الموضوع: سؤال بخصوص الكاوتش

انا كان عندى الاوكتافيا الكاوتش الأصلى قعد معايا لغاية 70 الف لفردتين واتنين كملوا معايا لغاية 80 الف كان كونتينتال المانى.
بس طبعا دلوقت مع انتشار عيون القطط ومخالبهم الكاوتش بيتقصف عمره بدرى بدرى .
يعنى ممكن مايكملش 40 الف وتلاقيه لسه كويس بس طالعله بقليله او مبقاش مدور مظبوط ويعمل رجة محترمة وانت ماشى

ازيك يا حازم بك..
انا حصل معايا الموضوع ده في عربيتي الحالية..
انا شاريها من 3 شهور
والكاوتش بتاعها كان نضيف..
ماركة اندونيسي مجهولة..
ما علينا.. انا مكنتش حاطط في حساباتي التغيير..الا لما اقفل بيه 20 الف كمان.
علي كلام المالك الاول للعربية.. كان مغير من 10 الاف كم بس..
المهم.. اللي حصل اني لبست بلاعة او حفرة.. بوظت فردة فعلا و طلعت بالونة..
وعلي هذا الاساس.. هاغير كله ان شاء الله.. بس البالونات دي مالهاش كبير..
ممكن وانت خارج من المحل مركب الكاوتش.. يحصل معاك زي ما حصل معايا كده و تغيرها وقتي..
ربنا يسترها

انا ماقصدش البقليلة اللى بتطلع على جنب بسبب مطب او بلاعة.
انا اقصد ان العجلة بتبقى استدارتها مش مظبوطه وتحسها لو مشيت بكف ايدك على الجذء اللى بيلامس الطريق.
وسببها ان السلك اللى جوة العجل بيتقطم من كتر الدق اللى بيخده عند عبور المربعات الحديد.

واللى بيأكد ان المرض ده بسبب عيون القط ان زمان مش فاكر انى غيرت عجلة غير لم بتكون اصيبت فى مطب او بلاعة او عمرها خلص (يعنى تخانة التيل بتكون قلت فعلا)
اما فى خلال ال4 سنوات اللى فاتوا مافيش عجلة عندى اتغيرت غير وفيها ظاهرة عدم الاستدارة دى ومع ماركات وسيارات مختلفة.

ولا يهمك احنا يهمنا في الاول والاخر مصلحتك

ولو على التيل بسيطه يتغير