واضح إن الموضوع قلب من ألف مبروك لملاكي حلوان لفاميهات ونسر ونيابه عامه وشوية علب حلاوة وشوكلاته لزوم الفرح:D
ما لقيش عندك يا نهي ترمس وفول سوداني تبعتيهم email :D:D لزوم القعده ومتابعة الموضوع اللي واضح منه إنه مش هايخلص إلا على حاجتين
الحاجه الأولى : إني أفتح المنتدى في يوم من الأيام ويمكن برده قلاقي خبر على جميع الشبكات الأخباريه بالفونت العريض (3600) :D بيقول
قررت الأنسه المبجله نهى رضوان منح سيارتها كيا سيراتو سوداء اللون ذات الدفع الأتوماتيكي خماسي الإتجاهات إستماره سبعه بعد بقائها لمدة خمسة أعوام كاملة في عهدتها والإنتقال إلى نوع جديد من المركبات الطائره من نوع Airbus Motofemale 3001 ذات الوقود الأيدروجيني والكمبيوتر الذي يتمتع بالذكاء الإصطناعي الفائق والذي يحاكي عقل المرأه في القياده الآمنه
وطبعا موضوع ذي ده هاينتشر جامد أوي على صفحات الإنترنت وفي الإعلانات اليوميه وهايبقى حديث الساعه:D وساعتها الإداره مش هاتلاحق على كمية الأعضاء الجديده اللي هاتدخل على المنتدى مخصوص علشان تبارك وتهني أول فتاه مصريه إشترت النوع ده من العربيات بناءا على آراء مليون عضو ( طبعا بعد خمس سنين إن شاء الله ) في حوالي 5000 موضوع إتفتحوا مخصوص في كل مكان في المنتدى على مدار عام لأخذ الأراء في الموديل 3001 اللي لسه منزلشي مصر وطبعا ما ينفعشي ننسى اللون اللي طبعا مهم جدا جدا لل Females بس ده مش هايبقى مشكله بعد كده خالص خالص لأن الموديل ده اللي فيه ذكاء إصطناعي بيغير لون العربيه مع كل طقم يعني واحده لبسه طقم أحمر العربيه تديها لون احمر طقم أخضر تديها لون أخضر وهكذا والموديل ده خاص فقط لل Females علشان يريحهم خااااالص وطبعا فيه امان تام لأنه طائر:D
الحاجه التانيه : إني أفتح المنتدى في يوم من الأيام وقلاقي رساله على صفحه بخلفيه حمراء بتقول :
نأسف لهذا العطل المفاجئ:mad: والذي إتضح أنه ناتج عن إمتلاء المساحه المخصصه للموقع فجأه:eek: مما سنضطر إلى شراء مساحات أخرى إضافيه للمره الخامسه على التوالي:mad: قادره على إستيعاب كمية المشاركات الماهوله المصاحبه لبعض المواضيع الشيقه:p
"لما نشوف أخرتها آيه معاهم" :D
ده حاجه كده For Fun :D
عايز أشوف الصفحه رقم 100 قريب.... الهمه شويه يا جماعه