بص يا محمد ..اولاً سيبك من كلام اى حد فى بنزينة يقولك حاجة
وانت ممكن تحس بضعف العفشة من الاتى
1-المساعدين ..لو ضغط على اركان العربية لآسفل جامد ..وسيبت العربية تطلع لفوق
لو طلعت بنعومة وعلى مرة واحدة ... يبقى المساعدين ذى الفل
لو طلعت برجة و على مرات و ببطىء ... يبقى شوف مين الركن اللى عمل كدة يبقى فية المساعد تعبان
2-لو ركب حد معاك فى العربية و خصوصاً ورا ولقيت العربية وطيت لتحت اوى وبقى نص العربية الورانى اوطى من الامامى ...تبقى العفشة ورا تعبانى ..وهكذا قدام
3-لو مشيت على 80 او 90 فى طريق فى مطبات خفيفة ..ولقيت العربية بين المطبات بتبقى متربنة و فيها رجة ..تبقى العفشة تعبت
4-بص على السست لو لقيت اللفات قربت من بعض و فى عدم انتظام فى المسافات اللى بينهم ... يبقى برضو السست تعبت
5-لو لقيت اى اثار (نشع زيت )على المساعدين ..تبقى المساعدين جابت اخرها
بالنسبة للبطاحات فالو استعمالك معتدل للعربية ..فاعتقد لسة قدامهم بدرى لحد مايحتاجو يتغيرو ..و ممكن تبص عليهم لو رفعت العربية فى البنزينة و تتأكد بنفسك
بالنسبة لسعر الآبيزا ال 98 كاملة بدون تكييف تعمل 43 او 44 حسب الحالة
لو بتكييف توصل ل 47 او 48 برضو حسب الحالة
المفضلات