الموضوع: هل يوجد طريقة سريعة لشحن البطاريات للعربيات الاوتوماتيك ؟

المشاركة الأصلية كتبت بواسطة walidadel

بتضعف ولا بتفصل خااااااالص مش بتقوم المارش
بتضعف ولو ملقطتش من اول مرة كالطبيعى ممكن بعد كدة تهبط ومتدورشى (حصل الموضوع ده مرتين وبدون تشغيل التكييف بتبقى زى الفل) .
و بعدين شغل ايه اللي حضرتك عملته في ضفيرة الكهربا بتاعة التكييف .
كنت مغير اسلاك مراوح الردياتير والسربنتينة بتاعت التكييف وكمان كتاوت التكييف من فترة لانهم كانوا عملوا قفلة من فترة فى سفرية لبورسعيد وكانت ساحت الاسلاك ساعتها فغيرتهم .
و البطاريه بقالها اد ايه اصلا في العربيه و نوعها و جافه ولا سائله
البطارية 60 امبير الكنزة وتقريباً نوعها نسر وتقريباً بقالها سنة .

عموما ياباشا حضرتك تنزل شارع دمشق هتلاقي جهاز بتشحنه من البيت و فيه كابلات زي بتاعة التوصيله بالظبط بتدي لقطه للعربيه و تدور معاك حلاوه
الجهاز دا صيني و هو معاه حاجات كتير كشاف و حاجات زي كده
طيب سعره كام تقريباً لانه لو صينى وغالى هتكون فكرة شرائه هتكون مش جايبة همها وشراء بطارية جديدة حتى لو سبير أفضل .

هو نفس الفكره كده معلش بقي دور عليه عند المحلات بتاعة الكماليات الكبيره السجان او في محل بردوا بعد نافع علي الشمال كده يعني او ممكن كارفور المعادي او سبينز سيتي ستارز بتلاقي في قسم العربيات حاجات غريبه و كتيييييييييير ... ارجو اكون افدتك
تمام كدة بس يارب افتكر لانى كنت فى كارفور قريب ونسيت اسأل هناك مع انى كنت فاكر انى ابقى اسأل هههههههههه .

و بعدين الكابلات ظريفه علي فكره بس يمكن حضرتك ممكن ماتعرفش تتعامل معاهم بس قولهم توصيله و اللي انت عايزه خده كده يعني
الموضوع ان البطارية شحنها زى ما قلت كويس والدينمو بيطلع 14 امبير بس احيانأ بيكون الطريق واقف جدأ مبيتحركشى خالص والعربية اوتو + تكييف شغال + كاسيت وسماعات + انوار وبعد الوقفة الطويلة بوصل للبيت على طول فمبتلحقشى تعوض كل ده والله أعلم .
ومش محتاجة انى اكون فى موقف زى ده صباحاً او مساءاً واقعد ادور على وصلة وحد معاه بطارية الكلام ده .