله عنه قال: قال رسول الله صلى الله عليه وسلم : ليس منا من خبب امرأه على زوجها او عبدا على سيده)
وفي رواية اخرى: (من خبب عبدا على اهله فليس منا ومن افسد امرأة على زوجها فليس منا)
مش لاقيه حل اقوله كنصح او مساعدة اكثر من اللي حضرتك ذكرته يا شيخ خالد ومخنوقة جدا والله من القصة دي بسبب انتشارها في مجتمعات المسلمين وياما سمعت وقريت قصص مشابهة والنتائج دائما خطيرة ان لم يتب العصاة
على فكرة أحسن حاجة فى العمل الفصل بين الرجال والنساء
أنا يقى لى 6 سنين بشتغل فى مكتب مع سيدات فقط و الزملاء الرجال فى مكتب آخر
شئ مريح جدا للطرفين وكل نوع بيأخد راحته فى القعدة و الكلام ولما يكون فى شغل مشترك فى وسط مجموعة الزملاء
وبيكون الكلام فى الشغل أو فى العموم زى المنتدى هنا ...
أذكر إن اليابان من فترة عملت تجارب لفصل الجنسين فى العمل ووجدت إنه بيزود الانتاجية
انا بقى شايفة غير ان المسئولية مشتركة بينه وبينها
كمان فى مسئولية على جوزها ايوه بقى انا لما بسمع الحاجات دى بتخيل الزوج ده ممكن يكون عامل ازاى يعنى 99% من النساء المسلمات مش هتبقى الخيانة فى دمهم مش بالساهل كده لازم يكون فى ظروف قوية جدا تدفع لكده ده مش مبرر طبعا بس بدور على السبب
يعنى اهمال جامد ممكن يكون بيخونها زى القصة اللى حكيتها قبل كده حرمانها العاطفى خلاها ضعيفة
برضه بقول مفيش اى مبرر للخيانة بس بحكى كل ده عشان 1= انبه الأزواج مش كل واحد يعتبر مراته دى حاجة مسلم بيها
2=ان محدش كبير على اى معصية طالما ساب نفسه للشيطان هى اول خطوة هتجر خطوات كتير بعد كده
يعنى اكيد هما الأتنين فى يوم من الأيام كانوا بيسمعوا قصص زى دى ويقولوا ايه الناس دى وبيفكروا جواهم مش ممكن نعمل كده
موسوعة الحديث - عرض الكتب - إسلام ويب
3=ان محدش يعمل نفسه مصلح اجتماعى للجنس الآخر يصلح اللى زيه
4= ان الراجل يحافظ على اعراض الناس من قبل الجواز عشان عرضه هو يبقى محمى بعد كده
كمان شايفة ان فى مسئولية على التلفزيون
يمكن يكون الكلام ده غريب او ناس تقول وهم بيتفرجوا على الحاجات السيئة ليه مثلا
بس الواقع ان كل حاجة بقى جواها حاجة سيئة
صاحبتى قالتلى على مسلسل تركى مفروض عيلة مسلمة والمسلسل 170 حلقة والقصة كلها ان واحد بيخون عمه مع مرات عمه وهو خاطب بنت عمه !!!!!!!!!!!!!!!!!!!والمسلسل على قناة سعودية
وكل اللى بيتخطبوا فى المسلسل لازم الزنا قبل الجواز كده عادى
هم دول المسلمين ايه هدف المؤلف يعنى تاعب نفسه عشان يعمل قرف زى ده
اصلا بنت خالتى كانت فى السعودية لما كنا صغيرين كانوا اصحابها فى المدرسة بيتخيلوا ان اللى بيجى فى الأفلام المصرى حقيقى و ان المصريين فعلا بيعيشوا مع بعض قبل الجواز
كمان مرة كنا فى جمصة فى شاليهات تبع الشغل ومفيش تلفزيونات
التلفزيون الوحيد فى كافتيريا تحت
فاحنا كنا متعرفين على واحدة بتشتغل مع ماما بس فى فرع سندوب وكانت جايبة معاها مرات اخوها
فى يوم زهقنا ونزلنا الكافيتريا كلنا _ مرات اخوها دى بتاعة 40 سنة وقلبت على مسلسل تركى عجيب ولقطات بقى خادشة للحياء قلت لها ايه ده
ودى مصرة الف اصرار انها متابعاه وابنها عنده 9 سنين واقف جنبها !!!
وزمايل ماما فى الشغل رجالة بقى جم ودى ولا طرف لها جفن
يعنى اللى بيعمل معصية على الأقل يخبيها واقول لها مش قدام الناس ودى مركزة فى التلفزيون مش قادرة حتى تبص لى وتفوت لقطة
كان لازم انسحب
وفكرت مع نفسى اكيد عندها حرمان عاطفى هو اللى بيخليها تدور على المشاعر فى حتة تانية غير جوزها
الطفل الصغير ده لما يشوف قدوته بتتفرج على الحاجات دى هيطلع عامل ازاى وهيتفرج هو على ايه
اكيد المسئولية على ال 3 كمان والتالت زوجها
وعقابها عند ربنا كبير إلا من تاب لكن الرجل غالبا هو اللي بيبدأ وكدة شال ذنب زيادة وهو افساد زوجة على زوجها
والشيطان ربنا ينجينا منه يارب مداخلة كتير وممكن ماتخطرش على بال البني ادم المهم الرجوع عن المعصية في الوقت المناسب والتوبة
بسم الله والحمد لله والصلاة والسلام على رسول الله وبعد
الإخوة والأخوات الأفاضل , جزاكم الله وجزاكن جميعا كل خير
و كما ذكرت الأخت الفاضلة نور القمر , يقول النبي صلى الله عليه وسلم ليس منا من خبب
( أي أفسد ) امرأة على زوجها وفي رواية ملعون من خبب امرأة على زوجها
فهو ملعون (أي مطرود من رحمة الله ) وليس منا ( قال العلماء هذا من أحاديث الطرد من الملة
حتى يتوب نسأل الله العافية )
و أيضا كما ذكرت الأخت الفاضلة زينة الله أنه من الأفضل الفصل بين الرجال والنساء ـ إن أمكن ـ
كماجاء في حديث المصطفى صلى الله عليه وسلم باعدوا بين أنفاس الرجال والنساء وإن كان
بالحديث ضعف إلا أنه يعمل به في فضائل الأعمال
وكما ذكرت أيضا الأخت الفاضلة أزميرالدا فعلا المسؤلية مشتركة , وفعلا هناك مسؤلية على
الزوج , وفعلا ليس هناك من هو كبير على المعصية فالقلوب بين اصبعين من أصابع الرحمن
يقلبها كيف يشاء ( اللهم يامقلب القلوب ثبت قلوبنا علي دينك ) , وفعلا كما قال الحبيب صلى الله
عليه وسلم عفوا تعف نساؤكم ,
وأن وسائل الأعلام المرئيةعليها جانب كبير من الإنحطاط الأخلاقي
بفضل الله وحده , بالأمس خوفت هذا الأخ من الفضيحة فإن كان الله ستره زمنا فإنه يمهله ليتوب
فإن لم يتب فضحه الله ( كما جيئ لأمير المؤمنين عمر رضي الله عنه بسارق فقال ياأمير المؤمنين
إنها أول مرة قال كذبت لو كانت أول مره لسترك الله قال صدقت ياأمير المؤمنين )
وهذا غير الفضيحة على رؤوس الخلائق يوم القيامة أمام زوجها والناس أجمعين
ودعوت له بالأمس في السحر أن يكره الله له المعصية
اليوم اتصل بي صباحا وقال لي أنه ترك العمل وسوف بعمل مع الأخ الذي عرفني به من رواد
المسجد , وسبحان الله أنه مع هذه المعصية كان قد حلق لحيته ( حتى لايصير
منافقا والناس تقول له ياشيخ فلان وهو عاص لله , وبدأ يشرب السجائر )
وقال لي أن أيضا امتنع عن شرب الدخان ,ولن يحلق لحيته ثانية
فوالله تعجبت ولكن سبحان الله ألم نقل أن القلوب بين أصبعين من أصابع الرحمن وإن الرجل ليعمل
بعمل أهل النار حتى لايكون بينه وبينها إلا ذراع فيسبق عليه الكتاب فيعمل بعمل أهل الجنة
والعكس
يشاء الله أن أخطب عن حكم الصداقة فيقص علي الرجل قصة صديقة فأقصها عليكم فيكون بفضل
الله المخرج من المعصية
هذا الفضل من الله أولا ثم بفضل نيتكم ونيتكن الصالحة للهداية لهم
أسأل الله أن يجنبنا الفتن ما ظهر منها وما بطن
اللهم ثبتنا عند الممات وعند السؤال في القبر
ربنا ءاتنا في الدنيا حسنة وفي الآخرة حسنة وقنا عذاب النار
الحمد لله الذي جعلك سبب في توبته يا شيخ خالد
ربنا يصلح احوالنا جميعا
والله لا أصدق أن الموضوع جاء بهذه السرعة وهذه الإستجابة
ونسيت أن أقول أن مما قاله قال لصاحبه أنت كسفتني أمام الشيخ , فقلت له أتستحي من المخلوق
ولاتستحي من الخالق , أجعلته أهون الناظرين إليك
فلله الحمد وحده وله الفضل وحده وله الثناء الحسن
كما ينبغي لجلال وجهه وعظيم سلطانه وزنة عرشه ومداد كلماته
ملء السموات وملء الأرض وملء ما بينهما وملء ما شاء من شيء بعد
يهدي من يشاء ويضل من يشاء
قيوم السموات والأرضين
الواحد الأحد الفرد الصمد
الذي لاشريك له في ذاته ولاصفاته ولا أفعاله
الأول الذي ليس قبله شيء والآخر الذي ليس بعده شيء والباطن الذي ليس دونه شيء
الحي القيوم السميع البصير
الملك القدوس السلام المؤمن المهيمن
الرحـــــــــــــمن الرحـــــــــــــــيم
لايحصي أحد ثناء عليه بل هو كما أثنى على نفسه
[mark=#d10404]وصل اللهم على سيدنا محمد وسلم تسليما كثيرا[/mark]
الحمد لله
انا متوقعتش ابدا انه يقدر يسيب الشغل
ربنا يثبته يا رب
بس شفت الشيطان بيعمل ايه :
انت بتعمل معصية كبيرة طب ما تكمل بقى بقية المعاصى مش فارقة عشان يقضى عليه خالص
ومتتعجبش ابدا يا شيخ خالد من سرعة الأستجابة ده على كلمة بسيطة ناس تدخل فى الأسلام كمان مش تتوب عن معصية وهو كان جواه خير وكان حاسس بالذنب
المهم يغير موبايله كمان وتليفو ن البيت ولو له اصحاب رجالة فى الشغل القديم ميعرفهمش اى حاجة عن الشغل الجديد عشان هى متعرفش توصل ليه
يعنى اى حاجة ممكن تبقى طريق لأنها تأثر عليه يقطعها على نفسه عشان ميرجعش
ومهم كمان يحاول يتجوز
انا كمان بفكر ان هى ممكن يكون جوزها مسافر الناس اللى بتسيب زوجاتها بالسنين دى
وتقول لو خدتك مش هحوش
والآخر تلاقيه متجوز هناك والمفروض ميسيبهاش اكتر من 4 شهور
وممكن يكون الموضوع بدأ ان هى بتشتكى منه وتحكى لصاحب القصة وهى المواضيع دى عادة بتبدأ كده
مع ان ممكن يكون فيه نفس العيوب اللى فى جوزها لكن هى شايفة الجانب الحلو بس زى الخطوبة مبيبقاش فيها عشرة ويمكن لو اتجوزته تلاقيه ا سوأ من جوزها بكتير
ان شاء الله تتوب وربنا يقبل توبتها
خليك معاه برضه : )