المشاركة الأصلية كتبت بواسطة mbluethunder7000
طب أقولك فكره أفضل. إحنا نشوف إمتى حضرتك هاتستلمي العربيه ونعمل في اليوم ده المقابله الشهريه بتاعة المنتدى وساعتها هاتبقي ضربتي عصفورين بطوبه واحده
1: عملت موضوع الإستلام (Live) وبكده حامينا المنتدى من الإنهيارات المتتاليه
2: هايبقى معاكي في المقابله ده على مع أظن واحد من كل روم
وبكده هاتعملي أكبر خدمه للمنتدى وكلهم هايدعولك
بس كده ... بسيطه
طريق مصر الأسكندريه الصحراوي جنب التوكيل لزق. ممكن حضرتك تجربي العربيه وبالمره نشوف الشد بتاعها أخباره آيه ( ده لو إنت عايزه تجربي كفائتها بدري بدري:D) مع عربيات الأعضاء اللي هايجوا المقابله ده
والتشويق بقى هايجي لوحده:D:D:D
يانهار أبيض .. مانقدرشي نقول إن اليوم اللي هاتستلمي فيه العربيه هايبقى يوم عادي.. مستحيل نقول كده..... بصي إحنا هانعمل الآتي بالإتفاق مع الإداره:
1: الأتفاق مع المذيع اللامع "عمر أديب" لعمل لقاء صحفي مباشر مع نهى رضوان بمناسبة إستلامها كيا سيراتو:D
2: الأتفاق مع المذيعه العالميه " opera winfrey " لعمل حلقه خاصه "Live " في التوكيل ذات نفسه وفي الشورووم بمناسبة إستلام نهى رضوان سيارتها الجديده كيا سيراتو:D
3: الأتفاق مع المطرب الشاب "سعد الصغير " ( لأنه الوحيد اللي هايعمل الهيصه المطلوبه على ما أعتقد:D) والمطربه الشابه رائعة الجمال "أليسا " أو "هيفاء" ذي ماتحبي مش هاتفرق
وطبعا ماننساش أهم حاجه وهي مشاركة الأعضاء بالكلكسات ( ده هيصه تانيه لوحديها ):D
وبمناسبة كيلو القوطه.. خالي بالك إن القوطه حمراء والعربيه سوداء .. يعني كانت ممكن تمشي كيلو باذنجان:D:D .. أهه حاجه تمشي مع اللون:D:D
وبمناسبة برضه عربية onna .. ممكن نغير الإسم (بعد إذن حضرتك يعني) ونخليه أوناراتو :D:D ده هايبقى لايق جدا مع الوضع الجديد