الموضوع: كيفية ازالة امير من تابلوه السيارة

الخلاصة مع الأمير.

عالإزاز: حط شحم أو أي حاجة تقيلة، وبعدين استخدم كاتر (استخدمه بالعرض وابعد عن السن الحاد)، واكحته بالتدريج من برة لجوه وبعدين نضف الإزاز من الشحم (وظيفة الشحم انه يحافظ عالإزاز من التجريح بسبب الاحتكاك)
عالبودي: حط زيت جونسون للأطفال عالمكان، وبعدين صنفرة ناعمة جداً، لف الفرخ حوالين صابعك وبالراحة اكحت مكان الأمير. لو الأمير مبقالوش كتير، ممكن تجرب تستخدم فوطة خشنة بدل الصنفرة. والحل الأخير لو الأمير تقيل جدا وناشف، هو صاروخ التلميع بتاع البوهيجية.
عالجلد الصناعي: مية سخنة، سيبها دقيقتين ونشفها. وبعدين استخدم فوطة خشنة (صوف أو ألياف صناعية) وممكن تستخدم اسفنجة تنضيف الأطباق الخشنة بس بحرص. ممكن تحتاج تكرر عملية المية السخنة وبعدها الفوطة الخشنة أكتر من مرة.

أهم حاجة في العملية دي طولة البال والصبر، وربنا يوفقك