الموضوع: فيه حد هنا من قطر ؟؟؟؟؟؟؟؟؟؟

فيه موقع يا اسلام اسمه محاورات المصريين
ادخل على مندى المغتربين هتلاقى رابطه المصريين اللى فى قطر ولو حطيت اى سؤال عن قطر هتلاقى ما لايقل عن خمسه سته خبرة فى قطر هيرد عليكى
وناس محترمه يعنى ممكن تقابلهم ةتتعرف عليهم
وده رابط المنتدي
http://www.egyptiantalks.org/invb/

على العموم
الحاجات الاساسيه اللى تاخدها معاك
الادويه بتاعتك ، خد اسبرين كتير معاك وادويه المغص ، الاسهال ، البرد مضاد حيوي لان الادويه هنا فى الخليج غاليه وصعب يصرفلك دوا من غير روشته علشان لا قدر الله حصل حاجة متبقاش محتاس

ما تخدش معاك هدوم شتوى الا قليل

خد معاك غيارات كتير لانك مش عارف هتستقر امتى ( ومحلات غسيل الهدوم غاليه) وشرابات

لو بتلبس نضاره اعمل نضاره معاكى احتياطى فى مصر وهاتها لان النضارات هنا غاليه
علشان لو النضاره اتكسرت

خد معاك فلوس قطرى حوالى 4000 درهم قطرى

الجزم فى مصر كويسه هات معاك الجزم بتاعتك معاك لان الجزم هنا غاليه جدا

بعد ما توصل البلد هتحس برهبه وده شىء طبيعي بيحصل لاى حد بيسيب بلده لاول مره

اول ما توصل وتعرف على زمايلك فى الشغل ( اكيد طبعا الشغل حاجزلك فندق كام يوم)
فاعرف هما حاجزينلك كام يوم وخلى بالك الاتصالات اللى هتعملها من الفندق تقريبا انت هتدفع تمنها

اشترى خط تليفون موبايل على طول

اسئل زمايلك هما ساكنيني فين وازاى والسكن بيتكلف كام وحاول تشوف معاهم سكن مؤقت لحد ما تظبط امورك

ما تفكرش انك تجيب اسرتك على طول الا ما تدرس الموضوع اقتصاديا كويس لان غالبا السكن العائلي هيبقى غالى جدا

خليك ورا الراجل اللى بيطلع الاقامات لحد ما يخلصلك ورق بتاعك ويطلعلك الاقامه
اول ما توصل الشركه خليهم يعملولك التامين الصحى وده مهم جدا واظن انه اجبارى

وان شاء الله لو افتكرت حاجة هبقى احطها ، بس انت طمنى عليك وان شاء الله تجى الامارات قريب ونشوفك



كلام الباشمهندس محمد هو المضبوط حتى في السعوديه هنا نفس الوضع الأدويه غاليه جدا والجزم والنظارات والسكن تروح وترجع بألف سلامه وماتخفش أيام الغربه تعدي زي الصاروخ ولا هتحس بيها إلا الشهرين التلاته اللي في الأول بس ... ربنا يوفقك وأحنا مع بعض ع النت على طول إن شاء الله .

كاسبر خد الكلام من على طرف لسانى ...منتدى egyptiantalks هيعرفك كل حاجه واى استفسار هيردوا عليك
تروح وترجع بالسلامه يا أ.اسلام

..mokhtar..

تروح و تيجي بالسلامه يا اسلام باشا
اكيد ان شاء الله حشوفك قبل ما تسافر .
بالنسبه للبس خلي كل لبسك فاااااااااتح لان اي حاجه غامقه حتقرفك و حتبوظ مجرد ما تمشي في الشمس عشر دقايق بس.
و كل الكلام اللي قاله الاخ كاسبر بخصوص الادويه نفذه.
برد و صدااع و مغص و اسهال و كحه و فيتامينات .
ما تحاولش تزود في لحاجات اللي واخدها معاك علشان الوزن .
لو نازل علي ناس تعرفهم او حتقعد مع مصريين ابقي خد معاك ي حاجه حلوه من هنا ليهم وليكن حلاوه المولد الناس بتبقي بتتنشق علي الحاجات دي.


و ربنا يقدملك اللي فيه الخير .

معلش يا جماعه أنا لسه داخل حالا ومعلش أنا ما بعرفش أرد باقتاسات كثير ما بعرفش أعملها .

إسلام المصري :- الله يخليك يا حبيبي ، الفوجات أنا لسه ماركبتهاش ، وشوف تحب نتقابل إمتى أنا تحت أمرك .

نادر باشا :- الله يسلمك وأشوفك على خير إن شاء الله .

حازم خضر :- الله يسلمك يا حزوم وكان نفسي أشوفك بس الظاهر اللعبة الجديدة ( الياريس ) عجباك ولهياك عنا.

mokhtar :- شكرا يا باشا وأتمنى أسعد بلقاء حضرتك .

bassemali :- أشكرك جدا وإن شاء الله نتواصل على النت زي ما حضرتك قولت .

aif :- ألف شكر يا باشا أنا قعدت في السعودية حوالي 15 سنة بس الكلام ده ثمانينات وتسعينات يعين أكيد الوضع اختلف وده اللي مخوفني .

hamedo0 :- الله يسلم جضرتك وأتمنى أشوف حضرتك .

محمد المشد :- ربنا يسلم حضرتك .

Islam_galal ك- الله يسلمك سا سولوم برضه !!!!!!!!!!!


casber :- يا باشا الله ينور إيه الجمال ده القايمه بسم الله ماشاء الله وافيه جدا جدا أشكرك بشده

abdelaziz-waleed :- أنا أسعد بلقائك وأتمنى أشوفك ثاني إن شاء الله .

تروح وترجع لنا ولبلدك واهلك بالف سلامه وربنا يوفقك لما فيه الخير ودايما يا سولوم هاتفضل منور نايل موتورز وان شاء الله احاول اشوفك قبل ماتسافر علشان واحشنى
وانت مسافر لو عايز اى حاجه فى مصر اقضيهالك قوللى على طول وانا والله عمرى ماهاتاخر عن اخويا وحبيبى اسلام دى مش عزومه والله شوف انت بس هاتامر بايه ورجالة المنتدى كلهم تحت امرك
وتروح وترجع بالف سلامه

أنا في قطر يا اسلام باشا و تحت أمرك في أي حاجه
لو حتي تحب أستناك فالمطار يبقي ليا الشرف

المشاركة الأصلية كتبت بواسطة bassemali

خد معاك فلوس قطرى حوالى 4000 درهم قطرى



.

العمله في قطر هي الريال القطري و ده بحوالي جنيه و نص مصري نفس يعر الدرهم الامراتي